دعوة لاستخدام "مترو الانفاق" و الاستغناء عن سيارتك

[Payoo]

أولا أنا عاوز أقولكم أني بقيت أستخدم "مترو الانفاق" في أغلب مشاويري لوسط البلد أو لأي منطقة قريبه "للمترو"
بعد ما كنت نسيت شكل "المترو" تقريبا من طول السنين إللي كنت باستخدم فيها العربية

وعن تجربه أستطيع أن أقول أن "المترو" هو أفضل وأنسب وسيلة مواصلات في القاهرة

واتمنى إننا كلنا نستخدم "المترو" وننقل تجربتنا أو تجاربنا مع "المترو" ونشجع بعض على أستخدامه و نلقي الضوء على المزايا والعيوب الموجودة في "المترو" وننقل شكوانا لإدارة "المترو" عن طريق موقعهم http://cairometro.gov.eg/UIPages/ContactUs.aspx

وياريت نتكلم عن المتطلبات إللي إحنا عاوزينها كملاك سيارات عشان نستغنى عن سيارتنا و نستخدم المواصلات بشكل عام

أنا شخصيا شوفت بنفسي في أكثر من دولة من دول العالم طريقة تحفيذ الحكومة للمواطن على إستخدام المواصلات العامة وأحياناً يصل هذا التحفيذ لدرجة الإجبار على استخدام المواصلات العامة
وهاجيبلكم صور التقطتها لشكل المواصلات والمرور هناك

فمثلا في "لندن" تصل ساعة الانتظار في الجراجات أو في الأماكن المخصصة في الشارع للانتظار إلى 5 جنيه استرليني ودا رقم كبير على فكره يعني أنت لو رايح شغلك و ركنت 8 او 9 ساعات هاتدفع في اليوم 45 جنيه استرليني دا غير تكلفة المشوار نفسه من بنزين و زيت وخلافه

ونفس الأسلوب شاهدته في "نيويورك" ولكن بصورة أكثر تعقيدا فالساعة في بعض الاماكن تصل إلى 8 دولار و يجب أن تقوم بدفع المبلغ كل ساعة يعني تنزل ساعدتك من شغلك كل ساعة و تشحن أو تحط في الماكينة تمن الساعة القادمة
ويا ويلك ياسواد ليلك لو مادفعتش كل ساعة مقدم (ممكن ماتشوفش السواقة تاني هههههه)
الصعوبات إللي بتحطها الولايات المزدحمة بالتحديد بتبقى نوع من انواع إجبار ملاك السيارات على أستخدام المواصلات وتحفيزهم على ترك السيارات

لكن في نفس الوقت المواصلات إللي بتوفرها الحكومات دي بتبقى مواصلات على أعلى مستوى من النظافة و النظام و السرعة :fun_wallba sh:


أنتم عارفين أني شوفت عَجل (درجات) موفراها الحكومة كوسيله من وسائل المواصلات ؟ ولها أشتراك و كارت عضوية إلكتروني تقدر تاخد به العَجله من غير ما تتعامل مع بشر (هابقى أحطلكم الصور)

[تامر ديزل]

طيب واللي معندوش مترو زينا في الاقاليم يعمل ايه ؟ انا بفكر كل يوم سبت اسيب العربية واروح الشغل مواصلات على اساس ان السبت بتبقى المدارس والجامعات والبنوك اجازة وبيبقى الضغط على الميكروباص قليل شوية وممكن اتنقل بين المواصلات بسهولة لكن اعتقد باقي الايام هيبقى فيه صعوبه لان الميكروباصات بتبقى زحمة موووت ...
واهوا يبقى تمرين واسترجاع للذكريات ما الواحد ياما اتبهدل في المواصلات ... محدش ضامن الظروف يمكن العربية تعطل في يوم وتضطر تروح شغلك مواصلات تبقى جاهز ومتمرن
على فكرة استخدام المواصلات الجماعية اوفر بكتييير من استخدام العربية ..
شكرا للاستاذ payoo على الموضوع الممتع

[Payoo]

المشاركة الأصلية كتبت بواسطة تامر ديزل طيب واللي معندوش مترو زينا في الاقاليم يعمل ايه ؟

حياة الأقاليم مختلفه بكل تاكيد عن حياة القاهرة وبحس أوقات كتيره قوي إن الأقاليم مظلومه من قبل الحكومة بسبب سوء الخدمات وقلتها
واتمنى إننا نشوف أهتمام بالأقاليم خلال المرحلة الجايه

انا بفكر كل يوم سبت اسيب العربية واروح الشغل مواصلات على اساس ان السبت بتبقى المدارس والجامعات والبنوك اجازة وبيبقى الضغط على الميكروباص قليل شوية وممكن اتنقل بين المواصلات بسهولة

وهو ده المطلوب إنك تستخدم المواصلات ولو ليوم واحد في الأسبوع وتتعود تستخدم المواصلات ويبقى عندك دراية بالخطوط رايحة فين وجايه منين ولما يحصل لا قدر الله عطل للعربيه تقدر تستخدم المواصلات بسهولة وتبقى عارف هاتركب أيه بالظبط

لكن اعتقد باقي الايام هيبقى فيه صعوبه لان الميكروباصات بتبقى زحمة موووت ...

