الامبيرزا (سوبارو) ولا المازدا 3 و ليه الامبريزا سعرها عالي كده

[dr_eslam_66]

الميزة الاولي في السوبارو انها ياباني ١٠٠٪ والشركة مش بتدي توكيل لاي حد في اي بلد.
ياعني ياباني تصميم وتكوين وتقفيل والعربيات بتتشحن زي ماهيا من بلدها لحد اي سوق في الدنيا.
ثانيا الامبريزا او كل عربيات السوبارو دفع رباعي مستمر وبيستخدمو تقنية الدفع المتساوي علي المحورين الامامي واخلفي ياعني ٥٠٪ من الدفع خلفي وزيهم امامي ودا بصفة مستمرة ودائمة.
ثالثا الامبريزا شاركت في راليات كتيير قوي ودايما مشهورة انها سيارة راليات.
من هنا العربية ليها سمعة محترمة ومكانة في قلوب القيادة الرياضية وعموما هيا كل فولة وليها كيال ولولا ما اختلفت الاذواق لبارت السلع.
من الاخر العربية دي صعب اوي تفرك منك او تامرك في طلعة قاسية لانها دفع رباعي وبالتالي مش هتخسرك ولا جزئ من الثانية لو انتا في رايسينج مع حد مثلا.
هوات الدريفت بيفضلوا العربية دي بالذات عن غيرها لانها متزنة جدا وبتديلك تحكم عالي قوي في المنحنيات.
وعموما خش بس علي ال يو تيوب واكتب امبريزا.

[Ahmed AlGamal]

الامبريزا دفع رباعي و عربية سباقات وشد وسحب وتحكم وكلام من ده

او سيارة من عالم تاني على راي بعض المشاركين

اتضحت الرؤيا

[SAMOOO]

بص هى عربية يابانى وتحس انك راكب المانى

[alymonir]

ابعد عن السوبارو و غنيله
في مصر فقط طبعا

[MITSUBISHI MAN]

مع احترامي للجميع طبعا

اكيد السوبارو امبريزا عربية ممتازة بكل المقاييس بس الامبريزا اللي بتتكلمو عنها في الدريفتينج و السباقات و الحاجات دي مش الامبريزا اللي عندنا في مصر ، دي اسمها impreza WRX ودي معدله للأداء الرياضي زي ال R-type في الهوندا سيفيك و البوب الكبير بتاعهم ال Evo في الميتسوبيشي لانسر وعلفكره هي دفع رباعي برضو

اما لو هنتكلم عن الامبريزا العادية فهي نفس فئة الشارك و المازدا 3 و الالنترا والسيراتو وكل الحاجات دي وان كانت تمتاز عنهم في انها 4WD وده بيخليها اثبت في المنعطفات والملفات ....
اما بالنسبه للفرك والشد وقوة الموتور السيفيك واللانسر والسيراتو والالنترا هيطلعو منها
ده غير ان انت هتشتريها بمبلغ وقدره ولما تفكر تبيع لو حتى بعد سنه بس هتزعل أوي وممكن تشوف اسعارها مستعمل ب 50 و 60 الف ... ده غير قطع الغيار اللي مش متوفرة غير في التوكيل و باسعار مبالغ فيها

المازدا 3 احسن منها و السيفيك احسنهم