الحقووووونى نسيت السواقة

[SUPER MARIO]

وفقكى الله واحدة واحدة هتيجى و بلاش اللى يعلمك يزعق عشان متتوتريش اكتر

[brbie]

بصي حبيبتي طبعا انا معنديش خبره اقدر اقولها ليكي.بس عن حاجات مريت بيها.اولا وانتي بتتعلمي خلي عندك ثقه انك في حمايه الله وانك مهما هتغلطي او اخدتي وقت في التعلم برضو هتتعلمي لان انتي عندك ثقه في الله. وخلي دائما مخك يرتب الخطوات قبل ما تبدائي تسوقي وثقي بالله ثم نفسك.ولو حد زعقلك وانتي بتتمرني ولا تحطي في بالك.ربنا معاكي وابقي طمئنينا عملتي ايه

[nktis]

وخلي دائما مخك يرتب الخطوات قبل ما تبدائي تسوقي

اهم نقطه , تهدأي خالص و تسمي الله و تاخدي نفس عميق و براحه متستعجليش تدوسي دبرياج و تشوفي العربيه مموره و لا واخده غيار و لو واخده غيار تموريها , و تدوري العربيه و ترفعي رجلك من علي الدبرياج و سيبيها دقيقه كدا تسخن و تكوني رتبتي خطواتك اللي جايه .؟.
تنزلي فرامل اليد مع تونيسه فرامل الرجل لان العربيه ممكن تكون راكنه في منطقه مش معتدله و تمشي منك و دوسي دبرياج و ارفعي رجلك من علي الفرامل و دوسي براحه بنزين و سنه بسنه و دي اكتر خطوه كل اللي بيتعلموا جديد و انا كنت واحد منهم ترفعي رجلك من علي الدبرياج .
مشيت العربيه ودنك مع صوت الماتور و تغيري بنفس الطريقه اللي فاتت بس اسهل من الغيار الاولاني لان العربيه مش هتنط و تبطل منك زي مع الاولاني و بالتوفيق ان شاء الله .

[Eng/salwa]

السلام عليكم
لا داعى للندم لانك اشتريتى خلاص
قدر الله وما شاء فعل
ربنا ييسر لكى يارب
ويعطيكى خيرها ويكفيكى شرها
ولا داعى للتوتر كلنا كنا كده فى بداية التعلم
ربنا يوفقك

[محمد بن مدني]

عشان العربية متبطلش منك اعرف دواسة الدبرياج بتفصل فين بالضبط
ومفيش مشكلة لو حملتي بنزين زيادة لغاية متعرفي توفقي الاتنين مع بعض
ومتركبيش حد جمبك يزعقلك خدي حد من سنك وميتكلمش خالص
و128 حلوة انا شايف انها مناسبه
لازم تركبي مريات للعربية مضبوطة جدا وفرامل كويسة وفرامل اليد كمان
وانتظار وانوار
وسيبك من الكسوة والكاسيت متشغليش كاسيت خالص عشان تركزي
بس اهم حاجة متجريش بالعربية
وحكاية التبيطيل لان والدك وترك وانتي اتعصبتي