هو ليه الناس بتبيع السيراتو 2011 و 2012

[أيمن الروبي]

انا معرفش اللي انا هقولهده صدفه ولا ايه
انا سفرت اسكندريه 3 مرات بعربيتي خلال الاسبوعين اللي فاتو شغل يعني انا كنت ماشي بعربيتي 140-150-160-170 بس لاحظت ان السيراتو كتير علي الطريق محدش فيهم معدي 130-140 انا غالبا كل السيراتو اللي كان علي الطريق كنت بعديه نادرا ماكان في حد بيعديني وخصوصا علي 150
بصراح كنت مستغرب بس مش عارف دي صدفه ولا ايه

[حمادة الخطيب]

هو حضرتك كنت ماشي 140 160 170 كم\س بأنهي عربية ال 132 أزاي وكان السيراتو ماشي جنب حضرتك 140 برضه ازاي
مش صعبة شوية المعادله دي ولا انا غلطان

[أيمن الروبي]

المشاركة الأصلية كتبت بواسطة حمادة الخطيب هو حضرتك كنت ماشي 140 160 170 كم\س بأنهي عربية ال 132 أزاي وكان السيراتو ماشي جنب حضرتك 140 برضه ازاي مش صعبة شوية المعادله دي ولا انا غلطان

ايه اللي صعبها حضرتك مش مصدق ان ال 132 تجيب 170
علي فكرة دي 1600 سي سي 2كامة
وكمان في اعضاء هنا في المنتدي معاهم ال 132 وجابو بيها اكتر من كده
منهم استاذ حازم خضر كان معاه 132 وكانت بتجيب معاه 200 كم/س بس كانت 2000 سي سي وكان في احد المرات بيشد بيها مع BMW
استاذ مصطفي عارف معاه 132 وجاب بيها 170 كم/س وكان بيجري وراه واحد معاه وسيراتو وكان مصر يشتريها منه
ممكن تكون خبرة حضرتك في العربيات قليلة شويه
هي العربيات دي قديمه بس مش غريب عليها توصل لهذه السرعات طالما حالة الموتور جيده
انا كان معايا 128 وكنت بجيب بيها 160
وواحد صحبي كان معاه 127 900 سي سي وبيجيب بيها 160
ايه المشكله يعني
ومواتير ال 132 ليها صولات وجولات في الراليات في فترة سبعينات وتمانينات
حضرتك مش مقدر يعني ايه 2 كامه سواء 1600 - 1800 - 2000 سي سي

[mohamed elshahat]

يالهووووووووووووووى دى كلها عيوب

[fineart607]

لا حول ولا قوة الا بالله


انا معى سيراتو و الحمد لله زى الفل ربنا يحفظها وادائها رائع جدا تحس انها مش اتوماتيك تسارع المانيوال وثبتها كويس ما شفت منها حاجه الحمد لله خامتها كويسه انا عايز اعرف الناس بتجيب الكلام ده من فين 2012 زى الفل الحمد لله