رابطة ملاك الكيا برايد

[AbOnOrA]

المشاركة الأصلية كتبت بواسطة asd202 سلام عليكم هيا كيا برايد هاتش باك 99 لو الشاسية ملحوم من خبطة مش كبيرة قوى قدام والماتور محتاج تزبيط عشان بيسرب زيت فهل ده يقلل سعرها كتيروهل لو ب 23 الف كده كتير عليها وهل ممكن تنزل اكتر من كده كمان هى مفيهاش تكييف ومانيوال

تقلل من سعرها اه طبعاً

[ali galal]

انا معايا كيا برايد 96 عصفورة غيرت سير الدينامو ومن ساعة مغيرته لما اجى ادوس بنزين بسمع صوت سير عالى جدا جدا يكاد يصحى الميت وفى احد الايام وانا ماشى لقيت لمض التابلوه منورة ركنت وفتحت الكبوت لقيت السير طار المهم جبت سير جديد وبرضه نفس المشكلة وجربت كل الحلول شديت السير ورشيت عليه ميه ورشيت عليه wd 40 ولسه نفس اللمشكلة يا ريت لو عنده حل يقوللى الله يكرمكوا

[mohamed-hammad]

السلام عليكم ورحمة الله وبركاتة

انا منضم جديد على الجروب ومعايا كيا برايد هاتشباك 96 1100cc لسة جايبها قريب
وكان عندى مشكلة تسريب زيت واتعالجت الحمد لله بنص عمرة والميكانيكى قالى محتاج تظبط كاربراتير علشان فية دخنة سمرة خفيفة بتطلع من الشكمان فروحت لواحد فى شبرا غير اكس وباب ومشيت بالعربية شوية ومازالت الدخنة موجودة فهل هانك احد يعلم مكان حد بتاع كاربراتير كويس ومضمون وذو ثقة اروحلو علشان احل مشكلتى افيدونى بالله عليكم

[mostafa_wahid]

المشاركة الأصلية كتبت بواسطة ali galal انا معايا كيا برايد 96 عصفورة غيرت سير الدينامو ومن ساعة مغيرته لما اجى ادوس بنزين بسمع صوت سير عالى جدا جدا يكاد يصحى الميت وفى احد الايام وانا ماشى لقيت لمض التابلوه منورة ركنت وفتحت الكبوت لقيت السير طار المهم جبت سير جديد وبرضه نفس المشكلة وجربت كل الحلول شديت السير ورشيت عليه ميه ورشيت عليه wd 40 ولسه نفس اللمشكلة يا ريت لو عنده حل يقوللى الله يكرمكوا

تقريبا سير الدينامو مش مربوط كويس او الميكانيكى اللى مركبه على قدوا اوى لانى غيرتوا مرتين ومعملش صوت ... والمهم تجيب سير دينامو نضيف ويستحسن الاصلى بتاع العربية

[mostafa_wahid]

المشاركة الأصلية كتبت بواسطة mohamed-hammad السلام عليكم ورحمة الله وبركاتة انا منضم جديد على الجروب ومعايا كيا برايد هاتشباك 96 1100cc لسة جايبها قريب وكان عندى مشكلة تسريب زيت واتعالجت الحمد لله بنص عمرة والميكانيكى قالى محتاج تظبط كاربراتير علشان فية دخنة سمرة خفيفة بتطلع من الشكمان فروحت لواحد فى شبرا غير اكس وباب ومشيت بالعربية شوية ومازالت الدخنة موجودة فهل هانك احد يعلم مكان حد بتاع كاربراتير كويس ومضمون وذو ثقة اروحلو علشان احل مشكلتى افيدونى بالله عليكم

بتاع شبرا دة متحاولش تروح هناك تانى لانى اكتشفت انوا متخصص فى كربراتير ال28 وال27 بس دة غير انوا بيتنك على الفاضى وشغلوا مش حلو وبعد ما ظبط الكربراتير عندوا رجعت صلحتوا تانى عند غيروا بعديها باسبوع .... المهم فى مركز الصفا للكربراتير والانجيكشن ودة قريب من الحرفيين بس هوة غالى حبتين .... وفى ورشة فى العباسية قدام بنك عودة تقريبا شغلها كويس واسعارهم معقولة