المتردد يشتري السيراتو يدخل يشوف الموضوع

[Joe Nubira]

انا استلمت العربية من 4 ايام يوم الثلاثاء صباحا من التوكيل LX لونها اسود واتعملى خصم من 103 الى 100 الف و عملت بيها لحد دلوقتى 600 كيلو وسافرت بيها وشايف ان العربية ثباتها على الطريق كويس ورغم ان انا معنديش جنوط اسبور ولا abs وشايف ان السحب كويس جدا ولسة مفتحتش الموتور وموفرة فى استهلاك البنزين وجربت التكييف 5 دقائق بس عشان لسة العربية بتلين مقصرش على الموتور نهائى وثلج العربية. بصراحة انا شايف ان العربية تحفة شبابية وعائلية واحسن عربية كورى ركبتها

[aymang]

ارجوكم افيدوني فين الموضوع

[aaet1]

بص يا باشا أنا معايا العربية من 3 شهور عامل بيها 3500 كيلو وهى جنط 17
ثباتها كويس جدا سسافرت بيها مرتين ومرة فيهم جبت 180 من غير ما أقصد أنا لقيتها كده وماكنتش حاسس إلا لما بصيت على العداد وجبتها أثناء ماكنت بعمل كام غرزة كده بين العربيات على الصحراوى
بالنسبة للمقصات اللى بتتكسر والكلام الفاشل ده شوية كلام طلعوا فى الأول والقصد بيهم ضربها لمصلحة عربية تانية وحتى لو حصل مرة واتكسر عادى ممكن يكون عيب صناعة وكان ليها مقدمات وصاحبها اهملها وعندى ليك موضوعين ممكن ابعتهم ليك على الخاص هتعرف من خلالهم ان مقصاتها مستواها عالى جدا ومن الصعب أو المستحيل يكسروا
بالنسبة أنا عربيتى مرة وهى واقفة عربية تانية دخلت فيها من ناحية العجلة الشمال وعربيتى من شدة الخبطة لفت 45 درجة وخبطت الناحية التانية فى عربية واقفة جنبى طبعا رحت الوكيل وكشفت على الزوايا والمقصات والمفاجأة ولا حتى احتجت أظبط زوايا وكل اللى حصل فى العربية هو الاكصدام اتكسر حتة والفانوسين القدام واحد اتكسر وواحد باغتة اتشرخت وفانوس ضباب واحد اتكسر لكن من جوه كل حاجة سليمة والحمد لله

ومن وجهة نظرى
1- عفشة ناشفة شوية وخصوصا مع الللى قاعد ورا بسبب الجنط ال17 واسلوب التعليق الخلفى ولو جبتها 16 أو 15 هتلاقى العفشة بقت عادية خالص ... بس أنا بصراحة مش فارقة معايا شوية النشوفية دى فى مقابل الشكل والثبات اللى بيديهم ليك الجنط ال 17

2- الاستهلاك فعلا عالى شوية بس مش فظيع ومثلا الأوكتافيا نفس الاستهلاك تقريبا والصنى استهلاكها أسوء بكتير

3- التكييف مش هديله درجة ممتاز ولكن هديله جيد جدا ووجهة نظرى دى من واقع انى دايما مشغل التكييف على درجة 22 وهو بالمناسبة ممكن تنزله لغاية 17 فيمكن لو خليته كده اديله ممتاز وبالمناسبة ال 180 اللى جبتهم دول كنت خلالهم مشغل التكييف

4- صوت الماتور بيعلى شوية بعد ال 140 بس مش المزعج ولو شغلت كاسيت مثلا هيغطيلك تماما على صوت الماتور وبالمناسبة الساوند سيستم اللى فيها ممتاز جدا أنا مثلا عادة بخلى ارتفاع الصوت على 10 وهو ممكن يوصل لحد 26 أو 30 ومع امكانيات اللعب فى الصوت والبيز العربية بتترج من شدة الصوت

[mdriad1]

انا معايا سيراتو 2010 SX منذ اول السنة وعامل بيها حتى الآن حوالى 13000 والعربية بصراحة ممتازة ثبات وسرعة وتكييف وتشطيب داخلى وساوند سيستم اكثر من رائع وهى بالنسبة لثمنها وسمعتها فى السوق المصرى والعالمى فهى استثمار ناجح وانصح من يريد شراؤها الا يسمع تلك التخاريف والاشاعات التى تنطلق من وقت لاخر لان معظم من اشتكوا منها فهى حالات فردية ربما تنتج من طريقة قيادتهم الغير طبيعية ولكنها مع القيادة المعتدلة اكثر من رائعة (مرة اخرى اقول بالنسبة لثمنها) بالاضافة الى كماليات ممتازة مثل( طى الكنبة الخلفية - USB - الطارة مالتى فنكشن -صالون واسع مريح .- فرامل ABS - فلاشر فى المرايات الامامية)
........مرة صدمتنى تيوتا لاند كروزر من الخلف خبطة جامدة ولم يحدث بها سوى اعوجاج بسيط فى الشنطة تم استعداله على البارد فى الحرفيين ولم يتاثر الاكصدام او الفوانيس اطلاقا

[ashrafgad]

ممكن حد يعرفنا اخر اسعار الكيا سيراتو 2010 بعد الضريبه الجديده وياريت معرض كويس اشتري منه
انا قررت الشراء بعد ما قريت كل تعليقاتكم وقريبا باذن الله اسجل رايي في العربيه
منتظر ردكم وعقبال عندكم
كل سنه وانتم طيبين