أرجو إمدادي بمعلومات عن السيارة (ريجاتا) Regata

[xahmedfaragx]

بص ياباشا انا كان معايا ريجاتا لمده 5 سنوات وعلى فكرة اخر موديل فيها 89-90 بصراحه عربيه حماره شغل وماتحسش انها جر امامى من قوتها وواسعه من الداخل والشنطه كمان واسعه بس المهم تكون نظيفه لان النظيف منها قليل دلوقتى وسعره عالى شويه بس من عيوبها ان التكييف بيسخن العربيه كعاده الفيات وبيقلل السحب جدا يعنى ماينفعش معاها التكييف دا لوشغال والعيب الثانى هو ان قطع غيارها قلت شيه من السوق لكن غير كده العربيه ممتازه جدا لو نظييييييييييفه

[zenger]

المشاركة الأصلية كتبت بواسطة أبو عبد الرحمن السلام عليكم ورحمة الله وبركاته أريد معلومات عن السيارة ريجاتا Regata (موديل 1997) المزايا و العيوب وهل تنصحون بها ؟ للضرورة القصوى بارك الله فيكم

اسف على التاخير بس بجد مكونتش واخد بالى من السؤال
اولا يا باشا الريجاتا عربية فى منها نوعين العادى و النوفا العادى من 83 الى 86 و النوفا ابتداء من ال86 الى 90 بس بلاش تجيب نوفا ريجاتا 90 نظرا لندرة قطع الغيار و كده متعبة شوية
لكن ال89 او 88 تمام اوى فى كل حاجة
العربية صالون واسع كومبيوتر اعطال غالبا مش شغال عند ناس كتير بس سعره رخيص ممكن تشغلة تكيف و زجاج كهربا و سعة الموتور 1500 سى سى
بالنسبة للكبالن فانت لو محافظ عليها مفيش مشكلة منها كما انها جر اماى يعنى مش متعبة فى تصليح الات الجر بتاعتها ولا غالية كمان بل سعرها متوافر
فى مصفحة من تحت لحماية الماتور من اى مطب او الكلام ده و دى فالموديلين اللى انا قولتهوملك دول
يعنى خش فى المطب متخافش
العربية من ناحية قطع الغيار فهى موجودة و فى متناول الايد
العفشة بتاعتها حلوة و ثابتة على الطريق مع السرعات العالية كمان شنطة واسعة و صالون مريح و يشيل يعنى حمل و امشى يا باشا
اما بالنسبة للعيوب فهى مش كتير لان التكييف طبعا معروف انو مش قد كده اوى يعنى بس لو حالة التكيف كويسة بيبقى حلو السخونية لكن انت لو ريحت دماغك و ركبت راديراتير الومنيوم زى بتاعها الاصلى لا بيتسد ولا حاجة بقى و هتنسى السخونية مع ترموستات اقل من ال90 و هتبقى تمام
لو فى اى حاجة عاوزها تانى انا تحت امرك فى اى استفسار

[koko1312]

أنا عندى ريجاتا 84 وحالتها كويسه ولكن عملت حاجه غريبه مره واحده وقفت ومش عايزه تدور
ومحتاج أروشها شويه

[zenger]

شوف يا باشا الابلاتين و الكوندنسر و الموبينة سليمة ولا لا
و شوف طرمبة البنزين سليمة ولا لا
و طقم البوجيهات ايه ظروفة و كده

[ahmedshwky]

السلام عليكم
اريد ان اعرف ار بى ام كام فى حاله السلانسيه