خايفة اوى من السواقة

[jojojojojo]

ده شيء طبيعي يا مدام اذ كان اللي بيعرفوا يسوقوا من سنين بيخبطوا العربيه وبيعملوا حوادث كبيره كمان اهم حاجه عدم الخوف عشان لو حضرتك خوفت وانتي بتسوقي هتوتري ومش هتعرفي تسوقي اهم حاجه خدي حذرك وتوكلي علي الله ونصائح الزملاء الاعضاء مهمه جدا

[Eng/salwa]

المشاركة الأصلية كتبت بواسطة mohamed200 وعليكم السلام ورحمة الله وبركاته ولا يهمك ده شئ طبيعي لي اى حد لسه بيتعلم السواقه حاولي تمشي كتير بيها فى اوقات ميكنش فيها زحمة او عربيات فى الشارع لحد ما تكتسبي الثقة فى نفسك وابدئي امشي واحده واحده وسط العربيات

السلام عليكم و رحمة الله و بركاته
لا تقلقى عزيزتى ده شئ طبيعى وكلام الاخ صحيح
لا تتوترى
مبروك عليكى اعطاكى الله خيرها يارب و كفاكى شرها
كلنا كنا كده فى اول السواقة
وفقك الله

[طارق عبد السلام]

الموضوع طبيعى جدا عند الجميع فى البدايه
ممكن الاول تنزلى بالعربيه فى فتره متأخره من الليل علشان يكون الطريق فاضى وتتعودى على الطريق ويكون معك أى حد بيعرف يسوق ودائما فى أولوياتك الاحتفاظ بالهدوء اثناء القياده وعدم التوتر للمحافظه على تركيزك "يعنى محدش يستفزك بأنوار ولا بكلاكسات"
والموضوع بضع ايام وبعد كده هتدى تدروس فى القياده ربنا يبارك لك ويحفظك

[chevy_lumina]

و عليكم السلام
اهم حاجة تدربي على السواقة لوحدك
عشان تكسبي ثقة بنفسك السواقة يعني تمسك اعصابك
و متتوترش طالما انت ماشي في حارتك و ملكيش دعوة بالميكروباصات
الي بتزمر و تزعق
الي مش عاجبة يحول من حارتك لحارة تانية

[mar mar]

احسن حاجه انك تجمدي قلبك خلي حد جانبك اي حد شغلي الكاسيت علشان ماتركزيش مع الناس اللي هتزمر او تشتم او تعمل اي حاجه
اظبطي مرياتك صح
خليكي هاديه امشي علي مهلك مش لازم تزودي السرعه علي اليمين
مالكيش دعوه باي مكروباص لو زنق عليكي خليه يعدي بلاش ترخمي عليه
ابعدي عن التكسيات
لما تقفي في زحمه خلي بينك وبين العربيه اللي قدامك مسافه كافيه لغلاطاتك
لو فصلت منك مترتبكيش خدي نفس وبكل هدوء حولي توليعيها تاني
لو مين قرفك بالكالكس قوليلوا بس يا واد وسوقي

نصايحي ليكي
الشارع انتي بتتفادي اخطاء الاخرين يعني اعتبري الناس كلها مش بتعرف تسوق
متتاثريش بكلام اقعدوا في بيتكم ومش عارفه ايه
خليكي بررده اوي واتصرفي ببرود
من الاخر كده جمدي قلبك