|
#47
23-10-2011, 05:31 PM
|
|||
|
|||
رد: كل واحد يقول احلي رحلة طلعها في حياته
كنت واقف في الشغل لا ليا ولا عليا لقيت تليفون من البيج بوس (كلامه كله زعيق ): ياتامر (بيزعق)؟ نعم .. جهز نفسك لمشوار لحد الصين .. فين الصين دي؟... ركبت الطياره لاول مره ف حياتي وداني فرقعت من صوت الزنه بتاعت المواتير لاني كنت قاعد جمب الجناح 12 ساعه ... نزلت مطار بكين كانوا مفهميني اني هلاقي حد واقف ف المطار زي الافلام مستنيني قعدت ساعتين مافيش حد اتصلت على البيج بوس قالي هوا انت جنرال عايزهم يستنوك على باب الطياره دور عليهم انت ...... شويه وجالي تليفون من واحده صينيه شغاله ف مكتب الشركه قلتها فين الناس يابنت الحلال ؟ بالانجليزي طبعا ( daughter of good where is the people) كلامي بالانجليزي ميفرقش كتير عن العربي المهم لقيتهم ... في الفندق عملو لنا حفلة استقبال وعشا حاجات خفيفه كدا سمكه سايحه ف دمها وباين عليها كانت لسه صاحيه وحلة شوربه فظيعه فيها بقدونس عايم ع الوش منظره يقطع القلب وانواع خضار كتير قرنبيط وبسله وذره مسلوق وبامبوو وحاجات كتير عليها عسل المهم اتفرجنا ع الاكل واتبسطنا وكمان صورنا الحلل
بعد كده الرحله كانت عباره عن تدريب على التريللات الجديده والصيانه بتاعتها ولكن برضه كنا بننزل البلد نتمشى احلى حاجه هتلاحظها لما تروح الصين هيا النظافه الشديده في كل شئ والنظام والاقبال على العمل ومن بق واحده صينيه قالتلي الناس هنا ممكن تعمل اي حاجه علشان تكسب فلوس سور الصين عجيبه اثريه معماريه فعلا الجزء اللي طلعناه حوالي 6 كم لانه طويل جدا بعرض الصين والاسواق عندهم فيها كل انواع البضايع وكل درجات الاسعار والفصال عندهم غير طبيعي يعني يقولك ف الاول 100 الف يوان تقوله خمسه متتكسفش والله ماتتكسف واصلا هما مبيعرفوش انجليزي وبيستخدموا الاله الحاسبه في البيع والشرا والفصال وبيكتبولك الاسعار على شاشة الاله الحاسبه وانت بتكتب عرضك بنفس الطريقه نرجع للاكل بتاعهم لما قولنالهم احنا مسلمين وعايزين اكل اسلامي بصراحه عملوا معانا احلى واجب لان الاكل الغريب بتاعهم اختفى واشتغلولنا يامعلم في اللحمه والريش وخلافه بصراحه بلد جميله ونضيفه ومنظمه والواحد بيستغرب ليه دول كده واحنا كده مع ان نفس الظروف ونفس مستوى المعيشه للناس العاديه ونفس الاسعار ونفس المشاكل ان لم تكن اكتر بكتييير فيه عندهم حاجه ناقصانا هيا ايه مش عارف ؟ 
|
|
#48
23-10-2011, 06:25 PM
|
||||
|
||||
|
رد: كل واحد يقول احلي رحلة طلعها في حياته
قصة جميلة يا تامر ديزل و حلوة حكاية ( daughter of good where is the people)
__________________
سبحانك لا علم لنا الا ما علمتنا
|
|
#49
24-10-2011, 08:52 AM
|
|||
|
|||
|
رد: كل واحد يقول احلي رحلة طلعها في حياته
حمدلله علي السلامه يا محمد يا زكي يا ملك السنيما المصرية والمسرح ومستنين تقولنا هتخلص الجيش بتاعك ده امتي
وبجد انتا مشكله يا تامر باشا رحلتك جميلة جدا ولو اني كان نفسي تورينا صور الاكل اللي انتا صورتها ديه علشان الواحد تتسد نفسه هههههههههههههههههههه
|
|
#50
24-10-2011, 03:00 PM
|
|||
|
|||
|
رد: كل واحد يقول احلي رحلة طلعها في حياته
ادي يا عم السمكه
[IMG]  [/IMG]وادي حلة الشوربه اللي تقطع القلب  وشوف دول كمان [IMG]  [/IMG]ودي كمان [IMG]  [/IMG]عايزين تاني ولا شبعتوا الي عايز يقول مافيش كسوف بالانجليزي يعني No problem
|
 |
|
|
