برجاء المساعدة في اختيار سيارة في حدود 40000 : 50000 جنيه

[aly88]

المشاركة الأصلية كتبت بواسطة mr_astra ارشحلك دايو نوبيرا عربية محترمة وقطع غيارها رخيصة جداااااااا لكن استهلاكها للبنزين مش مثالى ومش كبير يعنى وسط

شكرا جزيلا استاذ mr_astra بس فيه حد قالي انها واطية وبتاكل المطبات فهل ده صحيح ؟
انا ميال لها اكتر من اللانوس لسبب انها اوسع واعتقد ح تكون مريحة للعائلة ولا ايه؟

المشاركة الأصلية كتبت بواسطة hazem_khidr كريستاله بس تزود شوية للحاله الممتازه

شكرا جزيلا أستاذ حازم بصراحة العربية دى مجنناني ويمكن اكتر من الحديث منها بس المشكلة انها موديل بعيد شوية فهل ح الاقي منها بحالة ممتازة؟

المشاركة الأصلية كتبت بواسطة hhhesham فيرنا Sent from my GT-I9100G using Tapatalk

شكرا جزيلا استاذ hhhesham فكرت فيه بس الكبوت بتاعها بيخيلني وبحس العربية حادفة يمين يمكن عشان مش متعود عليها ولا ده طبيعي ؟ وبصراحة انا باشوف اسعار مغالى فيها من الفيرنا فهل ده برضو طبيعي ولا ايه؟

المشاركة الأصلية كتبت بواسطة ahmed oqda انا بارشحلك وبقوه سياره تويوتا كرولا موديل من 1992 الى 1996 بس من اول موديل 1994 هيخش فى 55 و60 الف لانها بتكون كامله اما 1996 دى بتكون انجكشن وتكيف وبور وكل حاجه بصراحة دى افضل فئه انتجتها شركة تويوتا حتى الان وكمان هى عربية شديدة دائما بتكون 1600cc يعنى بتاعة سفر ومريحه جدااااااااااااا ومن حيث الامان فكل الموديلات دى صخره وفيها ايرباج واحده بس اما ال 1996 دى 2 ايرباج ومن حيث الثبات هى ثبات ممتاز جداااااااااااااااااااا حتى سرعة 180 بعد ال180 العفشة مبتبقاش مظبوطه واظن مين الى هيجرى بالعربية فوق ال 180 *** وعلى فكره مش كل الموديلات دى فراملها abs ال96 بس هى الى abs وانا ارشحلك من موديل 1992 الى 1994 وكل دى بيتكون فى حدود 45 الف حسب الحاله وربنا يوفقك ويوقفلك ولاد الحلال الى مش يغشوك واحب اقولك متعملش فيها فاهم فى كل كاجه وتقول انا رايح اشترى خد ميكانيكى انت واسق فيه

شكرا جزيلا استاذ ahmed oqda بس موديلات بعيده واخاف من موضوع الحالة ؟
وأكيد طبعا لازم يكون حد باثق فيه لاني خبرتي في العربيات ولله الحمد زي خبرتي في الفيزياء ((صفر))

واذا كان أمام احد من حضراتكم حاجة حالتها كويسة اتشرف بانه يدلني عليها ان شاء الله تعالى

وجزاكم الله كل الخير

[mr_astra]

شكرا جزيلا استاذ mr_astra بس فيه حد قالي انها واطية وبتاكل المطبات فهل ده صحيح ؟ انا ميال لها اكتر من اللانوس لسبب انها اوسع واعتقد ح تكون مريحة للعائلة ولا ايه؟

لا النوبيرا مش مشهورة انها واطية للارض وبتاكل مطبات .....عادية يعنى زى اى عربية سيدان
بس هى مشهور فيها انها بتاكل جلب مقصات كتير
كمان فيها عيب انها بتغير حساس شكمان كتير
بس انت بتتكلم فى فلوس قليلة اوى
العربية دى بجد ميزتها ان حاجتها فعلا برخص التراب
عربية موظفين زى ما بيقولو
النوبيرا تحس انها بنت عم الاوبل فيكترا فيها كتير منها
صالونها معقول اوى لاسرة
فيها اتزان ممتاز بصراحة
شكلها بحس انة مش بيقدم ....... عصرى
مهما كانت حالتها لو اتصرف عليها بتصحى من جديد
ومش عاوزك تخاف من الاوتو بتعها مع واحد زميلى ومحصلش اى مشاكل نهائي بس هو بيغير زيت فتيس بصراحة بصفة دورية

[aly88]

المشاركة الأصلية كتبت بواسطة mr_astra لا النوبيرا مش مشهورة انها واطية للارض وبتاكل مطبات .....عادية يعنى زى اى عربية سيدان بس هى مشهور فيها انها بتاكل جلب مقصات كتير كمان فيها عيب انها بتغير حساس شكمان كتير بس انت بتتكلم فى فلوس قليلة اوى العربية دى بجد ميزتها ان حاجتها فعلا برخص التراب عربية موظفين زى ما بيقولو النوبيرا تحس انها بنت عم الاوبل فيكترا فيها كتير منها صالونها معقول اوى لاسرة فيها اتزان ممتاز بصراحة شكلها بحس انة مش بيقدم ....... عصرى مهما كانت حالتها لو اتصرف عليها بتصحى من جديد ومش عاوزك تخاف من الاوتو بتعها مع واحد زميلى ومحصلش اى مشاكل نهائي بس هو بيغير زيت فتيس بصراحة بصفة دورية

شكرا جزيلا mr_astra
يعني افهم من كلام حضرتك ان ايدي لازم تكون فيها باستمرار ؟
كمان سؤال هو جلب المقصات وحساس الشكمان بتاكلهم كتير هشان مش اصلي ولا حتى الحاجات الاصلي بتاعتها؟
حضرتك قلت ان الفلوس قليلة قوى ! طيب ايه هو المبلغ المناسب من وجهة نظرك ؟
لاني ممكن ازود بس مش كتير؟

[mr_astra]

المشاركة الأصلية كتبت بواسطة aly88 شكرا جزيلا mr_astra تحت امرك يعني افهم من كلام حضرتك ان ايدي لازم تكون فيها باستمرار ؟ اى عربية لازم ايدك تكون فيها باستمرار بس النوبيرا مش شكاية زى ما انت متخيل بالعكس عربية اعتمادية اوى وممتعة كمان سؤال هو جلب المقصات وحساس الشكمان بتاكلهم كتير هشان مش اصلي ولا حتى الحاجات الاصلي بتاعتها؟ الجلب عشان شوارعنا كلها مكسرة وحساس الشكمان عشان بنزنا مش حلو ههههههههه حضرتك قلت ان الفلوس قليلة قوى ! طيب ايه هو المبلغ المناسب من وجهة نظرك ؟ لالالالالالا انا مقصدش الفلوس بتاعة العربية انا اقصد فلوس الصيانة لما اتكلمت عن جلب المقصات وحساس الشكمان .....المبلغ اللى معاك معقول اوى والله لاني ممكن ازود بس مش كتير؟

الرد فى الاقتباس

[aly88]

شكرا جزيلا mr_astra
الله المستعان وربنا ييسر الحال