ميكانيكي ستروين بفيصل والهرم ... محترم جدا وامين ومجتهد

[hakam]

خلال رحلة بحثي المستمر عن كل ما يخص ستروين اكتشفت ميكانيكي بيشتغل في الستروين وهو فاتح في شارع فيه اكتر من 55 ورشة مابين ميكانيكا وعفشة وكهربا وتجديد وكل ما يخص صيانة السيارات واللي دلني عليه ميكانيكي فاتح قبلة بـ 100 متر وقالي طالما ستروين يبقى الشيخ محمد وقالي ان في ميكانيكية كتير جدا في فيصل والهرم بيجبولة الشغل وهو يخلصة بنفسة عموما هو مكانة في شارع المساكن بعد تقاطع شارع العشرين اخر سور مدرسة الكرنك بجوار معرض التوأمان للمطابخ ودا رقم تليفونة 0165526969 وفي كمان واحد تاني في شارع الريحان في الطالبية فيصل (طريق كفر طهرمس) اسمه اوتو سيرفيس بس للامانة متعاملتش معاه لكني بشوف سيارات ستروين كتير جدا عنده بيصلحها خصوصا الـ zx

[mahmoudfs]

بارك الله فيك
اخي الغالي على المعلومات

[hakam]

يا اخواني انا اتعاملت مع الشيخ محمد الميكانيكي / وهو للاسف مواعيدة وحشة جدااااا ولما بيدي ميعاد لا يصدق فيه ولما تكلمة على الموبيل مستحيل يرد ودا طبعا شيئ سيئ جدااا لهذا لا انصحكم بالتعامل معاه نهائيا الا اذا كان التعامل في الحال ولا تتركوا له السيارة لانه هيتعبكم جداااا في المواعيد على الرغم من انه ملتحي وظاهره متدين ... هذا للامانة لاني اتعاملت معاه

[خالداعزالناس]

شكرا على الافاده

[kakas]

انا دلوقت عايز اجيب عربيه ستروين AX و الحاجه الوحيده اللى مخلياني اقلق شويه منها ان انا ساكن في الهرم و حاسس لو العربيه حصل فيها حاجه مش هلاقي حد يعرف يصلحالى غير في اماكن بعيده و مش قريبه من الهرم ..... كمان قطع الغيار خايف تكون مش موجوده و في اماكن بعيده .... ياجماعه انا عايز حد من الهرم او فيصل يقلى بيعمل ايه و بيروح لفين ..... شكل الشيخ ده مش مظبط ..... و كمان انا لو هروح اشوف عربيه اجيب معايا مين ,,,,,,, يا ريت يا جماعه حد يفيدني انا فعلا لسه مشترك دلوقت لما لاقيت الناس هنا عندنا معلومات عاليه اوي ..... كل واحد يقول اللى يعرفه وان شاء الله ربنا يكرمنا جميعا