مشكله فى فتيس هيونداى اكسيل تمت صيانته و مازالت العضه موجوده فى الغيارات

[osos38516]

السلام عليكم
اكسيل 1500 سي سي
بالامس ذهبت للميكانيكى عشان العضه اللى فى الفتيس فى الغيار التانى و الاول لما اكون ماشي سريع و اهدى و عايز اقل الغيار من الثالث للثانى او الاول و كانوا بييجوا بصعوبه بالغه و كان لازم اقف تماما عشان يجيي الاول

المهم الميكانيكى جرب و قالى لا ده مش عيب ديسك و اسطوانه ده لازم يروح لبتاع فتيس و المهم فك الفتيس و وودنا لبتاع الفتيس و قام بفك الفتيس و لقى التروس و الغوايش سليمه الحمدالله و ادانى بليتين و قالى دول قدام شويه هيعملوا معاك صوت عشان بيخروشو و قالى خدافه الغيار الثالث و الرابع متاكله شويه و عايزه تتغير و هتهالى من الوكاله المهم سألته البلى ده يعمل العضه فى الفتيس قالى لأ مش سببها المهم نفضت طبعا لمشوار الوكاله و روحت فيصل عند محل بيبع بلى و جبت البليتيتن ب 80 ج
و ادتهمله و قالى عدى عليه كمان شويه لانى شغال فى فتيسين و لازم اخلصهم الاول وبعدين استلمته منه و قالى عايز 150 ج مصنعيه و فى الاخر ااخد 120 ج و كان واخد قبلها 10 ج لانبوبه لحام و جبت تاكسي و اخدت الفتيس للميكانيكى

الميكانيكى جبتله طقم دبرياج ديسك و اسطوانه و بليه من عند محل عفت المواردى فى فيصل ب 375 ج
و ركبه و جبتله 2 لتر زيت فتيس موبيل ب 50 ج و ركب
و بعدين قالى عايز 200 ج مصنعيه قلتله ليه قالى لو حد تانى غريب كنت اخدت منه 250 ج المهم اديته 150 ج بالعافيه و قالى راضى الصبيان اللى ركبوا الفتيس اديتهم 20 ج

ملحوظه سحب العربيه مفرقش قوى بس دواسه الدبرياج بقت اخف شويه لان الميكانيكى زيتها

السؤال الان

الفتيس لسه فيه عضه ليه روحت تانى لبتاع الفتيس قالى جربه يومين و تعالالى ! حد يعرف ليه!!!!!!

مصنعيه بتاع الفتيس و الميكانيكى فى تغيير طقم دبرياج كويسه و لا الميكانيكى اشتغلنى !!!!!!
سؤال تانى هو فتيس الاكسيل بياهد كام لتر لأن الميكانيكى حط 2 كيلو و قالى لسه ناقص و المفروض يبقوا 3 كيلو بس الصبي اللى كان تحت و بيملى قالى فاضله حوالى نص كيلو بس امشى بيه يومين و زود فى البنزينه

السؤال فتيس الاكسيل بياخد كام ليتر لانى قلتله ده بياخد 2 لتر الا ربع قالى لا ده بياخد 3 كيلو !!!!!!!!!!!!!!
سؤال ثالث فتيس الاكسيل كله فيه عضه فى الغيارات و لا الفتيس ناعم من غير عضه خصوصا فى الغيار الاول و الثانى

[ahmed_eng2001]

متابع معاك

[miam0502788391]

بص هو انا عندى نفس الموديل وعندى عضة تقريبا فى كل الغيارات والموضوع ده بيزيد مع الوقت ومحتاج افك الفتيس واشةفه بس هتقول ايه ؟؟ كسل بقى
الزيت بتاع الفتيس على حسب معلوماتى ان 3 لتر لو الفتيس فاضى خالص
فممكن يكون محتاج يتزود
وبعدين متحريش نفسك حضرتك حتورح لواحد بتاع زيت وهتزود الزيت من تحت لحد ما الزيت يسيل من الفتحة
المصنعية انا حاسس انه استغلال
فى رأى فك الفتيس كامل وتركيب 100 جنيه
ديسك واسطوانة 80 جنيه او 100 جنيه على اقصى تقدير
اقولك على حاجة
من يومين رحت اغير تيل الفرامل اللى ورا وكان عندى لقم قديمة بس حالته جيدة جده فقلت اركبها بدل ما اشترى تيل جديد خصوصا ان لقم فرامل الرجل هى اللى كانت متاكلة ولقم فرامل اليد بحالة جيدة , صبيان العفشجى رفعوا العربية وركبوا لقم التيل بتاع الرجل فقط وشحم البليتين , كل الموضوع من اول الفك الى التركيب نص ساعة بس
طيب عاوز كام يااسطى
خد بالك من الحوار
اللى تدفعه
يعنى عاوز كام
مش حنختلف
ياعم قول
خلاص يبقى 50 جنيه بس
نعم يا اخويا ليه هو انا بحل عفشة . ده تيل
المهم خد 40 جنيه + 5 جنيه للصبيان = 45
ولو الشغلانه دى عند اى حد تانى مش اكتر من 25 جنيه

عموما اجرة الصنايعى تخلتف من واحد للتانى
تقبل تحياتى

[mr_astra]

اجرة بتاع الفتيس واجرة الميكانيكى من وجهه نظرى انا شايفها مقبولة
فتيس الـ 128 بيتفك دلوقتى بـ 150 جنية
واى حد بتاع فتايس مش هياخد اقل من 100 جنية

بالنسبة للمشكلة العضة اللى فى الفتيس لازم نشيك على عصايا الفتيس نفسها
بيكون فيها بيضة واتياش لازم تتزيت او تترجلش