النوم أثناء القياده ( قصه حقيقيه ) !

[Romeeoo]

ptmnlo123per1147

[AbOnOrA]

والله يا جماعة موضوع السواقة والواحد مش نايم كويس حتى خطر

حتى لو كنت مستحيل تنام بس اكيد هتسوق وانت عصبى جداً

انا شخصياً من الناس اللى بتعتبر نفسها مستحييييييييل تنام

مش بس انا ده والدتى ووالدتى كمان كده طول عمرى اشوفهم بيسوقوا طوالى ومحدش ابداً مرة نام او غفل حتى

يمكن وراثة معرفش

بس فى مرة من المرات كنت مطبق يومين وكان عندى مشوار ضرورى فى مدينة نصر

والدنيا زحمة مووووووووووت وانا دماغى هتتفرتك من قلة النوم وحاسس ان عنيا هتوقع من مكانها وفعلاً اتعذبت طول السكة وانا بقاوم النوم ووجع الدماغ من قلة النوم والعصبية اللى بتخلى الجهاز العصبيى بيصعق من اقل همسة جمبك فما بالك بالزحمة والكلاكسات ووسع يا جدع

يمكن لو كان طريق طوالى كنت نمت معرفش

بس اللى بقيت متأكد منة ان السواقة بدون نوم كفاية عذاب فعلاً وممكن تسبب مشاكل وخناقات او اخطاء كتير ومن ساعتها حرمت اسوق وانا عايز انام اوى كده

لكن فيه ناس غاوية نوم وهى سايقة زى بيرو كده (انت حبيبى يا بيرو)

كان لي صديق كده دايماً لدرجة انة فى سفرية لمطروح واحنا مع بعض مرتين ينام مننا ونرجع نلاقيه نزل من على الاسفلت مع اننا كنا مسافرين الصبح

ولى قريب شغلة دايماً فى دمياط 3 مرات على مدى 3 سنين يعمل حوادث بسبب النوم وهو سايق مرتين منهم يجبوه هو والعربية من الترعة بس اهوه طبعة كده

فهى طباع بس انا بشجع جداً فكره انك تركن على جمب وتاخد تعسيلة برة بيقولوا 20 دقيقة كفاية جداً علشان تفوقك

والاظرف ان شركة تويوتا اخترعت سينسور للناس اللى بتنام على روحها وهى سايقة

New sensor for sleeping drivers

Posted by Admin in February 4th 2009

Cause of vehicle accidents on the road are varied, one of them is condition of drivers who drive while sleepy. To prevent the occurrence, Toyota developed a new system to remind drivers not to sleep.
A new system that will use many tools such as a camera installed in front of the car to see whether the car was in the right path, of the catch of camera will be sent to a computer system in the car.
If your computer analyzes, the position of the car already far away from boundary crossing roads and will dangerous for drivers then the computer will send a sound signal to the drivers.
Toyota said the system is designed with a system using a complex algorithm and will be very helpful for drivers to be safe in driving.


ربنا يستر طريقنا جميعاً

[drift_lover]

