اليوم اتمت 1000 كيلو و تقرير عن اللوجان

[عمرو عبد الحميد الجندى]

اليوم وصل العداد الى ال 1000 كيلو ( لوجان مانيول فول اوبشن ) 2013

و اتبعت ما مايلى فى فترة التلين :

1- كنت بسيب العربية تسخن اول ما ادورها حتى يصل مؤشر السخونة الى شرطتيين .
2- كنت بامشى بالعربية على طرق سريعة حتى لا امشى على سرعات مكتومة بالعكس مكنت باغير السرعات من ( 2- 3- 4 -5 ) لانى سمعت ان المشى على سرعة واحدة لمدة طويلة غلط .
3- السرعة مكنتش باحاول ازودها عن ال100 وعموما كنت ما بزودش فى الغالب عن ال60 ( وانا عموما مبحبش الجرى و الغرز )
4- البنزين كان دئما 92 .
5 - كنت دائما بحاول و اتجنب المشى داخل البلد حتى لا امشى على سرعات ضعبفة ( 1-2) لمدة طويلة نظرا للزحمة و الشوارع و المطمبات اللى زى الزفت لان بلدنا فى حالة فوضة و لا فى مرور و لا غيره و كمان كنت خايف عليها من الخبطة فى اولها ( كافية الترسكلات و المتوسكلايات حاجة فى منتهى البلطجة ) ؟؟؟
6- كنت باحاول امشى بالعربية كتير لوحدى حتى احمل على الماتور فى فترة التليين

الاضرار اللى حصلت فى فترة التليين

1- خبطة بسيطة فى الرفر ف الامامى من عربية كارو لم اردها حتى الان مش بينا اوى.
2-فجاءة مرة لقيت الرفرف الشمال اللى وراالسواق البومية دخلة جوه بسا انا ردتها بادى فكت العازل من الشنطة و رجعت لوحدها اول ما حطيت ادى ( الحكاية دى حصلت مرتين ) ومن المعروف ان الحتة دى اضعف حتة فى العربية .

مميزات العربية من وجه نظرى

1- اداء السيارة فعلا اصبح افضل بكتير و بالذات بعد ما مشيت بيه كتير
2- السيارة فعلا و ده حقيقى تكاد لا تستهلك بنزين .
3- ليونة تامة فى الدبرياج و الدواسات و الفتيس بصفة خاصة
4 العفشة ناعمة جدا جدا تكاد لا تشعر بالمطبات .
5-العربية عالية عن الارض و لا تمس المطبات حتى و لو محملة .
6- المالتى اللى فى الدركسيون جميل جدا و مفيد فعلا .

العيوب اللى فى العربية من وجه نظرى

1- الصاج وحش و بالذات اللى فى الرفرف .
2- احساسى ان العربية مش متزنة قوى فى المحنيات( يعنى لازام اهدى قوى ) . بس انا جربت نفس المنحنيات بالانوس و وجد ت ان الاحساس هو هو
3- صوت الماتور مقترش اقول انه عالى بس اقدر اقول بدى قوى و هيبة لما ادوس جامد على البنزين .

اسئلة هامة ارجو الرد منكم

1- فى ناس نصحتنى انى اروح للتوكيل بعد ال1000 و اغير الزيت لانه يبقى فى راوسب من الحديد اروح ولا اروح بعد ال5000 كما هو معتاد .
2- قريت فى الكتالوج ان العربية فيها حامل اكواب فى الخلف مش لقيه ؟؟؟؟؟؟
3- ازى انظف فلتر الهوا بتاع الماتور
4- اى مياه تنفع العربية و ممكن اجبها ؟.
اسف على الاطالة بس انا حبيت انى اتكلم عن عربيتى و افيد اى حد من وجه نظرى

[YahiaAshraf]

الف مبروك يا باشا ال 1000 كم
وعقبال ال مليون كم باذن الله

1 - بالنسبة لتغير الزيت غيره بعد 5000 كم كما هو مكتوب
2 - العربيه فعلا فيها حامل اكواب خلفى شوف الصوره دى كده



3 - بالنسبة لتنظيف فلتر الهواء شوف الفيديو ده هيفيدك
http://www.youtube.com/watch?feature=player_embe dded&v=8WrEZuHdEIQ

4 - بالنسبة لمياه العربيه معرفش و الله و انشاء الله حد يفيدك فى النقطه دى

تحياتى

[Jemmy]

لا يوجد صيانة 1000 كيلو الا اذا كان عندك شكوى محددة
اول صيانة على 5000 كيلو ولا يتم فيها تغيير الزيت لأن الزيت الموجود فى الموتور حاليا عمره الافتراضى 10000 كيلو
أنا عندى لوجان أوتو 2013 وليس بها حامل أكواب خلفى

[Emgrand]

مفيش تليين للوجان..الماتور نازل متلين
لو مش مصدق التوكيل....صدق عقلك تغير الزيت الاول بعد 10 الاف كيلو مش زى بقيه العربيات بعد 1000

[sherifabden]

على فكرة مفيش حامل اكواب في المنتصف لانهم شايلينه وحاطين مكانه زراير الازاز الكهربا
والف مبروك وعقبال ال1000000 كيلو