Alfa Romeo MiTo 2009

[فادى]

يا وائل باشا فيات مش بتستهبل و لا حاجة :
الشاسيه حديث و حديث جدا كمان بتاع الجراند بونتو مش البونتو القديمة, و هو شاسيه الSCCS المطور بالتعاون بين فيات و اوبل, و تم تطويره فى 2006
http://en.wikipedia.org/wiki/GM_Gamma_platform
المحرك طبعا هو حديث و هو احدث ما توصلت اليه شركات السيارات.
و العربية مش تقليد لفكرة المينى كوبر, لكن هى أقرب لمنافسة البى ام فئة 1 و مرسيدس فئة ايه, أى محاولة شركات انتاج السيارات الفارهة دخول مجال السيارات الصغيرة, و ده توجه عام بين صانعى السيارات الفارهة.
و على فكرة ال500 حققت نجاح هائل ربما يتجاوز نجاح المينى كوبر و بالتأكيد تجاوز نجاح المازدا 3 و غيرها, و هى مختلفة عنهم شكلا و مضمونا و تصميمها أرقى كثيرا, و عاملة ضجة عالمية .
و فكرة اعادة احياء الماضى ابتدت مع البيتل الجديدة, و تبعتها مينى كوبر, ثم فيات 500, و مش عيب ابدا انو شركة تنتج سيارة لمنافسة شركة اخرى.
و الوضع حاليا لو بصينا عليه, هنلاقى انو البيتلز الجديدة بقت فى غياهب النسيان, و المينى كوبر مازالت تحقق نجاحا جيدا و لكن هادىء نوعا ما, و الفيات 500 و بعد سنة تقريبا مازالت متفجرة نجاحا و تحصد الاعجاب و مبيعاتها تزداد بشكل كبير, كما أن فيات اضطرت الى زيادة انتاجها لأن قائمة الانتظار وصلت لأرقام قياسية, يعنى ال500 حققت نجاح فاق كل من البيتلز و المنيى كوبر بكثير.
و تعاون فيات مع كرايزلر , كرايزلر هى التى سعت اليه بشكل أكبر من فيات, كلاهم سيستفيد و لكن كرايزلر باعت 20% من اسهمها بدون مقابل لفيات تفتكر ليه؟ بس عشان ياخدوا تكنولوجيا فيات اللى اشاد بها اوباما ذات نفسه.
و فى النهاية فيات قادمة و بقوة, مبيعاتها تنتعش عاما بعد الأخر, سياراتها تحصد اعجاب النقاد و المستهلكين على حد سواء, جودتها أصبحت فوق الوصف بعد أن زالت سمعتها السيئة فى الستينات, و سمعت من مصريين متواجدون فى المانيا أن سيارات مثل الباندا و ال500 اسم من ذهب فى المانيا, ابتكاراتها التكنولوجية كلها ناجحة و منتشرة مثل علب التروس الذكية, و الDiesel Common Rail, و التربو ديزل, و اخيرا الMultiAir, كما انها استحوذت على كرايزلر و تستعد للاستحواذ على اوبل و فوكسهول, و دخلت السوق الأمريكى الكبير من أوسع ابوابه, لذا فانها أصبحت متواجدة بشكل قوى فى كل الأسواق الكبيرة (اوروبا, امريكا, امريكا اللاتينية), و ينقصها فقط تدعيم مركزها فى السوق الصينية.
ببساطة هى اكثر الشركات التى استفادت من الازمة الاقتصادية الأخيرة.

و بعدين يا وائل باشا دى الفاروميو, الناس بتشتريها عشان بتحبها, حاجة كده زى ما تفضل تتجوز الفاروميو الدلوعة الجميلة الجذابة عن المرسيدس اللى فيها كل الميزات و لهلوبة فى المطبخ و الغسيل و هتريحك و تبقى تحت رجليك و مش هتشتكى ابدا, بس قلبك ميال للألفاروميو رغم انو ممكن مهرها يكون غالى, و ملهاش فى الطبيخ و لا الغسيل, و طلباتها كتير, بس القلب و ما يريد,
علما بقى ان الفاروميو النهاردة بقت برضو لهلوبة فى المطبخ و الغسيل و اشطر من مرسيدس و بى ام, و قلية الشكوى عن زمان!
حد فهم حاجة ptmnlo123per1127

[AbOnOrA]

حبيبى يا فادى انا بس بحب انكشك ptmnlo123per157

يا هندسة لا فيات 500 ولا mito لسه دخلو السوق الامريكية ومش متوقع دخولهم الا على 2010

