اجمد مقابلة واحلى اعضاء

[SuMo]

ههههههههههههههههههههههههه
قفشتنى يابو صلاح معايا حوالى 10 صور بس دول تمنهم غالى اوى

[pro mada]

المشاركة الأصلية كتبت بواسطة Dr. Bolbolan و بصراحه شكله كان غير اللى فى بالى ! يعنى كنت متخيله رفيع و قصير و لابس شورت و فانله و كاب ليه هي المقابله في الاستاد ؟ شاب طويل " بس مش قوى " حوالى 180 سم و نحيف آه بس برده مش قوى و لو لعب رياضه ح يبقى 100/100 يا رب يا دكتور و طبعآ كثير الحركه و بيتكلم بعفويه و مش هايب الموقف ! بس كان مصدر سعادة و ضحك الحاضرين ! الله يخليك يا باشا بخفة دمه ولآنه من عفويته و طيبته طبعآ بيتكلم بسرعه و اللى فى قلبه على لسانه و بيتقبل النقد بروح حلوه ! هوه آه بيرد و " بيلابط" بس مهذب و فى النهايه ما بيغلطش ! بالرغم انه قبل نهاية المقابله كان ح ينضرب من كل الموجودين " زى شجرة الدر " ! بس الحمدلله عدت ! و ح أحكيها فى وقتها ! وبم ان الكلام قى المشاركه دى تحديدآ عن برومادا فاحنا قعدنا نناقشه و نغلس عليه فى مشاركاته مثلا زى الشكمان اللى بيفرقع والولد اللى طلع له من البلاعه ! و معجزة المعجزات فى الجاموسه اللى كانت ح تخبط جولييت جنب بيتهم ! ( جاموسه فى بورسعيد ) !؟؟؟ والله ينفع اسم فيلم كوميدى بطولة أبو العربى ! ولا حكاية العيل أبو 12 سنه و راكب مرسيدس قديمه و بيشد معاه و ضرب هاند بريك ( ملحوظه: المرسيدس مافيهاش هاند بريك و لكن فرمله تالته على شمال الدوبرياج يعنى رجل بريك ) ! انا بقي بقه مكتش اعرف الموضوع ده وطبعآ قعدنا نضحك على كيفية عثور أبو صلاح على برومادا تائهآ فى شوارع المحروسه ! مش ح أحكى كل الكلام بس نقطه واحده فقط ! لما أصبحوا قريبين من بعض و طبعآ ما يعرفوش شكل بعض ! صلاح بيقول له انت جنب الكليه الحربيه ! طب فيه ايه تانى جنبك ؟ قال له فوقى طياره طايره أهيه و ديلها لونه أحمر !! يالااااااااااااهوى !!! و بعد ساعتين تلاته بعض الناس طلبت ساندوتشات و الآخ برومادا افتكر ان ساندوتش الهامبورجر صغير زى صوابع زينب ! فطلب 3 ساندوتشات ! و لما جاء الطلب لقينا الساندوتش الواحد قطره بتاع 45 سم ! فأصيب برومادا بالهلع ! و البورسعيدى طلع بأه ! وقال للراجل لآه أنا طلبت واحد بس ! و بعد أخذ و رد الراجل وافق يتحمل 1 و برومادا 2 لكن برومادا أكل واحد بس و ساب التانى لآى حد يلبسه وقال انه ما يقدرش يا كل غير 1 بس ! و بعد نصف ساعه أكل التانى و قبل ما يخلصه طلب التالت ! طبعآ متنا من الضحك ! وأنا قلت له أنا شايفك بتتخن وانت بتاكل ! ههههاهههاه و قبل المقابله ما تنتهى و كنا بنتناقش مناقشه حاميه فى موضوع ما ! اقترح يرومادا الاقتراح الرهيب اللى كان ح ينضرب بسببه ! و ما فيش داعى أقول اقتراحه لسببين ! أولا المناقشات دى لست فى حل من اعلانها ! انا معرفش انا قولت كده ليه بس كنت مخنوق شويه من مواقف هقولها لحضرتك في صمام الموضوع ده و طبعا انا بعتدز لكل واحد اتضايق من الاقتراح ده و السبب التانى علشان على الآقل ربع ال 20000 عضو اللى فى المنتدى ح يروحوا بورسعيد يسلموا جامد قوى على أبو العربى ! عمومآ معرفة خير ! وان شاء الله لما أروح بورسعيد قريبآ نعدى عليه و على الآخ حازم شاهين اللى افتقدنا وجوده ! بس مش ح أسمع كلام برومادا و أشد معاه بسيارتى لآنى كما قلت له ح ألبسه فى أول حيطه ! طب شد معايا و هنشوف هيحصل ايه ؟ أو مركب ماشيه فى قناة السويس !أو طياره ديلها أزرق ! بس كفايه عليك كده يا عم ! خدت حقك و زياده ! Dr. Bolbolan

ميرسي علي الوصف الجميل ده يا دكتور

[pro mada]

المشاركة الأصلية كتبت بواسطة AHMEDCAR ابوصلاح حبيبى احد اضلاع مربع الهلاك شكرا ياكبير على الوصف التفصيلى للغرزه يامعلم و لو سمحتوا دعونا نعمل فى صمت الحمد لله و انا راجع على البيت و مشغل عبد الحليم كنت هاكون توتال لوس فى عربيه نقل بنزين و الحمد لله ربنا لطف

طب الحمد لله انها جت سليمه و حمدا علي سلامه فيفي
و ابقي خلي بالك المره الجايه و بلاش جري
هو احنا عندنا كام احمد كار و لا كام فيفي ؟

[pro mada]

المشاركة الأصلية كتبت بواسطة dreamer lover وطبعا جنبة وبالامانة افتكرتة انة ابنة مع الفرق الضئيل في السن بينهم بس بسبب المعاملة المفاجئة ابو عربي بور سعيد كلهه شخص ليس امامك الا حلين وانتة معاة اما انك تحبة او تحبة وملهمش تالت مش هقدر اقول علية اكتر من الي اتقال رغم اني مشيت قبل الغرزة بشوية كان نفسي اشوفة يا استاذ صلاح بس مليش نصيب بس اناواثق ان طول ما مادا علي الارض ان شاء الله هشوفلة غرز كتير وان شاء الله هيطلع منهه سليم دتيما بس قولوا امين

بجد فوت اجمد عرزه و احلي هاند
و ميرسي يا ابو حميد علي الكلام الحلو ده
و يا لا يا عم
التيدا منتشره جدا جدا جدا و قطع غيارها موجوده عند البقالين
و لا تزعل نفسك

[pro mada]

المشاركة الأصلية كتبت بواسطة salahabdelnabi وبعدين مين ده اللى افتكرته ابنى ؟؟!!!!!ptmnlo123per111 ابو العربى يبقى ابنى ؟؟!!!!!!!! ياواقعة طين ......... يامحمد انت ماشوفتش كمية الساندوتشات اللى كلها وحجمها وفى الاخر تقول ابنى ptmnlo123per111 ptmnlo123per145 احنا هنقر بقي و لا ايه ؟ انا طبعا يكون لى الشرف ويسعدنى جدا ان ابو العربى اخويا الصغير وهو فعلا فى سن هشام اخويا والفرق بينى وبينه 12 سنة الله يخليك يا صلاح باشا بس زاى ما انت قولت ابو العربى مالوش غير حل من اتنين ......... يا تحبه يا تحبه

ميرسي علي كلامك الجميل ده
و ربنا يديم المحبه