سؤال عن الفوجات والفانوس الخلفي والمرايا للفانتازيا , ارجو الرد

[egypac]

الفوجات بتاع الفانتازيا فيه لمبتين , ازاي اخلي الاتنين يشتغلوا , مع ان العربية بتكون دايرة وكل الفوانيس شغالة , يعني بكون لافف البكرة عالاخر ومطلعها برة الدرجتين ؟؟
يا ريت اعرف دي من ال setup ولا ليها طريقة تانية ..
, وبردو لما بزود اضائة الفانوسين اللي ورا , الفانوس الخلفي شمال بيكون منور زيادة عن اليمين , الا لو دوست فرامل الاتنين ينورو اد بعض ..
اما بالنسبة للمرايا ,اليمين بتتظبط عادي , اما الشمال لما باجي اظبطها اليمين بتتحرك معاها , مع اني مظبط الكومبيوتر بتاع العربية , يعني بفتح ال setup بظبطها indiviual mirror .... , ياريت خبراء الفانتازيا يردو عليا ..

[hhhesham]

الفانس الشمال وره ده بيبقى فيه شبوره علشان السفر ممكن تكون مشغله

[egypac]

مش فاهم رد حضرتك , يا ريت توضح

[ashraf.hamed2000]

مفتاح النور فيه تكتين للخارج الاولى الشبوره الاماميه والثانيه للشبوره الخلفيه

[abdullahalbadry]

المشاركة الأصلية كتبت بواسطة egypac الفوجات بتاع الفانتازيا فيه لمبتين , ازاي اخلي الاتنين يشتغلوا , مع ان العربية بتكون دايرة وكل الفوانيس شغالة , يعني بكون لافف البكرة عالاخر ومطلعها برة الدرجتين ؟؟ يا ريت اعرف دي من ال setup ولا ليها طريقة تانية .. , وبردو لما بزود اضائة الفانوسين اللي ورا , الفانوس الخلفي شمال بيكون منور زيادة عن اليمين , الا لو دوست فرامل الاتنين ينورو اد بعض .. اما بالنسبة للمرايا ,اليمين بتتظبط عادي , اما الشمال لما باجي اظبطها اليمين بتتحرك معاها , مع اني مظبط الكومبيوتر بتاع العربية , يعني بفتح ال setup بظبطها indiviual mirror .... , ياريت خبراء الفانتازيا يردو عليا ..

بص يا باشا
بالنسبه للسؤال الأول اللمبتين اللى فى الفوجات الإثنين اللى جوه بس همه اللى بيشتغلوا فقط ، أما الإثنين التنيين فبيشتغلوا فى أوروبا فقط ، يعني بيتظبطوا على أجواء أوروبا ، عشان الدنيا هناك ثلج وضباب ، وبالتالي أول ما بتفتح أو بتقفل العربيه عن طريق الريموت بينورو ، زي المرسيدس وممكن تظبطهم أو تشغل الخاصيه دي فى الوكيل أو مراكز الصيانه عن طريق الكمبيوتر اللى بيتوصل بالعربيه .
السؤال الثاني بالنسبه للفوانيس اللي وره هي لازم يكون الشمال أقوي من اليمن ، لما بتشغل نور الشبوره ، يعنى لما بتسحب المفتاح بتاع النور للأخر ، بينور نور الشبوره الأحمر اللي وره وبيكون فى الشمال فقط ، عشان يدل اللى وراك إنك ماشي على الشمال فى الشبوره ، بس فى ناس بتروح للكهربائي وتشغل اليمين كمان (غتاته وشغل فلاحين ، نظام أعمل فرح وأنا ماشى وأعمي وأغتت على اللى ورايا حتي وإن كان مفيش شبوره)
السؤال الثالث بالنسبه للمرايه ، هو النظام الأوروبي كده يعني الشمال بتتظبط مع اليمن ، وبالتالى من الأفضل تظبط الشمال الأول ، وما تبصش لليمن ، وبعدين تظبط اليمن بعد كده ، يعنى تظبط الشمال اللأول حتي لو اليمين خرفت ، وبعدين تدور مفتاح المرايه لليمن وتظبطها لوحدها .
أرجوا أن أكون أفدتك ، وربنا يديك خيرها ويكفيك شرها ويبارك لك فيها