السادة ملاك اسبرانزا الكرام .. الإجابة عن إستفساراتكم الفنية

[aelmostafa76]

يا باشمهندس ايمن انا من ملاك الأسبيرانزا A113 و عندي بعض المشاكل و ياريت حضرتك تدلني عالحلول و لو تعرف تساعدني فيها عند التوكيل اكون شاكر جدا. و هي كالتالي:

1. صوت الموتور ارتفع كتير عن الأول مع اني مواظب على الصيانات الدورية و تغيير الزيت.
2. الشكمان صوته اصبح مرتفع جدا و يبدو أنه اتخرم.
3. عندي عضة في الفتيس مع النقلة الثالثة و المارشدير.
4. الفرامل ضعيفة شوية و الهاند بريك كمان محتج يمسك احسن من كدا لأنه عالمنحدرات بيكون ضعيف.
5. فيه صوت عالي مع الباور لو انا بلف الدريكسيون و انا واقف و كمان بتكون الطارة ثقيلة نسبيا.
6. فيه تزييق من تحت العربية لما باجي اركبها خصوصا لو واقفة على ارض غير منتظمة.
7. عندي مشكلة في النور و هي ان بقعة الضوء امام السيارة بتكون غير منتظمة مع الضوء القوي القريب و كأن فيه لمبة اتجاهها اعلى من التانية و لما قلتلهم في التوكيل دفعوني عشرين جنيه ضبط انوار مع اني في الضمان و قالولي انهم صلحوها و لما مشيت طبعا بعد ما دفعت لقيتهم معملوش حاجة _ منهم لله _ و ده كان في ابو رواش.
8. عندي رعشة في السيارة عند تدوير الموتور و بتبان أوي في الدركسيون و كمان نفس الرعشة بتحصل و انا عالسرعة الثانية و بادوس بنزين بعد ما أكون ماشي على مهلي أوي.

ارجو يا هندسة الرد عليا رد توضيحي مع ارشادي للحلول و اسداء النصيحة.
و شكرا ليك على اهتمامك بنا.

[aelmostafa76]

معلش يا بشمهندس فيه حاجه نسيت اذكرها
التوكيل غيرلي البوجيهات و فلتر البنزين عند 15000 كيلو و عرفت بعد كدا انه بيكون المفروض عند 20000 كيلو فإيه رأي سعدتك في الموضوع ده.
و شكرا

[sheekoo]

اية يا جماعة ال بسمعوة دة كل دى مشاكل مع عربيات جديدة مفروض ان محدش يشتكى منها خالص الا بعد 5 سنيين على الاقل انا شايف انكم تبيعوها وتجيبوة حاجة مستعملة(0ماركة لها اسم) وخسارة قريبة ولا مكسب بعيد اناوالله لو حصل معايا كده حبعها فورا لانى متخيل حجم النكد والهم ال مسبباة هذة السيارة لاصحابها وفى النهاية قدر الله وما شاء فعل

[emad7759]

معلشى ياباشمهندس هتعبك معيا

انا عندى العربيه وهى الام11 كلت كوتش الخلفى من الداخل

ايه السبب فى اكل الكاوتش من الداخل والكوتش ده الى حصل فيه تاكل ده هيدغير على حسابى ولا على حساب التوكيل

وياتر العيب ده ليه تصليح ولا لاء وشكرا ليك على الردود الصريحه والجميله

ولله لك منى كل تقدير واحترام

[fineart607]

انا بقى ماكينة الزجاج الكهربائى بخ بخ بخ
بس بصدق الحمد لله تكنو سيرفس جسر السويس 2 عالم زبالة قالوا اسبوع ومحدش اتصل ولا هيتصلوا
حسبنا الله ونعم الوكيل
فى توكيل امداد صلاح سالم محترم والتزم واتصلوا وغيروها


انا نفسى العربيه دى مش يظهر حاجه تانى فيها حسبنا الله ونعم الوكيل فى كل مهمل وكاذب ولا يتقن عمله
انا السبب اننا اشتريناها يا رب سامحنى