السادة ملاك اسبرانزا الكرام .. الإجابة عن إستفساراتكم الفنية

[drmoag]

البشمهندس متحملش الله يكون فى عونه العيوب كتير اوى الله يكرمه حاول بس التيار عالى اوى انا صراحة عند زوجتى A113 بس الحمدلله كويسة حتى الان 3000 كيلو بصراحة مش عارف كل الناس دى عمالة تقول عيوب بصراحة غريبة اوى الواحد مش عارف انا راكب لانوس و كنت هغير تيجو بس شكلى هجيب فرنا حتى دنتوا عقدتونا من اسبرانزا رغم الشهادة لله والله السيارة ممتازة معانا و مفيهاش مشاكل غير تربيط العفشة و اتعملت فى صيانة الالف غير كده ممتازة

[حازم شاهين]

مهو ما بيتكلمش غير إللى عنده مشاكل
لكن إللى معاه العربية و كويسة
مش هيدخل كل شوية و يقول أنا النهاردة رحت الشغل و رجعت و العربية كانت كويسة
علشان كده المشاكل هى إللى بتبان أكتر

[monytork]

المشاركة الأصلية كتبت بواسطة TAREK ABU E-NEEL باشمهندس / أيمن. تحية خاصة و بعد. أمتلك أسبيرانزا 516 لاحظت مؤخرا صدور صوت مرتفع لمدة 5 ثواني من طلمبة البنزين بعد تشغيل السيارة فماذا أفعل وشكرا.

دة هيبقى مبخر البنزين مش الطرمبة

[ابو يحي]

باشمهندس/ انا استخرت ربنا وناوي اشتري a113
1-ياريت بجد تقوللي العربيه دي ممكن تعيش لمده طويله مع الاستعمال النضيف ولا عيوب الصناعه هتظهر بعد شويه
2- ليه مش كل العربيات فيها اير باج ولو عايز واحده باير باج اجيبها منين
3 عايز نصيحه لاخوك المهندس لوجه الله بخصوص العربيه دي لاني هدفع فيها التحويشه

[aelmostafa76]

السلام عليكم يا بشمهندس ايمن
انا رحت فرست كار و عملت هناك فحص لعربيتي 113 علشان صوت الشكمان العالي
و قالولي أن العلبة الوسط عايزة تتغير و كمان قالولي ان المساعدين الأماميين عايزين تغيير تبع الضمان طبعا و لكن قالوا أن مافيش مساعدين اماميين موجودين حاليا و واضح ان الموضوع ده من فترة طويلة لأن لقيت هناك واحد بقاله 6 شهور المفروض يغيرولوا المساعدين لكن مافيييييش.
و انا مش عارف ايه اللي المفروض يتعمل و هل ممكن اروح اغير الحاجات دي في ابو رواش لأن مهندس الضمان اغلب الوقت مش بيكون موجود في فرست كار.
و شكرا