|
#31
01-09-2010, 04:37 AM
|
|||
|
|||
رد: أساسيات القيادة الرياضية .
لو سمحت عايز اعرف هو النقل الصحيح بيفرق من مانيوال لماتيك ؟
وكمان عايز اعرف ايه هو النقل الصحيح بالنسبه للنيو كيا سيراتو الماتيك (الاولانى انقل على كام والتانى والتالت وهكذا) مع العلم انى فى الشد ببقى ماشى بالمانيوال بتاع الاستيبات وياريت بالصور لو سمحت 
|
|
#32
01-09-2010, 10:27 AM
|
||||
|
||||
|
رد: أساسيات القيادة الرياضية .
الماتيك عامة بينقل أسرع من المانيوال, لأنه معتمد على الكهرباء فى تغيير النقلات مش الميكانيكا زى الفتيس المانيوال, مشكلته أنه فيه torque converter اللى هو قربة الفتيس, ودى على عكس ديسك وأسطوانة المانيوال بتعمل فقد بسيط فى الطاقة بتاعة على الموتور, وهى سبب من أسباب بطء الأوتوماتيك فى التجميع عن المانيوال.
الموتور ال 1600 سى سى بتاع الكيا بيطلع أقصى عزم ليه عند 4200 لفة وأقصى هورس باور عند 6300 لفة, يعنى حضرتك تنقل الأول عند 4200 وكل نقلة ترفع عدد اللفات شوية لغاية ماتنقل النقلة الأخيرة عند 6300, لأنك فى بداية المشى بتحتاج عزم كبير, لكن بعد كده بتحتاج هورس باور زيادة وعلشان كده بترفع عدد اللفات تدريجيا كل نقلة. منحنى العزم والهورس باور للموتور:-  لاحظ أزاى منحنى العزم بيوصل لأعلى نقطة وبعد كده ينخفض, علشان كده فى السباقات قبل الأنطلاق مبيخلوش الموتور يفصل وخلاص, بيخلو عدد اللفات عند عدد معين اللى عنده أقصى عزم (فى حالتك 4200) علشان يعمل perfect launch زى الدراج ريس فى نيد فور سبيد مثلا لو كنت حضرتك لعبتها. ولو حضرتك عندك أستفسار تانى أنا موجود.
__________________
|
|
#33
02-09-2010, 12:58 AM
|
||||
|
||||
|
رد: أساسيات القيادة الرياضية .
موضوع اكثر من رائع بجد تسلم ايدك
__________________
|
|
#34
02-09-2010, 08:14 PM
|
|||
|
|||
رد: أساسيات القيادة الرياضية .
انا متشكر جدا لرد حضرتك عليا ولافادتك ليا بس معلش انا مش عارف اجيب 4200 دى ازاى اكيد مش هاعرف اجيبها بالظبط
فانا جبت لحضرتك صوره العدادات اهى ممكن حضرتك تاخد الصور وتعلملى فين 4200 وحاجه كمان حضرتك قولت تنقل الاول على 4200 وكل نقلة ترفع عدد اللفات شوية لغاية ماتنقل النقلة الأخيرة عند 6300 ده معناه ان الاول 4200 التانى 5200 التالت 6200؟؟؟؟؟؟؟؟؟؟؟؟ طب فين الرابع وانا عندى بينقل على 6 بالظبط مابيعديهاش ازاى 6300 اكون شاكر لحضرتك لو حددتهالى بالظبط على الصوره  وكنت عايز اخد راى حضرتك فى حاجه لو حضرتك ليك فى التعديلات على الموتور . ياريت حضرتك تقولى اعلى الهورس باور بتاعها ازاى من غير تعديلات خرافيه زى التيربو مثلا والحجات دى انا عايز ارفها 30 حصان على الاقل فياريت حضرتك تفيدنى لو عندك معلومات وشكرا
|
|
#35
02-09-2010, 09:13 PM
|
||||
|
||||
|
رد: أساسيات القيادة الرياضية .
الموضوع مش صعب ودقيق للدرجة دى, حضرتك بتحاول تنقل عند أقصى نقطة بيطلع عندها العزم أو القوة, علشان تستفيد من أقصى تسارع للعربية, ويفضل النقل بعد النقطة المذكورة مثلا4500 لفة.
يعنى أنا ممكن أنقل عند 2000 الى التالت, وممكن أنقل عند 5000, فى الحالة الأولى العربية هتاخد وقت طويل على ما لموتور يجمع عدد لفات, ووقت أطول علشان تسحب وهتبقى عاملة زى البطة لأن الموتور موصلش لعدد لفات مناسب يطلع عنده قدرته (أنظر منحنى العزم والقوة والفرق بين النقطة 2000 و 5000 مثلا), وعلشان كده يفضل النقل عند عدد اللفات المناسب للنقلة اللى هتروحلها, والنقلات العالية زى الرابع والخامس بتحتاج هورس باور, علشان كده قلت مع كل نقلة زود عن 4300 شوية, لأن منحنى الهورس باور أعلى نقطة ليه 6200. وزى ماقلت الموضوع مش كبير للدرجة دى, وعند حضرتك المنحنى بتاع العزم والقوة للموتور, والفرق بين المشى العادى والنقل ده, أن فى المشى العادى بتبقى ماشى براحتك ومش فارق معاك السحب والشد وبتنقل على 3000, أما الجرى بتحتاج تجمع فيه بسرعة عن طريق رفع عدد اللفات للحصول على أعلى عزم وهورس باور الموتور بيقدمه. أما موضوع التعديلات, اللى أنصح بيه هو فلتر هواء k&n مخروطى, وده هيزود السحب وهيخلى الموتور يتنفس أحسن وتمنه بيبدأ من400 بس تمنه فيه وبيدى صوت العربية رياضى وبيحسن من أدائها,وبوجيهات 2 أو 3 شمعة سواء أسبليت فاير أو ngk, مع سلوك بوجيهات سبليت فاير لتقوية الشرارة, والبوجيهات الأربعة هيكونوا فى حدود 100, والسلوك فى حدود 350, والفلتر أحسن منهم كقيمة فى مقابل الأداء. وممكن تركب شكمان كامل أوسع من الموجود, بس منصحش بكده لأنك مش هتحتاجه فى حاجة والعربية لسه جديدة (ربنا يباركلك فيها). وفيه تعديلات تانية فى الموتور نفسه زى كامات رياضية, أو ترس كامة adjustable وكتير تانى, بس ديه حاجات متقدمة شوية (بس موجودة فى الحرفيين وعند المتخصصين). بس الفلتر والبوجيهات والسلوك تعديلات أساسية, وهتحس بالفرق فى سحب الموتور, وقسم تعديلات الأداء فيه مواضيع كتير هتفيد حضرتك. ولو حضرتك ناوى تشترى, دول جروبين لمحلين أكسسوارات وأضافات, شوف الصور والعنوان منهم. جروب أنزو لأكسسوارات السيارات على الفيس http://www.facebook.com/group.php?gid=7862269562 والتانى جو go وده زى أنزو ونفس الحكاية أتفرج على الصور وخد العنوان من الجروب وأدى الجروب http://www.facebook.com/pages/Cairo-Egypt/GO-for-car-accessories/248198282760 وأنا موجود لأى أستفسار أخر.
__________________
|
 |
|
|
.
