|
فيات FIAT فيات FIAT الايطالية استطاعت ان تتجاوز ازماتها الماضية بعد فشل تحالفها مع جنرال موتورز عن طريق تقديم موديلات لاقت نجاحا كبيرا مثل جراند بونتو فيات 500 باليو سيينا ليينا بونتو |
|
أدوات الموضوع |
#6
|
|
رد: حكاية فيات برافو من الألف إلى الياء
بتجيب شويه تعبيرات تحفه بجد تعليق رائع حلوه اوي موضوع سمسونايت دي
__________________
حـازم خـضـر
|
#7
|
|||
|
|||
رد: حكاية فيات برافو من الألف إلى الياء
بداية الشكر الخالص لجميع الأعضاء و من قاموا بالترحيب بى فى هذا المنتدى الجميل. ثانيا
اليوم توجهت لوكيل فيات فى مصر صالة العرض الرئيسية بالدقى و كانت لى العديد من الإستفسارات لكن أول ما بدأت به كان الصراحة مع المسئول عن صالة العرض و كان كا لأتى: أنا : مساء الخير أنا بسأل عن البرافو و كنت عاوز أعرف شوية معلومات كده عنها عشان أنا بقارن بينها و الجولف 5 و السيات الليون. مسئول الصالة(بشكل مباشر و حدة): البرافو طبعا أحسنهم و أشدهم . ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ أنا(مستغرب جداً): هو أنا مقلتش لحضرتك إذا كانت أحسن ولا أوحش ده سؤال ممكن أسئلة "Later" بس أنا عاوز أعرف العربية. مسئول الصالة: (شرحللى كل المعلومات العامة اللى انا عارفة لا أكثر و لكن أقل) و بتفاخر ....حضرتك لو عاوزها تحجز و تستنى 3 أسابيع أصل كله محجوز. ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ أنا: غريبة كل الناس هاتركب برافو دلوقتى (تقلش ماسورة فلوس ضاربت فى جيوب الأهالى و سربت على جيوب الشباب) ماهو ماحدش هايركبها إلا شباب...!!!!! طبعا ركبت العربية...يا شباب والله أنا حسيت إن حالتى النفسية إرتفعت و لو كان بودى أدفع دلوقتى و أطير بيها على برة المعرض على أى حال مشيت بعدها و العربية بتنخور فى نافوخى مش عتقانى و قلت لما أشوف الليون بقى تأثيها هايكون أيه فيا....توجهت لجامعة الدوا للوكيل الهندسية و أول ما دخلت إستقبلتى واحدة من مسئولى صالة العرض.....مكدبش عاليكم المدام و أنا حديث الزواج يعنى 5 سنين كانت معايا بس انا قلت سيات أحسنت إختيار من يمثلها ......البنت عارفى كل مسمار فى العربية....و عملتلى ورقة فيها كل أسعار قطع الغيار و شرحتللى حكاية العربية و مميزتها..........مكدبش عاليكم لم تترك الليون فى نفسى مثل ما فعلت البرافو رغم جمال السيارة و الرفاهية الشديدة بس حاسيت إن العربية عاوزة المدام تكون راكبها مش أنا ......... أنا شايف نفسى جو البرافو حاسس إنى راكب وحش.......على أى حال أنا قلت أقولكم مواصفات السيارتين عشان أعرف لو أى واحد منكم مكانى هايعمل أية وإليكم المواصفات لأنى هاشترى إن شاء الله الأسبوع اللى جاى و لازم أحدد......مراتى شبطانة فى الليون و هى حلوة منكرش بس أنا شايف نفسى فى البرافا و أنا طاير على طريق الساحل..... البرافو: 1- 1600 سى سى 121 حصان 16 صباب تى جيت توربو 2- جنوط 16 كروم 3- فوج لايت أمامى و خلفى 4-تكييف تاتش و وحدة توزيع هواء خلفية 5- تحكم من الدركسيون و بلو مى سيستم 6-تابلو أقل ما يقال فى رأى تحفة فنية لم ترى عينى مثلة فى مصر كلها 7-follow me system (دلع يعنى هو أنا سكن فى خرابة ضلمة محتاج العبية تنورلى طريقى بعد ما أقفلها 8- 4 أكياس هواء 9- الكنبة ورا ضيقة شوية و مساحة الشنطة م م م م م مقبولة 10 - 6سرعات أتوماتيك و تريبتونيك من الدريكسيون 11- السعر أنا واخد تخفيض ....هاخدها ب 147500 جنيها السيات الليون 1- 1400 سى سى 102 حصان 8 صباب ؟؟؟؟؟؟؟؟؟؟؟؟؟؟؟؟؟ اية 8 صباب ؟؟؟؟؟؟؟ طب ليييييييييييييية البنت قالتلى أن حجم الصباب هنا أكبر من حجم صباب ال 16 بتاع البرافو بما يحقق نفس كفاءة ال 16 بس بيوفر أكثر فى البنزين 2- جنوط 16 كروم 3- فوج لايت أمامى و خلفى و فةانيس زينون 4-تكييف تاتش مع إمكانية التحكم فى الجانبين بشكل منفصل تماما و قوة التكييف و التوزيع حسب رغبة كل راكب 5- فتحىة سقف كهرباء (لا يوجد فى البرافو) 6- مرايات كهرباء (لا يوجد فى البرافو) 7- أسمعو دى ................8 أكياس هواء ......يا نهار إسود و منيل ....يعنى الواحد لو عامل حادثة بعيد عنكم و عنى لو الحادثة ماموتتهوش كياس الهواء هاتفطسوا حى 8- مثبت سرعة 9 تحكم كامل من الدركسيون و بلو مى سيستم 10 - 5 سرعات أمامى جير قصير مانيوال 11- مساحة خلفية بالشنطة صغيرة مثل الهاتشباك العادى لحساب و مصلحة راحة الكنبة الخلفية (مساحة أكبر من البرافو) 12 - نظام صوتى حديث و صوت أكثر من رائع 13- تابلو لطيف لكن (لا يمكن مقارنته بالبرافو القاتل) 14- السعر 144700 جنيها مصرى دلوقتى قلولى أعمل أية.....و تنصحونى بأنهى واحدة فيهم .....بس أنا عاوز أسباب عشان بصراحة أنا لما كلمت الناس برة مصر محدش نطق نص كلمة على الليون ......كله بيقول روعة.....البرافو برضه الناس قالت عربية فلة بس موضوع التوربو ....كلو بيأكد أنو بيضعف المحرك................أعم ل أيه أفيدونى أنا حابب البرافو لسبب واحد أنا باموت فى الفيات و طبيعىة سواقتوا المتهورة العربية الفيات لا يمكن تكسفك فى أى موقف سحب أو جرى..............الألمانى ألسبنى الجنسة لى وضعو برضة و سمعة لا غبار عليها ....... أنا محتار و متشحطط من غير عربية و لازم أشترى بقى...............فى إنتظار نصائحكم يا غاليين و شكر خاص ل حازم بيه ....منور ع اللمبو يا باشا و كمان فادى اللى أول رسالة ليا فى المنتدى كانت موجهه لية و احمد أنور بية اللى بوعده أنى لو جبت برافو هاتصل بيك عشان تقعد و تريح فيها يا باشا |
#8
|
|||
|
|||
رد: حكاية فيات برافو من الألف إلى الياء
انا دايما بقارن بين الليون والجولف و البرافو ...
لكن قلبي دايما بيروح للبرافو ... عربيه تحبها اول ما تشوفها الجولف بحس أني قاعد قدام الكي بورد ... شكل نمطي ممل ... الليون من بره جميله ... لكن مش احلا من البرافو ... خصوصا انها من بره او من جوه تحفه ... لكن الليون التايلوه نفس التأثير الالماني الممل ... الايطالي عربيه ليها روح ... الالماني عربيه بشخصيه بارده ... وطبعا الاداء الايطالي بيكون ممتع حتى لو كان ابطاء او اضعف .. لكن تأديه ممتعه .. ما بالك لما يكونو 121 حصان على موتور ايطالي ... والاتنين الليون او البرافو ملهومش سعر في اعاده البيع ... فطالما بايظه بايظه ... يبقى الواحد يجيب الحاجه اللي يحبها ... ومن كلامك انت وقعت في دباديبها ptmnlo123per1147
__________________
من تواضع لله رفعه The ultimate car would be designed by Italians engineered by Germans built by Japanese &
|
#9
|
|||
|
|||
رد: حكاية فيات برافو من الألف إلى الياء
sam بيه تصدق لو قلتلك تلاته بالله العظيم ما بنام من كتر التفكير فيها ......بس هيا شوية الاوبشنز الحبشتكنات اللى فى الليون هيا اللى مجننانى و متنساش بردو يا sam دول 150000 تقريبا على الترابيز .....و خوف شوية من أوماترا ما أنا مجربهم فى البرافا اللى بعتها..........أنا كنت فاهم فى العربية أكتر منهم و الله
|
#10
|
||||
|
||||
رد: حكاية فيات برافو من الألف إلى الياء
هوا لو الموضوع داخل في دفع فلوس و كده انا الصراحة هاميل لفولكس جروب علي الأقل ليها مراكز صيانة غير التوكيل و في الآخر الليون هيا الجولف هيا الجيتا هيا الاوكتافيا |
|
|