اى معلومات عن اسكودا فابيا 2001 ضرورى لو سمحتم

[atgps]

المشاركة الأصلية كتبت بواسطة محمد زغلول وبعدين ليا سؤال ممكن امون العربيه بنزين 80 ولا لا والعربيه دى واسعه من جوه ولا وهل صاج العربيه دى زى الاوبل كده

أنا حأكلمك على الفابيا بموتور 1400 وهى هى الـ 1000 أو الـ 1200 مع اختلاف الموتور
البنزين 92 فقط ولاتعمل ببنزين 80 بالطبع
السيارة واسعة من جوه ويمكن لآى شخص طويل الجلوس براحة تامة.
واذا كانت سيدان فالشنطة كبيرة جدا ولا تقارن بأى شنطة فى فئتها.
الصاج بتاعها مثل أى سيارة ألمانى
الثبات فى السرعات العالية سواء فى طريق مستقيم أو ملفات
قطع الغيار هى نفسها قطع غيار البولو والابيزا وبعض الموديلات الآخرى من فولكس فاجن.

[محمد زغلول]

الف شكر ليك اخى الغالى بجد كنت مستنى الاجابه دى لانى بقارن بينها وبين الرينو كليو لانى بحب السيارات الاوربى
وكمان قريبن من بعض فى السعر
بس موضوع بنزين 92 مكلف قوى ودى اهم نقطه
بعد ما طبعا حضرتك قولت ان الفابيا واسعه من جوه يعنى الكنبه اللى ورا وسعه

[atgps]

المشاركة الأصلية كتبت بواسطة محمد زغلول الف شكر ليك اخى الغالى بجد كنت مستنى الاجابه دى لانى بقارن بينها وبين الرينو كليو لانى بحب السيارات الاوربى وكمان قريبن من بعض فى السعر بس موضوع بنزين 92 مكلف قوى ودى اهم نقطه بعد ما طبعا حضرتك قولت ان الفابيا واسعه من جوه يعنى الكنبه اللى ورا وسعه

لو عايز تقارن بين الفابيا والكليو... الكليو أعرض من الفابيا بحوالى 6 سم، أما الفابيا فالمسافة أكبر بين الكنبة الخلفية والكراسى الأمامية، وكذلك الخامات المستخدمة فى الفابيا لا تقارن من ناحية الجودة مع الكليو فهى ذات جودة عالية فخامات الصالون بجودة عالية.

[محمد زغلول]

انت فينك من زمان انا محتار جداااااااا بين الاتنين نظرا للسعر
خصوصا انى عامل حسابى عالاخر 40 الف مش اكثر
طيب حضرتك الاسكودا السيدان تعمل كام موديل 2000 لو موجود او اكثر
وكمان الكليو ممكن تمون بنزين 80 ولا لا هى كمان
ومتشكر جدا ليك

[atgps]

المشاركة الأصلية كتبت بواسطة محمد زغلول انت فينك من زمان انا محتار جداااااااا بين الاتنين نظرا للسعر خصوصا انى عامل حسابى عالاخر 40 الف مش اكثر طيب حضرتك الاسكودا السيدان تعمل كام موديل 2000 لو موجود او اكثر وكمان الكليو ممكن تمون بنزين 80 ولا لا هى كمان ومتشكر جدا ليك

حقيقى ماأعرفش سعر الـ 2000 ولكن بداية من 2003 سعرها فوق الـ 50 ألف لو كانت بحالة جيدة
وعلى فكرة بها ثلاجة فى التابلوة وكذلك درج صغير مبرد وبها كمبيوتر رحلات كامل مع نسبة استهلاك الوقود مثل الموجود فى الاوكتافيا تماما ويمكن اضافة مثبت سرعة.
وبالنسبة للكليو فليس عندى علم بالبنزين المستخدم لها وفى انتظار الأخوة فى المنتدى للرد على هذه النقطة.