اسبراتير الكتروني ولا عادي

[طارق ابوذيد]

المشاركة الأصلية كتبت بواسطة michohat شيخ طارق هل يوجد اسبراتير الكتروني للفيات 131

ان شاء الله الاسبراتير 131 اكترونى هو نفس 132 الاكترونى وسعره 120 جنيه ولكن ستحتاج موبينه اكترونى معه وسعرها 70 جنيه بالمشط الداخلى والله الموفق .

[tameromarw]

اخونا الشيخ طارق

معايا تمبرا 98 وحاليا شغاله بالابلتين والكوندنسر

كنت عايز ارجعها للاصل واشغلها بالدجيبلكس والموبينه الكتروني واسبيراتير الكتروني فكنت عايز اعرف التكلفتة وعندك الان الطلبات ؟
علما ان بها الديجبلكس بتعها بس مش شغال وممكن يكون محروق

[magdy_31]

بعد اذنك يا شيخ طارق هو ينفع اركب ال 127 اسبراتير الكترونى وبكام سعرة وهل هو هيكون افضل للعربية 127 ام لا

[طبيعى مستنير]

قتل بحثا وتجربه " لكل شىء مميزات ايضا له عيوب - والظروف المحيطة بك تحدد لك الانسب
الخلاصة( الالكترونى بدون مسدس اشعال وضبط توقيت صح ليس له قيمة فى الاداء ) - ميكانيكى مصر معظمهم أميين فى تكنولوجيا ومعدات القياس والاختبار)- اذا تعطل ماتت السيارة -التاجر والبائع سينصحك به لانه يبحث عن المكسب
لاسبيراتير العادى يناسب مصر وصيانته سهلة وبسيطة - اذا تعطل ستبقى السيارة تحتضر حتى تصل بك لمنزلك لكنها لن تموت ابدا

[zing0]

لاسبيراتير العادى يناسب مصر وصيانته سهلة وبسيطة - اذا تعطل ستبقى السيارة تحتضر حتى تصل بك لمنزلك لكنها لن تموت ابدا

أحتضرت النهارده عالصبح ...
أمبارح كنت بايت عند نسايبى و بلف على بنزين فى حلوان, مفيش مش عارف ليه
المهم طلعت على الساعة 8 الصبح النهارده و معايا الجماعة و الأولاد و قولت أشوف بنزين
و يا دوب بأعدى مطب (اللى قدام كمين مدخل مايو) لاقيت العربية بتضرب مدافع و بطلت
زقيتها على جنب و بدأت رحلة البحث عن المشكله....
1- أمبلية مدافع للكربراتير للنظافة (لإن التانك كان عالآخر فقولت ممكن تكون شوائب) و نضفت بك السلانسية ..... لسه
2- يبقى كهربا, لاقيت الأبلاتين لادع, صنفرته و نضفته .... برده لسه
3- يبقى الكوندنسر, طلعت كيس الأبلاتينات و الكوندنسرات القديمة و فكيت الإسبراتير و ركبت كوندنسر و أبلاتين جداد و ضبطت عالفللر و أجرب .... برده لسه مدافع
4- بعد عدة محاولات اكتشفت إن الكوندنسرات اللى بركبها كلها بايظه (اللى بيقولو عليها فرنساوى) و آخر واحد (انجليزى) طلع ابن حلال و عليه أبلاتين فرنساوى
5- نسيت اتجاه الشاكوش بتاع الإسبراتير و اضطريت أجيب الرابع و أضبط العلامات بتاعة التقسيمة و أسقط الإسبراتير و أتأكد من ترتيب أسلاك البوجيهات .... و أخيراً , الحمد لله

صحيح بقالى أكتر من ساعة فى الحوار ده و ظهرى أتنى و أتبهدلت بس الحمد لله أنها مكسفتنيش
و الحمد لله لاقيت بنزين فى وطنية اللى فى المعصرة عالأوتوستراد, صحيح الطابور طويل بس العربية كانت هتشتم و تقل أدبها لو مكنتش فولت