|
|||||||
| تكييف السيارة ساحة مختصة فى تناول المواضيع الفنية الخاصة بأنظمة التكييف بالسيارة |
 |
|
|
أدوات الموضوع |
|
|||||||
| تكييف السيارة ساحة مختصة فى تناول المواضيع الفنية الخاصة بأنظمة التكييف بالسيارة |
|
|
|
أدوات الموضوع |
|
#1
03-10-2013, 08:17 PM
|
|||
|
|||
مش عارف اية اللى حصل
بعد المواضيع اللى قرأتها عن صيانة التكييف ومن خلال كلامكم عن الاسطى احمد حنفى بالمعادى
روحت عشان اشوف تكييف العربية لانة مش شغال وبيطلع هوا سخن كلمتة بالتليفون ولقيت صنايعى عندة المهم كشف على العربية وقاللى ان مفيهاش فريون . قاللى ازودها ولا افرغ اللى فيها واشحنها قولت لا اعمل الصح وافرغ الهواء واشحنها .. راح كبس هواء الاول وقعد فترة طويلة يختبر المواسير بالمية والصابون ومظهرش اي تنفيس شوية وجاب علبة الجوانات وغير جوانين اللى هما لونهم أخضر دول وراح كابس هوا مرة تانية وهو بيكبس الهواء لقيت تراب أو دخان طالع من جوة الصالون أول ما شافة قاللى ان العيب عندك فى ثلاجة التكييف وعاوزة تتغير السؤال طيب هى لية مطلعتش الدخان دة من الاول لما كبسها هوا اول مرة ؟؟ وهل كبس لهواء ممكن يضرب فى التلاجة مثلا ولا عادى ممكن تكون بايظة ؟؟ وهل ثلاجة التكييف ممكن تبوظ مع انها مش باينة ؟؟ وبعدين هى مكان التلاجة دى فين هو بيقوللى لازم افك التابلوة ؟؟؟ معرفش ازاى ؟؟ وممكن تتغير من ورا زراير التكييف . اصل مش منطقى ان افك كل الطابلوة عشان اطلع حاجة من تحتة طولها 20*20سم فهل ليها حل تانى وهى التلاجة دى اية اللى بيبوظ فيها ؟؟ وهل ممكن تتصلح ؟؟ لانى مش عارف اجيبها منين ؟؟ وبكام ؟؟ العربية نيو أكسنت 2007 وشكرا ليكم مقدما على ردودكم 
|
|
#2
03-10-2013, 09:04 PM
|
||||
|
||||
رد: مش عارف اية اللى حصل
مستحيل كبس الهوا يخرمها لان هى بتتحمل ضغوط اعلى بكتير اكيد كانت مخرومة
لازم التابلوه يتفك ملهاش حل تانى لا انصحك باللحام طالما كدا كدا حتفك التابلوه فهات سربنتينة جديدة بس فعلا سؤالك منطقى ازاى مظهرش فى الكبس الاولانى ؟ !
__________________
سبحانك لا علم لنا الا ما علمتنا
|
|
#3
03-10-2013, 10:15 PM
|
||||
|
||||
|
رد: مش عارف اية اللى حصل
مظهرتش عشان الجوانات كانت مسربة و المواسير سليمة و ده خلى الكبس ما يوصلش بشكل كامل للتلاجه لما غيرها كمل الدورة و بقى الخرم الوحيد عند التلاجة
معلومة لو تلاجتك دية هتجيبها استيراد اصبر عليها شوية لأن التكييف بيكون القطع بتاعته الاستيراد ارخص فى الشتاء عن الصيف و بتعرف تفاصل و تضغط على التجار لحد اما تاخد سعر يريحك و برضو هو كسبان منك تالت و متلت انا مأجل تصليح التكييف عندى للشتاء عشان الموضوع ده لأنى بفكر اعدله و افصل التبريد بتاعه و اعمله رديتور صغير لوحده و دورة تربريد مستقلة و صممت تعديل يركب على دخل البلاور بتاع الهواء اللى بينفخ فى الصالون جوه عشان اقدر اعمل كذا عطر للهواء و احط مطهر للجو و اشياء من هذا القبيل بدل ما بشم ريحة الكبوت
__________________
|
|
#4
04-10-2013, 12:11 PM
|
|||
|
|||
|
رد: مش عارف اية اللى حصل
شكرا يا أستاذ / أحمد
شكرا يا أستاذ /رامى على ردودكم طيب هل الثلاجة دى طبيعى اوعادى انها تبوظ لانه ورانى واحدة قديمة عندة كانت بايظة اصل انا اول مرة اعمل صيانة للتكييف فى العربية وبعدين ممكن يكون سعرها كام تقريبا (( جديدة أو استيراد )) لان واضح من الكلام انى اشترى استيراد وسؤالى بخصوص فك التابوة انا عندى الوش بتاع مفاتييح التكييف والجزء اللى تحتة بيتفك حتى الكونسول الموجود بين الكرسيين بتفك لحد تحت التابلوة وبكدة يبقى كل المنطقة مكشوفة اصل بصراحة خايف من فك التابلوة احسن مايعرفش يرجعة تانى زى ماكان ماتنسوش نصائحكم اشترى منين التلاجة ؟؟ وممكن تكون بكام ؟؟ وشكرا ليكم مرة تانية
|
|
#5
04-10-2013, 02:36 PM
|
||||
|
||||
|
رد: مش عارف اية اللى حصل
للاسف التلاجة كدا يعتبر باظت بدرى لان العربية موديل 2007 يعنى 6 سنين فقط
و الله اعلم ممكن يكون بسبب عدم تشغيل التكييف فى الشتاء المفروض فى فصل الشتاء يشتغل كل اسبوع مثلا مرة تكون على الاقل 10 دقائق موضوع التابلوه يتفك كله او اجزاء منه فقط لازم حد عملها قبل كدا فى النيو اكسنت هو اللى يفيدك بس اللى اعرفه ان تكاد تكون كل الماركات فك التابلوه بالكامل ضرورة لتغيير التلاجة انا لو مكانك اشترى جديدة اصلية هى طبعا حتبقى غالية بس معنديش استعداد اجيب استعمال و تبوظ بعد فترة قصيرة و اعيد الشغلانة تانى خاصة انها بتاخد وقت و تكاليف و فك التابلوه مش حاجة سهلة و برضه انصحك بنفس الراجل اللى هو احمد حنفى هو و الناس بتوعه اللى يشتغلوا فيها مش حروح لحد تانى لو تقدر تصبر الكام يوم دول الجو عمال يبرد و ساعتها مش حتحتاج التكييف و فى عز الشتا بقى تروح تشترى الحاجة ارخص و تروح تلاقى الورشة مورهاش غيرك و حتبقى التكلفة ارخص
__________________
سبحانك لا علم لنا الا ما علمتنا
|
|
|
|
