مصر موتورز والامال المنشودة

[tata33]

الاخوة الكرام السلام عليكم . لم اكتب موضوع من فترة لكن الحقيقة ان الذى دفعنى للكتابة هو عدة موضوعات قراتها اليوم وجدتها تنصب فى مشكلة واحدة الموضوعات هى موضوع للاستاذ محمد صالح المحامى يروى فيه مأساة اسرة انقلبت بهم سيارتهم ال byd الصينىة بسبب عيوب فى الاطارات ، ثم موضوع قراته عن السيارة ال ايم جراند واختلف الاضاء عليها مابين مؤيد لها ومنتقد ثم كان الموضوع الذى اثر فى جدا الخاص بالعضو مادا اللى قاعد يدعى بحرقة على ابو الفتوح والسيارة الاسبرانزا واليوم اللى اشتراها فيه . الحقيقة انا بعد ماقريت الموضوع وحرقة الراجل وحسرته مقدرتش احوش نفسى عن التفكير فى امر مهم ماذا لو كنت انا مكانه وحصلى زيه ؟ وقعدت طبعا ابعد الخاطر ده واقول لا لا الحمد لله انى مجبتش العربية دى واكيد كل واحد فى المنتدى لو فكر هيقول نفس اجابتى . بعد كده لقيت موضوع عن اجتماع مزمع يوم الجمعة القادم لاعضاء المنتدى فجه فى بالى بعض الحاجات ربطت بين كل ده
اولا : ليه المشرفين على المنتدى فى اللقاء اللى جاى ميفكروش يعملوا اجراء عملى لحماية الاعضاء فى المنتدى بالذات اللى معندهمش خبرة قوى فى امور الصيانة وفى السيارات عامة
طب ازاى ؟ اقولك يقوم بعض المشرفين والخبراء فى المنتدى (ومااكثرهم ) بتوجيه النصح والارشاد للاعضاء بتحديد مركز صيانة معين يكونوا هما زاروه وشافوا امكانياته وانه مش نصاب من الاخر ويقوموا بالاشراف على صيانة سيارات الاعضاء فيه ولو على فترات والمراكز دى تبقى فى المحافظات برضه وهيتسابقوا لنيل رضا الاعضاء
ثانيا عند نزول سيارة جديدة للسوق برضه يقوم خبراء المنتدى بدراسة امكانياتها وسعرها ثم ابداء الرأى فيها للاعضاء بالشراء او عدم الشرا
ثالثا ياريت يتم عمل بدج للمنتدى يقوم الاعضاء بشرائه ولصقه على سيارتهم اكيد هيبقى شئ نفتخر بيه ونعرف بيه بعضنا فى اى مكان
هذ بعض ماجال فى خاطرى وشكرا واسف للاطالة

[Hisham.Elgazzar]

فكرة جميلة لكن تطبيقها صعب لأن مستويات الناس مختلفة

[moro2moro]

على فكرة لو فكرة البادج دى اتعملت المنتدى دة هيبقى له ثقل جامد جدا جدا فى التأثير على السوق
والوكلاء هيعرفوا ان كلمته مسموعة وهيهتموا بالمنتدى وآراء الأعضاء بل وسيسعون الى ارضائهم وهيكون لنا تأثير بدل ما احنا عمالين نشتكى لبعضنا و محدش مهتم بينا

[tata33]

المشاركة الأصلية كتبت بواسطة moro2moro على فكرة لو فكرة البادج دى اتعملت المنتدى دة هيبقى له ثقل جامد جدا جدا فى التأثير على السوق والوكلاء هيعرفوا ان كلمته مسموعة وهيهتموا بالمنتدى وآراء الأعضاء بل وسيسعون الى ارضائهم وهيكون لنا تأثير بدل ما احنا عمالين نشتكى لبعضنا و محدش مهتم بينا

انت كده فهمت اللى انا عاوز اقوله بالضبط شوف منظمات العمل المدنى عاملة ايه فى بلاد بره بيأثروا على الاسواق علشان كده المنتجين بيخافوا منهم ويحترموا ارائهم
ياجماعة انا حسيت ان العضو ماد بيستنجد بالمنتدى ومش لاقى حد وكل اللى بنعمله اننا نقرا وخلاص وبعدين احنا فى المنتدى ماشا الله كام الف عضو يعنى عدد برضه ضرورى قوى موضوع البادج ده وقبل مانلاقى حد تانى سارق الفكرة وعاملها

[hyundai 2005]

فكره حلوه بس للاسف مستحيله المنتدي ما ينفعش يعلن رسمي عن رأيه في ايه عربيه ولو مرسيدس
الكلام ده
لان المنتدي له كيان قانوني معين ما ينفعش ينحاز لماركه او نوع ..........



Powered by vBulletin® Version 3.8.6
Copyright ©2000 - 2012, Jelsoft Enterprises Ltd. Trans by Ads Management Version 3.0.1 by Saeed Al-Atwi

جميع الاراء والتعليقات الواردة بالموقع تعبر عن آراء أصحابها فقط

الجمله دي موجوده فاي منتدي وغير قابله للنقاش