لماذا ادهشت السياره السيراتو مصر والمصريين فقط بينما هناك سيارات اوروبيه افضل منها

[miroseba]

متشكر اوى على مروركم الكريم وياريت تبدو رأيكم فى الموضوع ايهما افضل السيراتو ولا الفيات بونتو

[كومندا]

السيراتو حتى لو الفيات ببلاش برده هختار السيراتو لان مع انتشار العربيه هيتوفر ليها قطع غيار بره التوكيل كتير جداااااااااااا وباسعار حلوه لكن البونتو مش هتلقلها قطع غيار غير الا التوكيل وانته عارف بقا اسعار التوكيل غير انها عربيه بطيئة فى البيع عكس السراتو كله مغرم بيها
مش عارف ليه العربيه السيراتو دى فى ضجه حامده ليها 100 موضوع فى المنتدى بينتقدها ليه مش فاهم يعنى الناس اللى جبتها وركباها دلوقتى مش فاهم واللى راكب عربيه كرولا مثلا هوه اللى فاهم
ياريت نبطل نعقد الناس فى عربيه ناجحه جدا فى مصر
وبخصوص ال35 عربيه الخليجى التوكيل ماله مالهم دى عربيات خليجى يعنى مش التوكيل اللى نزلهم مصر ولو وافق يصلحهم محدش هيجيب عربيه وكيل كله هيجيب خليجى ويصلح فى التوكيل ونقفل مصامع التجميع بقا صح ولا ايه

[خالداعزالناس]

سبب الانتشار فى مصر أنها :-
محرك 1600 cc
شكل خارجى جذاب جدا
تابلوه داخلى انيق جدا ..... ومنظم وحديث
محرك قوى
سعر معقول

[miroseba]

المشاركة الأصلية كتبت بواسطة kmanda_vip السيراتو حتى لو الفيات ببلاش برده هختار السيراتو لان مع انتشار العربيه هيتوفر ليها قطع غيار بره التوكيل كتير جداااااااااااا وباسعار حلوه لكن البونتو مش هتلقلها قطع غيار غير الا التوكيل وانته عارف بقا اسعار التوكيل غير انها عربيه بطيئة فى البيع عكس السراتو كله مغرم بيها مش عارف ليه العربيه السيراتو دى فى ضجه حامده ليها 100 موضوع فى المنتدى بينتقدها ليه مش فاهم يعنى الناس اللى جبتها وركباها دلوقتى مش فاهم واللى راكب عربيه كرولا مثلا هوه اللى فاهم ياريت نبطل نعقد الناس فى عربيه ناجحه جدا فى مصر وبخصوص ال35 عربيه الخليجى التوكيل ماله مالهم دى عربيات خليجى يعنى مش التوكيل اللى نزلهم مصر ولو وافق يصلحهم محدش هيجيب عربيه وكيل كله هيجيب خليجى ويصلح فى التوكيل ونقفل مصامع التجميع بقا صح ولا ايه

طيب انا قولت عربيه الناس بتشتريها على كلام الناس والشكل فقط وليس فيها اى ملامح القوه ولا السرعه وعلى فكره قطع غيار السيراتو غاليه جدا اغلا من الكورولا ولانسر وعربيات كتير واغلا من البونتو كمان ومفيش ليها قطع غيار بره وهتنزل مش اقل من 3 سنين على الاقل وكفايه ان العربيه المطب بتخدوا برزع فى عضمك كولو وكمان الى عايز يركب عربيه منتشره وسعر اعاده البيع كويس ومتدوله يجيب فيرنا بقى ولا لانوس بس محدش يدفع فى عربيه 100 الف جنيه وتكون مش ذات كفائه

[miroseba]

المشاركة الأصلية كتبت بواسطة خالداعزالناس سبب الانتشار فى مصر أنها :- محرك 1600 cc شكل خارجى جذاب جدا تابلوه داخلى انيق جدا ..... ومنظم وحديث محرك قوى سعر معقول

حضرتك قاريت الموضوع كله ولا انا قولت ايه العربيه 77 حصان و1400 اسرع منها يبقى ازاى محرك قوى وشكلها الخارجى جميل اوى بس من جوه مش لايق على البره ابدا