رابطه ملاك و محبين الرينو الداستر

[thassan]

يا ريت اللى إشترى الرينو دستر الكاملة 4x4 و جربها يقول لى عن تجربته ( عيوب و مميزات) لأنى ناوى أشترى واحدة.
و شكرا لأعضاء المنتدى الكرام

[tamerfathy82]

بجد يا جماعى العربية دى عجبانى اوى وعايز اجيبها 2*4 بس انا قلقان من حتجة مهمة اوى ان العربية مش منتشرة خالص مع ان انا شايف ان سعرها جامد جدا بس مش منتشرة مع ان هى نازلة من 2010 ودى بجد حاجة قلقانى فى حاجة كمان انا عمرى ما كان معايا عربية رينو كنت عايز اعرف ايه نظام التوكيل يعنى كويسين ومحترمين ولا لآ وهل قطع الغيار متوفرة ودى برضو مهمة حد يا جماعة يطمنى علشان عايز احجزها بس متردد جدا وشكرا

[ابو هيما]

المشاركة الأصلية كتبت بواسطة tamerfathy82 بجد يا جماعى العربية دى عجبانى اوى وعايز اجيبها 2*4 بس انا قلقان من حتجة مهمة اوى ان العربية مش منتشرة خالص مع ان انا شايف ان سعرها جامد جدا بس مش منتشرة مع ان هى نازلة من 2010 ودى بجد حاجة قلقانى فى حاجة كمان انا عمرى ما كان معايا عربية رينو كنت عايز اعرف ايه نظام التوكيل يعنى كويسين ومحترمين ولا لآ وهل قطع الغيار متوفرة ودى برضو مهمة حد يا جماعة يطمنى علشان عايز احجزها بس متردد جدا وشكرا

أتكل على الله وهاتها ومش هاتندم خالص , العربية دى عاملة أنقلأب فى أوربا بس نصيحة هات الكاملة اللى يعنى هى بيسموها دفع رباعى ودى سعرها 134 ألف من عند الطارق ومن التوكيل بتبقى ب 135.500 دى صفقة رابحة أن شاء الله وأكيد اللى جابوها هنا يقدروا يفيدوك أكتر منى .
ولو مش مصدقنى أدخل على موقع يوتيوبwww.youtube.com وأكتب كلمةDacia Duster off road ومبروك مقدما

ً

[tamerfathy82]

المشاركة الأصلية كتبت بواسطة ابو هيما أتكل على الله وهاتها ومش هاتندم خالص , العربية دى عاملة أنقلأب فى أوربا بس نصيحة هات الكاملة اللى يعنى هى بيسموها دفع رباعى ودى سعرها 134 ألف من عند الطارق ومن التوكيل بتبقى ب 135.500 دى صفقة رابحة أن شاء الله وأكيد اللى جابوها هنا يقدروا يفيدوك أكتر منى . ولو مش مصدقنى أدخل على موقع يوتيوبwww.youtube.com وأكتب كلمةDacia Duster off road ومبروك مقدما ً

الف شكر وربنا يطمنك بارك الله فيك

[beeronasr]

العربية دى بالذات فبها ما يسمى: value for money يعنى حلال الفلوس اللى بتدفع فيها و خاصة انها بسعر حلو جدا على الامكانيات اللى فيها اللى تخلى اقرب منافسيها اغلى بحسبة 30 الف (انا بتكلم على ال 4x4 ).
الاستاذ تامر: عذرا - انا لسة شايف رسالتك على الخاص النهاردة - احب اطمنك ان العربية جميلة ما شاء اللة و سحبها كويس جدا على حجمها و حتى لو محمل جامد او فاتح تكييف السحب مش بيتأثر - كمان اتزانها عالى و جامد فى السفر و دى أهم ميزة كانت مخوفانى لانى بأسافر كتير.
موضوع الانتشار دة انا أختلف مع حضرتك فية - لان العربية نزلت مصر اواخر 2010 ثم قامت الثورة اول 2011 و دة كان وقت صعب لمبيعات اى عربية - و بعدين العربية عليها قوائم انتظار عالية و مافيش عربية داستر بتدخل مصر و تستنى فى المعرض - بتتخطف وقتى لانها بتكون محجوزة مسبقا سواء من التوكيل او المعارض المتخصصة و دة يبرر انك ما تلاقيش داستر معروضة فى اى معرض.