الرادارات ....في بلدنا ... أين هي؟

[pro a7mad]

المشاركة الأصلية كتبت بواسطة فاطومه المصريه خلاص يا حازم انت كدة هتحصل صلاح ومدام جولفدان هتيجى تاخدك مننا وانت لسه صغير ومدخلتش دنيا ولا اجبلك حوريه استاذى الفاضل صاحب الموضوع لا اعتقد وبيجد اننا بقى فى ايدنا شى متقولش اننا ممكن نغير ثقافه ناس اتعودو على كدة يعنى خلاص الموضوع اصبح خارج زمام الامور بس عارف دة ممكن يتصلح غصب عنهم مش بمزجهم لما يتم تنسيق مرورى على قدر عالى من الثقافه المروريه موش مجرد جبايه وفلوس تتلم وخلاص ساعتها بس ممكن اقولك ان بنسبه عاليه هيتم تحقيق التزام مرورى عالى جدا ودة اللى الواحد يتمناه ptmnlo123per154

أنا معاكي ان الموضوع خرج عن السيطرة , بس في نفس الوقت اكيد كل الناس الي معترضة على حاجة زي كده لو فكرو ا على الأقل انهم يوصلو صوتهم و يعلنو انهما عايزين حاجة زي كده تتغير و لو قلنا اضعف الإيمان حملة على الفيس بوك زي الحملات الي بتطلع انا شفت حملات في الفيس بوك زي حملة خلوها تصدي و موديلها يعدي عشان اسعار السيارت في السوق المصري شفت حماسة للموضوع ده يا ترى الناس لو بقى عندها الحماسة دي في موضوع زي ده و مش معتبراه موضوع ثانوي مش ممكن تحصل حاجة , او ممكن جورنال زي المصري اليوم ينكش الموضوع , و لا برنامج توك شو يتكلم , عارف ان ده ممكن ميكنش كافي و احتمال ميحركش الميه الراكده بس يا ترى لو حاولنا بشكل عملي , مش يمكن ناس من المسؤلين تحس في ناس مش نايمة على روحها و بطالب بحاجة هي مقتنعه بيها , مش عايز ابقى متفائل و لا متشائم اكتر من اللازم بس لو نقدر نبدا باول خطوة لي لا وومكن ربك يوفق؟

[فاطومه المصريه]

أنا معاكي ان الموضوع خرج عن السيطرة , بس في نفس الوقت اكيد كل الناس الي معترضة على حاجة زي كده لو فكرو ا على الأقل انهم يوصلو صوتهم و يعلنو انهما عايزين حاجة زي كده تتغير و لو قلنا اضعف الإيمان حملة على الفيس بوك زي الحملات الي بتطلع , او ممكن جورنال زي المصري اليوم ينكش الموضوع , و لا برنامج توك شو يتكلم , عارف ان ده ممكن ميكنش كافي و احتمال ميحركش الميه الراكده بس يا ترى لو حاولنا بشكل عملي , مش يمكن ناس من المسؤلين تحس في ناس مش نايمة على روحها و بطالب بحاجة هي مقتنعه بيها , مش عايز ابقى متفائل و لا متشائم اكتر من اللازم بس لو نقدر نبدا باول خطوة لي لا وومكن ربك يوفق؟

ماشى بس يا ترى هنطالب با ايه ولا بايه ولا بايه ؟؟؟
اذا كان الحكومه يومها بسنه واصلا اى مشروع او اى قرار لازم يكون ليه سبب موش مجرد طلب من الشعب
بس انت من رايك لو حبينا نطالب هنطالب بايه

[pro a7mad]

سبيني افكر شوية و فكري ازاي ممكن نعرض طلب زي ده , و انا معاكي ف يحاجة كمان ان المصري بره مصر بيطبق قوانين المرور زي (....) قصدي الألف ,, الي عاوز اوصله معاكي ان المسؤوليه مش مسؤولية حكومة و بس , دي مسؤولية ناس عايزة تحافظ على نفسها و بطالب بحمايتها و مسؤولية حكومة مسؤولة عن الناس

[فاطومه المصريه]

المشاركة الأصلية كتبت بواسطة pro a7mad سبيني افكر شوية و فكري ازاي ممكن نعرض طلب زي ده , و انا معاكي ف يحاجة كمان ان المصري بره مصر بيطبق قوانين المرور زي (....) قصدي الألف ,, الي عاوز اوصله معاكي ان المسؤوليه مش مسؤولية حكومة و بس , دي مسؤولية ناس عايزة تحافظ على نفسها و بطالب بحمايتها و مسؤولية حكومة مسؤولة عن الناس