طول عمرى أسمع عن حوادث سيارات على الطرق السريعه يكون سببها نوم السائق أثناء القياده ولآن هناك مبدأ مشهور عند الناس كلها مفاده أن ( هذا لايمكن أن يحدث لى ) فلم أكن أتخيل أبدآ أن يحدث معى شخصيآ هذا الموقف الذى لو اكتمل بنهايه غير سعيده لما كنت جالس الآن أدق على الكى بورد و أتنفس ! من زمن فات كنت أعمل بمستشفى مدينة السلام و كنت نائب أمراض تساء و توليد وكنت مطبق نوباتشيه يعنى ذهبت المستشفى صباح يوم ما و خرجت منها ظهر اليوم الثانى وما بينهما عمل متواصل كله مفاجئات ومخاطر و خناقات والخلاصه ما فيش نوم نهائى مع عمل متواصل ! ورجعت المنزل طبعا حمام جامد و غذاء محترم ولم أستطع النوم فقلت للآولاد هيا بنا نعمل خروجه أو فسحه لآن هذا واجبى ناحيتهم ! وعندما سرنا بالسيارة وكانت الساعه الخامسه عصرآ و صيفآ - طقت فى دماغى نزور أحد الآقارب بالاسماعيليه وقلت ساعه رايح وساعه نشرب الشاى معهم وساعه راجع و أكون بالمنزل الساعه 8 ثم أنام ! المهم القعده طولت وخرجنا من عند الناس الساعه الواحده صباحآ رغم الحاحهم لنا بالمبيت ! لكن كان عندى شغل ثانى يوم لآ أستطيع تركه ! توكلنا على الله و طبعآ دماغى تقيله بس ماشى الحال ! وقبل العاشر أحسست برغبه شديده فى النوم لكنى قهرت نفسى و سكت ورغم أن زوجتى سائقه بارعه الا ان ازاى مرسى الزناتى ينهزم يا رجاله ! وعليها لم أدرى الا بزوجتى بتهزنى من ذراعى اليمين بشده و هى بتقول لى بذعر ( انت بتهزر - انت بتهزر )! أتارينى يا خوانا نمت عيناى مفتوحتان ولآن والحمدلله الطريق كان مستقيم فكل اللى حصل ان السياره ابتدت تحدف يمين واحده واحده لغاية ما نزلت على الطبان وأصبحت العجلتين اليمين تحت والشمال فقط على الآسفلت وشوية صغيره و ح تنقلب ! ولآن عيونى كانت مفتوحه لذلك اعتقدت زوجتى انى بأهزر !! طبعآ قلت لها آه بأهزر و بأشوفك صاحيه ولا لآ ! وتمالكت نفسى وبعد دقيقتين أحسست فعلا المره دى انى بأنام ! وعينى بتقفل غصب عنى ومن فضل الله وجدت مسجدآ على اليمين و بجواره كافيتريا فدخلت حمام المسجد ووضعت رأسى كله تحت الماء البارد أعقبه كوب شاى ساخن جدآ أوصلنى بالسلامه الى المنزل !ptmnlo123per154 الخلاصه : لاتعتقد أن ما يحدث للناس من حوادث لا يمكن أن يحدث لك ! و دايما خليك محترس خاصة فى المساء وخاصة لو معك الآولاد و الآنيل لو السيارة مش فى حاله جيده ! ptmnlo123per1106 Dr. Bolbolan

انت فكرتني بموقف حصل معايا وانا راجع من بورسعيد... لكن للأسف ماكنش حد بيعرف يسوق غيري.
كنا يوم خميس في بورسعيد يو فسحه ... لكن اللمه كانت حلوه وكملنا لفجر السبت.
بس للاسف انا كنت مانمتش من يومين (اربعاء - خميس - جمعه )
والرجاله كمان ماناموش يوم الجمعه ولا الخميس.
وفي طريق العوده الكل شد نوم.

واليوم ده بجد كان يوم صعب جدآ.
أكيد انت عارف احساس ان عينك تغمض وانت بتحاول تفتحها بالعافيه... ومافيش حد يسليك.
جربت اغسل وشي بالميه (وكنا في شهر 11 ) ولكن لا حياة لمن تنادي.
اطلع راسي بره علشان الهوا يفوقني.
لكن بجد رغبه في النوم بشكل مستفز. (ومن كرم ربنا اننا كنا 3 ص والطريق فاضي )

والحمد لله وصلنا بالسلامه.
ويومها بجد عرفت يعني ايه الواحد ينام وهو سايق.

[horas3000]

والله يا جماعة الموضوع ده خطير فعلا
انا و احد صحبي ربنا سترها معاة و كان هيقع من علي كوبري اكتوبر بسبب الموضوع ده و واحد تاني نام بالفعل بس اللي جنبة شافو و حاول يصحيه فقام مفزوع و كسر الدريكسيون و دخل فل الحاجز اللي جنب الطريق
فلو حصل و كنت راكب جنب حد و لقيتو نام حاول تكلمه عادي و تصحية براحة و الاهم من كدة انك ماتسوقش و انت تعبان او جعام نوم من اصلو