مشط اسبراتير كيـــا بـــرايــــد

[mr.fooz]

السلام عليكم ورحمة الله وبركاتة

اولا : اول موضوع ليا فى هذا المنتدى العريق
انا عندى كيا برايد سيدان 1999 وبسم الله ما شاء الله سيارة جميلة مبتقولش معايا لا وبالذات عفشتها رائعة وانا بعتز بيها جدا ولاكن انا عندى مشكلة ياريت حد يساعدنى فيها انا اشتريت العربية مستعملة من 3 سنوات وكل الى بعملو فيها الصيانة الدورية بتاعتها بوجيهات وتغيير زيت تربيط عفشة وهكذا لاكن المشكلة عندى فى مشط الاسبراتير ( الابلتين )من ساعت ما اشتريتها كل شهرين او اكثر المشط يتحرق جبت مشط جديد صينى اتحرق بردو روحت جبت مشط استيراد من الحرفيين كلفنى 300 جنية بردة اتحرق على طول وقطع خالص جبت مشط كورى لاكن مش اصلى ب 220 جنية جديد بردو قطع بعد شهر ونص اول ما اشيل رجلى من على دواسة البنزين تبطل وبعدين جبت كذا واحد صينى منو رخيص ومنو بيعد نفس الوقت لغايط ما جبت واحد صينى طلع بايظ وهوة جديد روحت التوفيقية جبت واحد جديد شبة الاصلى امبارح ب180 جنية ودى اخر محاولة وزهقت انا عايز حد يقولى حل كويس عايز مشط اصلى كويس وجيت اغير الاسبراتير كلو قالولى سليم مفهوش حاجة انا عايز اعرف الحل لو حد عندو نفس المشكلة يقولى اجيب مشط كويس منين يعيش معايا ولكم جزيل الشكر وارجو الرد

[AbOnOrA]

مشكلة العربيات الاقتصاديه والمنتشره زى البرايد والانوس والاكسنت والشاهين والفيات القديم ان ساعات قطع الغيار بتبقى منتشره وليها كذا بديل ورخيصه بس فى نفس الوقت مش بجودة كافيه لان السوق بيبقى اتفتح والتجار بتحاول تجيب ارخص حاجة وخلاص

فانت مهم تعمل حاجتين
اول حاجة تتاكد ان الكهرباء عموماً مظبوطه وان مفيش سبب بيخلى المشط يتحرق منك بسرعه فلازم تراجع على الضفيره واى سلوك فرعيه والفيش والدينامو والموبينه وكله كله واعتبرها صيانه وتجديد شامل للكهرباء وده مش كتير على عربيه عمرها 11 سنه ولو حتى اضريت تغير اكتر من جزء هيبقى اوفر اريح من انك تغير كذا حاجة على فترات وزى ما بيقولو تفتح بقها

الحاجة التانيه تروح للجندى اللى ف شارع دمشق ده تاجر محترم وامين وبيقولك على البدائل اللى عنده سواء اصليه او من مكان تانى وبيقولك كويسه ولا لاء ولو فيه كويس موجود بس هو مبينزلهوش علشان الزباين عايزة الرخيص بيجبلك هو الاصلى بالطلب

[mr.fooz]

شكرا جزيلا اخ نور والى الامام

[remomeme]

مرسي ليك علي المعلومات دي ptmnlo123per122

[mr.fooz]

الحمد لله المشط ماشى معايا كويس جدا والحمد لله ربنا يبارك فية ان شاء الله