أهي دي مشكله من ضمن المشكلات العويصه إللي الواحد مش عارف يعالجها إزاي

على فكرة استخدام المواصلات الجماعية اوفر بكتييير من استخدام العربية .. شكرا للاستاذ payoo على الموضوع الممتع

الميزة في التوفير أنه هايعم على الجميع
يعني لو تركت عربيتك و استخدمت المواصلات عامة هاتوفر مساحة في الطريق وهاتوفر استهلاك وقود مدعم من الدولة وهاتوفر تلوث بيئي وهاتوفر تلوث سمعي (دا على أساس إنك يتستخدم الكلاكس كتير )
وهاتوفر فلوسك أنت شخصيا وهاتوفر مجهودك وتركيزك في السواقه والطريق
المهم إننا نلاقي وسيله محترمه تنقلنا من مكان لمكان

[top gear]

كلامك جميل المترو اسرع وأأمن.

أنا شفت في تركيا مشروع جميل حاجة اسمها(مترو باص) عبارة عن خط باصات مكان الجزيرة اللي في النص بين الطريقين ميعديش فيها غير الباصات دي (حارات مقفولة يعني مفيش اي سيارة تقدر تدخل الحارة بتاعة المترو باص ده) عبارة عن باصات بين كل واحد والتاني 5 دقائق الباصات من جوة حاجة زي الطيران كدة قدامك شاشة كبيرة فيها المسار اللي الباص ماشي فيه و قبل كل محطة بينبه على الركاب وسريع والناس هناك بتفضله عن السيارات الخاصة

بالنسبة للمترو في مصر انا بركب المترو كتير اتفرج الساعة 4العصر بعد الشغل الناس عاملة ازاي بتبقى عملة زي .... مش عارف اوصفهالك .. في المترو زحمة لدرجة انك بتتشال من على الارض ويمشو بيك سواء وانت نازل او طالع .
بعد كدا السيارة لاغنى عنها لو فيه مشاوير بعيدة عن خط المترو خصوصا اللي سكن في المدن الجديدة




///

[mainz]

المشاركة الأصلية كتبت بواسطة Payoo أولا أنا عاوز أقولكم أني بقيت أستخدم "مترو الانفاق" في أغلب مشاويري لوسط البلد أو لأي منطقة قريبه "للمترو" بعد ما كنت نسيت شكل "المترو" تقريبا من طول السنين إللي كنت باستخدم فيها العربية وعن تجربه أستطيع أن أقول أن "المترو" هو أفضل وأنسب وسيلة مواصلات في القاهرة واتمنى إننا كلنا نستخدم "المترو" وننقل تجربتنا أو تجاربنا مع "المترو" ونشجع بعض على أستخدامه و نلقي الضوء على المزايا والعيوب الموجودة في "المترو" وننقل شكوانا لإدارة "المترو" عن طريق موقعهم http://cairometro.gov.eg/UIPages/ContactUs.aspx وياريت نتكلم عن المتطلبات إللي إحنا عاوزينها كملاك سيارات عشان نستغنى عن سيارتنا و نستخدم المواصلات بشكل عام أنا شخصيا شوفت بنفسي في أكثر من دولة من دول العالم طريقة تحفيذ الحكومة للمواطن على إستخدام المواصلات العامة وأحياناً يصل هذا التحفيذ لدرجة الإجبار على استخدام المواصلات العامة وهاجيبلكم صور التقطتها لشكل المواصلات والمرور هناك فمثلا في "لندن" تصل ساعة الانتظار في الجراجات أو في الأماكن المخصصة في الشارع للانتظار إلى 5 جنيه استرليني ودا رقم كبير على فكره يعني أنت لو رايح شغلك و ركنت 8 او 9 ساعات هاتدفع في اليوم 45 جنيه استرليني دا غير تكلفة المشوار نفسه من بنزين و زيت وخلافه ونفس الأسلوب شاهدته في "نيويورك" ولكن بصورة أكثر تعقيدا فالساعة في بعض الاماكن تصل إلى 8 دولار و يجب أن تقوم بدفع المبلغ كل ساعة يعني تنزل ساعدتك من شغلك كل ساعة و تشحن أو تحط في الماكينة تمن الساعة القادمة ويا ويلك ياسواد ليلك لو مادفعتش كل ساعة مقدم (ممكن ماتشوفش السواقة تاني هههههه) الصعوبات إللي بتحطها الولايات المزدحمة بالتحديد بتبقى نوع من انواع إجبار ملاك السيارات على أستخدام المواصلات وتحفيزهم على ترك السيارات لكن في نفس الوقت المواصلات إللي بتوفرها الحكومات دي بتبقى مواصلات على أعلى مستوى من النظافة و النظام و السرعة :fun_wallba sh: أنتم عارفين أني شوفت عَجل (درجات) موفراها الحكومة كوسيله من وسائل المواصلات ؟ ولها أشتراك و كارت عضوية إلكتروني تقدر تاخد به العَجله من غير ما تتعامل مع بشر (هابقى أحطلكم الصور)

بايو فعلا كلامك كله مظبوط وبالنسبه للمواصلات العامله ارخص بكتير وبكتيركمان عن ركوب السياره فى اى مشور انا عن نفسى 99 فى الميه من مشاويرى بركب المواصلات العامه ارخص واوفر والعربيه بخليها بس للزنقه فى اى مشوار ضرورى . يا عم غير فى اوروبا لتر البنزين بيوصل فى بعض الاحيان 1.80 يورو
.لو بقى المواصلات العامله فى مصر زى اوروبا كده هتكون كارثه بالنسبه لاصحاب التوكيلات واصحاب معارض السيارات علشان الشعب كله هيركب مواصلات عامله ومش هيحتاج عربيات فعلشان كده الموصلات العامه فى مصر خربانه علشان الشعب يلجئ الى شراء السيارات انا لله وانااليه راجعون