استراحة 2008

[Payoo]

المشاركة الأصلية كتبت بواسطة m.genedy الموضة البايخهة دية --مش مقبولة حتى فى اوروبا --والشباب دول بيجدوا نفس المصير هنا من تريقة وضحك عليهم --لكن هى فى الحقيقة موضة مقتصرة هنا على الشواذ والمدمنين --يعنى ناس مش طبيعية --

اهوه استاذ "جنيدي" بنفسه أهوه إللي عايش في هولندا من زمن بيقول إن الناس إللي في أوروبا نفسهم مش متقبلين الملابس دي وإللي بيلبسها بيبقى يا إما شاذ أو مدمن

[MohabSaeed]

تسلم ايدك يا بايو ......... فعلا ياريت كلنا نفكر مرتين قبل ما نكتب رد او موضوع ..... ممكن يعمل مشكله .. " او كالعاده موضوع يدخل الناس فى صراع بلا داعى .
طبعا غير المواضيع ذات الطابع الدينى الى اكيد مكانها المنتديات الدينيه .


عموما احنا بشر وسعات كتير الحاله المزاجيه والنفسيه بتأثر كتير فى طريقه كلامنا وردود افعالنا . فأذا حدث ان حد خرج عن النص لازم نتكلم بأسلوب مهذب وخالى من " التهكم و السخريه " . , ( بمعنى اننا ممكن نكسب الشخص ده كصديق و اخ , بدل مايتحول لعدو )
حاجه اخيره .......... عدم التحدث بطريق " انا فلان , و بعمل كذا ... بمعنى اصح عدم التحدث من منطلق التعالى او الغرور بصيغة التواضع .... وديه اكتر حاجه ممكن تبعد الناس عنك .

[ahmedsalah]

موضوع ممتاز ومفيد لكل من يريد ان يتكلم ويناقش باسلوب صحيح

[sh_masry]

المشاركة الأصلية كتبت بواسطة islam_galal :D:D:D:D طب دور علي بنطلون قماش يا راجل في جبردين عادي عند سليو مثلا :crazy

ما هو انا للأسف مش بلبس فى حياتى غير الجينز ...... لدرجه انى رفضت شغل كتير قبل كده بمرتبات خياليه علشان البنطلون القماش و الكرافته ....... و للأسف فعلا معظم المحلات هنا فى القاهره معندهاش غير النوع المهبب ده من البنطلونات ..... و بتضطر انك تلبس قميص طويل و تطلعه بره البنطلون ..... حاجه فعلا بايخه .........

[Ahmed Anwer]

يا سلام مفيش كلام بعد كلام بايوو

:w6w2 00504112245306e:w6w200504 112245306e


أحب اضيف بس كام نقطة من عندي

1- الإختلاف علي رأيك لا يعني الإختلاف علي شخصك

متاخدش النقاش بمحمل شخصي angryhead

2- تأكد من كل معلومة قبل ما تكتبها

لأن في عالم الإنترنت من السهل جدا الكشف عن كذب او صدق المعلومة

و لو مش متأكد اكتب كلمة زي مش فاكر علي ما اعتقد تقريبا عشان متكونش بتقول حقائق


3- لا تهمل الرد علي حد

و انتا فاكر كده انك احرجته بانك تعاليت علي انك ترد عليه

لأ لأن ده عدم احترام ليه و لرأيه

و كلنا محترمين و اراءنا محترمة


4- تقبل المزاح و السخرية بقلب ابيض :crazy:crazy

لو تقدر لأن عارف ان مش كل الناس بتتقبلهم

5- لا تكذب !!!!!!

و تذكر دائما الآيه الكريمة

بسم الله الرحمن الرحيم

قال تعالى: ﴿وَلَقَدْ خَلَقْنَا الْإِنْسَانَ وَنَعْلَمُ مَا تُوَسْوِسُ بِهِ نَفْسُهُ وَنَحْنُ أَقْرَبُ إِلَيْهِ مِنْ حَبْلِ الْوَرِيدِ ، إِذْ يَتَلَقَّى الْمُتَلَقِّيَانِ

عَنْ الْيَمِينِ وَعَنْ الشِّمَالِ قَعِيدٌ ، مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ﴾

صدق الله العظيم