المينى رغم انها مش مشهورة او معروفة اوى للامريكان باعت السنة اللى فاتت 52 الف عربية
ptmnlo123per181

ولسه قدامها عقبات كبيرة لانتزاع حصة معقولة من السوق فى ظل الازمة الاقتصادية وفروق العملات

يمكن لو نقلو تصنيع الموديلات ديه لمصانع كريسلر فى امريكا هتقرب المسافات بس حتى الان فيات مش موجودة على خريطة السوق الامريكية

اما بالنسبة للالمان فهما من زمان بيحبو اى حاجة ايطالى وبعدين ديه ناس شبعانة فولكس واودى وبى ام لما بيحبوا يغيرو بيركبو ايطالى

موديلات فيات الجديدة فى مصر صعب حد يقول انها حققت نجاح فعلى فى مصر

والموديلات الاقتصادية زى البونتو الكلاسيك والينيا التركى مبيعاتهم اقل من العربيات الصينى حتى
ptmnlo123per16

يا مسهل يا فادى يمكن تكون كريسلر وشها حلو على فيات محدش عارف بس لحد دلوقتى لسه فيات بتصارع من اجل العودة لمجدها المسلوب على يد الصناعة الانجلو اسيوية
ptmnlo123per1118

[mtema99]

احب اقول حاجه و يمكن الاستاذ فادي يوافقني عليها و انا قريتها قبل كده

بسبب

جراند بونتو - مي تو - برافو - دلتا

اشترت فيات كريسلر و ستشتري بعت كريسلر إن شاء الله اوبل و جنرال موتورز اوروبا (ساب/فوكسهول)

القياده واحده فالاربع و يتشاركون في نفس الشاسيه والاحساس الذي ستخرج به بعد قيادتهم هو

لا لفولكسفاجن جروب

و لكن يعيبهم كثره عيوب صناعتهم كفولكسفاجن

[فادى]

المشاركة الأصلية كتبت بواسطة mtema99 احب اقول حاجه و يمكن الاستاذ فادي يوافقني عليها و انا قريتها قبل كده بسبب جراند بونتو - مي تو - برافو - دلتا اشترت فيات كريسلر و ستشتري بعت كريسلر إن شاء الله اوبل و جنرال موتورز اوروبا (ساب/فوكسهول) القياده واحده فالاربع و يتشاركون في نفس الشاسيه والاحساس الذي ستخرج به بعد قيادتهم هو لا لفولكسفاجن جروب و لكن يعيبهم كثره عيوب صناعتهم كفولكسفاجن

بالفعل, شاسيه الجراند بونتو و الميتو هو نفسه شاسيه الأوبل كورسا, و هو مطور بالتعاون بين جنرال موتورز و فيات, كما أن محركات الأوبل كورسا الديزل كلها من فيات,
و كذلك الكروما, هى شاسيه الفكترا.
لكن البرافو فقط تقوم على شاسيه C-platform الخاص بفيات.
أعتقد ان فيات تنتهج سياسة تجارية صحيحة, و هى لعبة بلدى بتتلعب فى السوق من زمان, لما السوق يكون حالة واقف, اشترى على قد ما تقدر بالرخيص, و لما السوق يقوم تانى, هتبقى تلقائيا كبير السوق.
مارشيونى يؤمن بشدة أن السوق لن يحتمل اكثر من 6 صانعين كبار, و أعتقد ان وجهة نظره صائبة الى حد بعيد, لذا فان فيات يجب أن تكبر, و أن تقتحم أسواق جديدة و بسرعة, حتى تضمن مكانا لها وسط هؤلاء ال6.
لذا كان شراء كرايزلر ضروريا للولوج بسرعة الى السوق الأمريكى و بأقل التكاليف الممكنة, و توفير اماكن لتصنيع و بيع و صيانة سيارات فيات و الفاروميو, كما كان شراء اوبل لتقليل تكاليف صناعة السيارات عبر تشارك المكونات بين اوبل/فوكسهول/ساب و فيات, و هو ما كان قائما, و هو طبعا يريد المحافظة عليه و يزيد منه.
فلم يعد من الممكن فى هذا العصر أن تصمم و تنتج قاعدة عجلات لتستخدم فى سيارة واحدة أو اثنتين, فلن تستطيع أن تعوض مصاريف الانتاج و التصميم, و اذا تماديت فى استخدام نفس المكون لفترة كبيرة, فلن يكون هناك فرصة للتطوير السريع, و سوف تفقد حصتك فى السوق.