وسائد هوائيه تعمل عند سماع اصطدام السياره

[هيمو]

طورت احدى شركات السيارات نظاما جديدا للوسائد الهوائيه للسيارات يمكنه سماع صوت الارتطام عند حدوث حادث ويتميز باستجابته اسرع من الوسائد الهوائيه التقليديه وهي مزوده بنظام جديد يوجد به حساس لصوت الارتطام ويستطيع النظام الجديد تحليل مدى خطوره الحادث خلال بضعه اجزاء من الثانيه في حين ان الوسائد التقليديه تحتاج الى ثلاثين جزء من الثانيه وستبدأ الشركه في انتاجه هذا العام

[د/ محمد شكرى]

هيا فكره جميله بجد بس المشكله صعب تطبيقها فى القاهره والمناطق المزدحمه علىما اعتقد ولا فيه ديناميكيه عمل معينه وايه هيا نرجو الافاده
وشكرااااااااا

[mainz]

هى فكره خياليه صعب تحقيقها فى اى نوع من انواع السيارات عملى
اولا ان السياره تحتوى على اقل عددمن الوسائد الهوائيه وهى اربعه وسائد وتتوزع كالتالى
2 وساده اماميه لحمايه السائق ومن معه فى الامام
2 وساده خلفيه جانبيه لحمايه الركاب الخلفيين من الجوانب
وفى اغلب السيارت حاليا طبعا انا بتكلم عن السيارات فى اوروبا بكل انوعها سواء صغيره ام الفارهه بتوصل عدد
الوساءد الى 8 حسب اختلاف نوع السياره يعنى علشان اى خبطه بسييطه من اى ناحيه فى السياره ممكن ماتكونش
فيها اى مشكله ممكن تتسبب فى فتح كل الوسائد الهوائيه على اساس انها تعمل بالصوت او صوت الخبطه يعنى لو مثلا حد
فتح باب العربيه وقفله جامد ورزعه رزعه صوتها عالى ده ممكن يؤثر على اداء الحساسات الصوتيه وممكن تعمل تلقائ لفتح الوسائد
على غرار انها سمعت صوت خبطه فى العربيه الى هو خبطه قفل الباب وده اعتقد اسلوب مش عملى ومش منطقى ان الوسائد تعمل بالصوت ده بس مجرد تسويق اعلامى للشركه السالف زكرها لا اكثر لان لو النظام ده فعلا ممكن تنفيزه يبقى كان المفروض اتعمل حاليا ومعمول بيه فى احدث السيارات من المرسيدس او البى ام دبلوا وده الى مش حاصل يعنى النظام مجرد فكره خياليه
يتمنى القائمون عليه ان يصبح فى يوم من الايام حقيقه فقط لاغير
والله اعلم ptmnlo123per1147

[vertical.horizon]

يا ترى الوسائد دي هاتشتغل لما العربية في مصر تمشي فوق مطب أو العجلة تنزل في حفرة؟ انا لاحظت إن الصوت اللي بيطلع من العربية يشابه إلى حد ما صوت الحادثة.

[احمد الحميري]

مشكور علي الموضوع الرائع

يعطـــــيكــــ العافــــــية