لو انت من طنطا أو من الغربية عموما .. اتفضل

[Komy]

ممكن اسألك سؤال يا حبيبى

[bmkbmk]

المشاركة الأصلية كتبت بواسطة rooming ممكن اسألك سؤال يا حبيبى

أكيد يا باشا ... تحت امرك
اتفضل اسأل

[Komy]

صباح الفل الأول,

هو سعر الفورد كراون فيكتوريا او لينكولن جراند ماركيز موديل 2004 كام ,
وإيه إمكانية ان الواحد يجيب عربية من عندك؟
وهل فى موستانج موديل 1971 او 1972 برضو ولا لآ

[sad-bird]

المشاركة الأصلية كتبت بواسطة hazem_khidr وصلنا ل 11 واحد بالباشمهندس محمد كمال من الكويت طبعا مش حيحضر اول مقابله يبقي دلوقتي عددنا 10 في الرابطه خلاص هانت علي بكره نبدأ نعلن للمقابله الجديده يوم الجمعه الموافق15 اكتوبر و عاوزين حد من طنطا ينزل يشوف كافتريا كويسه جنب المرشحه نقعد فيها و يكون في باركن كويس

يعني انت اتفقت على مقابلة في طنطا يوم 15 -10
واحمد بدر بيرتب لمقابلة اسكندرية يوم 15- 10

يا سللاااااااااااااااااااااا اااااااااام
كل واحد يقسم نفسه نصين نص في طنطنا ونص في اسكندرية
والا اقلكم احنا نروح طنطا من الصبح ونصلي الجمعة ونتغدي ونطلع على اسكندرية

[bmkbmk]

المشاركة الأصلية كتبت بواسطة rooming صباح الفل الأول, هو سعر الفورد كراون فيكتوريا او لينكولن جراند ماركيز موديل 2004 كام , وإيه إمكانية ان الواحد يجيب عربية من عندك؟ وهل فى موستانج موديل 1971 او 1972 برضو ولا لآ

صباح الجمال يا باشا
سعر الكراون فيكتوريا او الجراند مارركيز موديل 2004 من 1500 الى 2000 دينار كويتى
يعنى من 30 الى 40 الف جنيه مصرى
و بالنسبة للموستنج و الكورفيت موديلات السبعينات موجودة برضوا بس مش كتير الموديلات الجديدة منتشرة اكتر و هتلاقيها ارخص كمان

و ادخل على الموقع ده و عيش معاه - ده موقع بيبيع عربيات مستعملة فى الكويت www.q8car.com

اما امكانية تنزيل العربية من الكويت فا انت لازم تكون المالك الاول ليها و لازم تكون شارى العربية موديل السنة او السنة اللى قبلها بالكتير ....
يعنى لو انت شارى عربية موديل 2004 و عاوز تنزلها لازم تكون انت اللى اشتريتها سنة 2004
و كذلك لو عربية 2010 عاوز تنزلها لازم تكون انت اللى اشتريتها سنة 2010 من الوكالة .. ماينفعش واحد يكون استعملها يوم واحد و بعدين باعهالك .. لازم تكون خارجة من الوكالة باسمك

و بعدين بقى يا نجم بتوصل العربية مصر و تعيش حياتك مع الجمارك طبعا انت عارف الجمارك ... على العربيات فوق 1600 سى سى بتبقى عاملة ازاى

و مع ذلك انا سمعت عن ناس نزلو عربيات مستعملة بس بتظبيطات جامدة بقى فى الجمارك .. انت عارف فى مصر مفيش مستحيل

المشاركة الأصلية كتبت بواسطة sad-bird يعني انت اتفقت على مقابلة في طنطا يوم 15 -10 واحمد بدر بيرتب لمقابلة اسكندرية يوم 15- 10 يا سللاااااااااااااااااااااا اااااااااام كل واحد يقسم نفسه نصين نص في طنطنا ونص في اسكندرية والا اقلكم احنا نروح طنطا من الصبح ونصلي الجمعة ونتغدي ونطلع على اسكندرية

اعتقد الميعاد ده يا باشا لسة مش نهائى