اسعار قطع غيار الادا

[mr_astra]

loraan2 انا تحت امرك

[ايمن عبدالحميد]

المشاركة الأصلية كتبت بواسطة mrastra السلام عليكم ورحمة الله النهردة بعد صلاة الجمعة اخت العربية وقلت اروق العفشة شوية مشوارى بعيد لانى بنزل من طريق مصر السويس وبصلح فى عين شمس المهم برضة قلت اخد فكرة عند حمدى لادا الاسعار اية سالتة على طقم البيض قالى بـ175 جنية الروسي وطقم التياش بنفس التمن وبالمرة سالتة على علبة الدركسيون خمسة بلية قالى بـ 750 جنية اخت منة الاسعار ورحت لبتاع قطع الغيار اللى بتعامل معاة بس عملت حاجة حلوة اوى ركبت جوز البيض اللى تحت روسي عشان الروسي مستحيل يملص صحيح خشن شوية بس الامان برضة اهم وركبت اللى فوق بلغارى وسعر الطقم 180 جنية وانا بفك لقيت سوستة يمين ادام مكسورة غيرتها بواحدة استيراد وطلعت زى الفل وكان تمنها 40 جنية ركبت طقم تياش المانى وبيض المناول المانى جبت مناول روسي برولمان بلى بـ 65 جنية وركبتلة مشحمة ومليتة شحم بالمرة بقى ضربت اتنين مساعد امامى روسي بـ 120 جنية طقم جلب للمقصات بالعدد 8 بـ 80 جنية بولندى غيرت زيت علبة الدركسيون بـ 8 جنية ورحت عند درش بتاع ظبط الزوايا ظبت الدنيا صراحة مشكور الراجل ومليت الكاوتش نيتروجين وراجع امبارح على الطريق زى الاسد وفرحان بالحاجة واكتر بالنتيجة الموضوع عاملة لافادة الاعضاء

اللة ينور يا باشا انا احب من يحب الادا

[ابوشروق]

لازم اقولك مبروك انك قدرت تعمل الكلام ده فى يوم
العفشجى الى بتتعامل معاه ممكن عنوانه

[mr_astra]

المشاركة الأصلية كتبت بواسطة ابوشروق لازم اقولك مبروك انك قدرت تعمل الكلام ده فى يوم العفشجى الى بتتعامل معاه ممكن عنوانه

السلام عليكم ورحمة الله وبركاتة
العفشجى دة فى مساكن عين شمس شارع 6 اكتوبر تدخل الشارع اللى على نصيتة مكتبة الطفل هتلاقى ساحة كبيرة فيها اشهر واحد بتاع فرامل فى القاهرة اسمة بكر البلبيسي اسال اى حد شغال عندة ودول عددهم حوالى خمسين .....هههههههههههه اسالة على احمد العفشجى اللى فى الدور التانى