اشتري رينو كليو 2008 احسن و لا نوبيرا 2002 كاسيارة عائلية

[sherif 789]

اشتري رينو كليو 2008 احسن و لا نوبيرا 2002 كاسيارة عائلية و ياريت الرد للي مجرب شكرا

[d,mhmd brbry]

والله الكليو 2008 هيبقى فيها الرمق عشان موديل عالى انا تجربتى مع الكليو 2003 كانت غير موفقة بس بينى وبينك فى الركوب مافيش مقارنة بين الاوروبى والكورى نهائى والسحب والكفاءة وكل حاجة دى اضمنهالك بس الكليو هتتعبك شوية فى الصيانة وانك تفهمها اصلا بسبب تحكم لوحة كنترول الكمبيوتر فى كل شئ وقطع الغيار بتاعة العفشة معقولة والاكسسوار زى تغيير رفرف او فانوس وغيره ممكن تقول هه عادى انما قطع غيار المكنة غاااااااااالية
عالعموم لو حبيت تعرف اى تفاصيل عن الكليو انا تحت امرك

[sherif 789]

طيب لو عايز حاجة فرنسي و عائلية و تكون سعر قطع غيارها و اعادة البيع معقولة ترشحلي ايه

[sherif 789]

و هو ايه سبب قلة سعر اعادة البيع للرينو ؟؟؟؟؟؟؟؟؟؟؟؟؟؟؟؟؟؟؟

[d,mhmd brbry]

لو فرنسى يبقى رينو ارحم قطع غيار من البيجو والستروين,,وقلة سعر اعادة البيع ده منطقى ومفهوم للا سباب اللى قلتهالك ان العربية لو طلبت صيانة بتفتح بؤها ومابتشبعش عاوزة ايدك فيها علطول مش بتاعة شقى وده فى الغالب بيبقى متعب ليك وبتجبلك اكتئاب لانك جايبها عشان تريحك بتلاقيك انت اللى بتسعى عشان تريحها والا هتقلب عليك الاسيوى ممكن تدوس عليها وتتكى ويستحملك على ما ربنا يفرجها معاك وتصلحه اما الرينو حساس شوية للاعطال بسبب الكومبيوتر ,,وربنا يوفقك فى اختيارك ياهندسة