اوك فكر
بس كمان وانت بتفكر فكر هتعمل ايه موش بس هتعرض الموضوع ازاى

وكمان انت بتقول المصرى بره بيطبق قوانين المرور زى الالف
بس ليه متقولش انه بيطبق فنون القيادة نفسها واللى اتعلمه من السواقه
و لان ممكن جدا يكون واحد موش عارف قوانين البلد دى اوى بس من اللى شايفه حواليه والنظام والالتزام تخليه غصب عنه يلتزم كمان يعنى بردو النقطه نقطه مرور ونظام

انا مبعفيش الناس من الغلط لا
انا بس بوضح ان لو مكنش المرور ونظامه غلط فى غلط
مكنش هيكون فيه غلط فى الناس نفسهم

عارف لو المرور اتحط له خطه نظاميه تطبق صح فى صح ومن واقع شوارعنا ومن ارانا احنا لان احنا اللى بنسوق وبنتبهدل فى الشوارع فكل الناس اللى بتسوق هيطبقها غصب عنه

[bmkbmk]

المشاركة الأصلية كتبت بواسطة pro a7mad السلام عليكم: اbmkbmk انا عشت في الكويت ,و بسافر سعات في الاجازات , انت عارف كويس ان الطرق هناك مختلفة تماما عن هنا , الطريق تقريبا هو الي بيسوق بيك , هناك تقريبا السواقة مش حاجة , في سماح في الرادار , بس في نفس الوقت نوعية السائقين هناك مختلفة تماما عن هنا , يعني مثلا الي عايز ينقل حارة شمال او يمين يدي اشارة , و ينقل بكل سهولة و يسر ... عادي خالص , و الناس الي بتخالف قواعد المرور - غاليا بيكونو شباب طايش - بتلاقي الدوريات وراهم و حوادثهم دايما بتبقى حوادث موت و ثقافة ( الغرز مش موجودة هناك العربيات ماشية في خط مستقيم , لكن هنا في مصر الطريق ماشي بيرقص من كتر الغرز الي بتتعمل .

كلامك صح طبعا يا باشا ....
شبكة الطرق هنا كويسة جدا جدا بالمقارنة بمصر طبعا للفارق الاقتصادى بين البلدين
بس يا ترى ليه سلوك السائقين مظبوط و محترم.. أكيد مش لفرق الثقافة و التحضر بين البلدين ....
و هل حضرتك شفت الناس هنا فى الزحمة بتعمل ايه.. انا مابتكلمش على زحمة الطرق السريعة .. انا بتكلم على زحمة مناطق زى السالمية يوم الخميس او الفروانية كل يوم .. بتلاقى ثقافة الغرز و ثقافة البوزبيز و كل الثقافات الغلط فى السواقة ....
و سماح الرادار ده موجود علشان لو حد سرح او مستعجل شوية بيديه مجال برده و مع ذلك فيه ناس كتير بتمشى 180 و 200 و عارفين اماكن الكاميرات و بيهدوا عندها ...

انا مش بطلب ان الدنيا تبقى سايبة و مش بطلب تطبيق قانون المرور الكويتى فى مصر لأنه مش هينفع طبعا
انا كل اللى بطلبه هو نفس اللى حضرتك و الانسة فطومة بتتكلمو فيه طول المشاركات اللى فاتت...
و هو

ان القوانين تكون محطوطة لمصلحة المواطن و امنه و سلامته اولا و اخيرا مش لبلطجة وزارة الداخلية و تزويد دخلها اليومى على حساب الشعب الغلبان
و فى مصر حتى لو القوانين صح فتطبيقها غلط على ايد مجموعة من الجهلة و المتغطرسين

تطبيق القانون الصح يكون بالتوجيه للصح اولا ثم تطبيق الغرامات على من يخطئ
(ثقافة وجود عقاب فقط بدون وجود ثواب لازم تأدى فى الاخر لفوضى و ثقافة تانية هى حقى برقبتى أو حقى بدراعى )

كل حتة فى الدنيا فيها زحمة بس مش كل حتة فى الدنيا فيها هرجلة و انعدام نظام .. لما اعمل مخالفة السير عكس الاتجاه تكون عقوبتها السجن يبقى لازم احط يفط واضحة جدا و اشارات و تعليمات صارمة ما دامت العقوبة صارمة .. مش امين شرطة ولا عسكرى واقفين عند الشوارع اللى اليفط بتاعتها مش باينة علشان يصطادو المخالفين ولا واقفين عند الحتت الزحمة موت اللى ممنوع فيها الوقف علشان يبلطجو و يمصلحو على الناس ... هو ده القانون؟؟؟طيب اعملو اماكن للناس تركن فيها .. عدلو الطرق ... ادوا للناس حقها ما دام بتاخدو حقكم تالت و متلت .... و بردو بقول فى الاخر

تحيا مصر و سلملى على الحرية و الديموقراطية