لادا 2015 ولا 128 و لا اولع في روحي

[koashraf]

المشاركة الأصلية كتبت بواسطة zezoasd ربنا يخليك انت كده حطيت ايدك علي الجرح اشحم باستمرار كل اد ايه؟ وممكن معلش تقربلي موضوع الكوعه ابنك الصغيررررر قوي ومش بيفهم في الكوعات خالص ولو صوره هبقي تعبتك علي الاخر علشان بس افهم الاخ الي ممكن يعمل الموضوع ده لو تم التوفيق بالادا

يعنى بالكتير كل شهرين حسب مشيك انت قلت 100كم كل يوم اماموضوع الترموستات ده اى ميكانيكى بيشتغل فى اللادا عارفه لان كل سواقين التاكسى اللادا عاملينه وده موجود على دايرة تبريد المياه وممكن تلاقى صاحب العربيه عامله.

[zezoasd]

المشاركة الأصلية كتبت بواسطة koashraf يعنى بالكتير كل شهرين حسب مشيك انت قلت 100كم كل يوم اماموضوع الترموستات ده اى ميكانيكى بيشتغل فى اللادا عارفه لان كل سواقين التاكسى اللادا عاملينه وده موجود على دايرة تبريد المياه وممكن تلاقى صاحب العربيه عامله.

بصراحه انا مش عارف اقول لحضرتك ايه علي التعاون والمشاركه الرهيبه وسرعه الرد دي انا متشكر جدا
اخر حاجه احب استفسر عنها قطع الغيار واستهلاك البنزين ايه نظامه هي العربيه 1200 سي سي ال128 1300 سي سي فهل افضل من حيث الاستهلاك والسحب علي الطريق بطيئه ولا سريعه
يعني لما اجي اطلع من لوري بمقطوره علي طريق ضيق تسعفني ولا تزقني مع مقابل
انا عارف اني اسئلتي كتير معلش استحملني والليمون عليا انا

[sad-bird]

السلام عليكم
المشكلة ان حضرتك حاطط الناس في مأزق ما بين ظروفك ونوع لاعربيتي
اللادة عربية كويسة جدا وممتازة وتتحمل البهدله كتير لكنها تحتاج لصيانه ومتابعه باستمرار بسبب موضوع لابيض والسخونة
وفي نفس الوقت 128 عربية الشعب وقطع غيارها عند البقالين زي ما بنقول بالاضافة ان العربيات من بعد موديل 91 او 92 ماتورها 1300 سي سي وبالتالي السحب والشد بيها بيكون كويس جدا بل ممتاز
وقبل ما تشتري شوية نصايح على الماشي وانت تقرر
1. شوف سوق قطع الغيار عندك ايهما موجود اكثر اللادا او 128 لانك مش معقول كل ما تعوز حاجةتنزل القاهرة
2. شوف المياكنيكية واسعار شغلهم طبعا هتعرف من حد عنده عربية مش معقول هتروح تسأل الصنايعي نفسه والا كله هيقولك ده انا تخصصي العربية دي بالذات
3. بالنسبة لموضوع سعر ال 128 اعتقد ممكن تتابع مع حد من المنتدي من القاهرة ممكن يشوفلك حاجة كويسة وتنزل القاهرة على الشراء بعد ما يبعتلك صورها وحالتها وتشوف بنفسك وتعاين واعتقد الفرق هيكون يستاهل السفر
4. بالنسبة للتحميل على 128 فممكن بعد ما تمشي شوية بيها تجيب مساعدين وسوست كوني KONI او حاجة زيها بتكون اغلي شوية لكنها بتتحمل كتيييييييييييييير مطبات وخلافة

شوف انت بقى الحاجات دي وقرر
لان مفيش حد يقدر يحدد قرارك لان الاثنين صعب المقارنه بينهم لو انت في القاهرة كنا قلنا 128 بدون مقارنة فلازم تعرف منطقتك فيها ايه الأول

[M.khodary]

انت مش تشترى العربيه من اسيوط خالص احسن حاجه تنزل تجبها من القاهره زى ما قلك sad-bird

[BASSEM BESO]

عربية خشنة وموتورها صوتة عالى جدا