شراء سيارة عليها حظر بيع

[abasabnfernas]

أخى الفاضل من وجة نظرك ما أفضل هذه الحلول أيضا و التى أقتبستها من عدة مشاركات بالنت

رد: شراء سيارة عليها حظر بيع _________________________ _______________ لو مستعجل علي استلامها يعني ممكن صاحب العربيه يعملك حاجه اسمها توكيل عام سياره في الشهر العقاري وبتكتب فيه البيع للنفس والغير والتعامل مع المرور والتجديد والترخيص والتعامل مع البنك ( اسم البنك اللي عليه العربيه ) , طبعا التوكيل بيكون علي نوع العربيه وموديلها يعني مثلا شيفروليه لانوس 2009 , وبتتعامل به مع المرور والبنك والشهر العقاري وبتلخص انت كل الاوراق بنفسك من فك حظر ونقل ملكيه وكل حاجه .... ومبروك مقدما قانونا مش هتقدر تسجل ملكية فى الشهر العقارى او تخللى الرخصة باسمك فى المرور طالما عليها حظر بيع يبقى لازم الحظر يتشال الاول عندك طريقتين الاولى صعبة ان البنك ينقل الاقساط باسمك وتبقى انت مقسط مع البنك اغلب البنوك ان مكنش كلها مش بتردى التانية تكيش للبائع جزء من المبلغ او كله ياخد الفلوس يفك الحظر ياخد جواب من البنك للمرور يطلع رخص من غير حظر يبيع ليك وتسجل فى الشهر العقارى مخاطر الطريقة التانية ان البائع يكون نصاب وتيت وهنا انت معاك العربية لكن مش هتعرف تمشى بيها ولو مسروقة ورخصها مضروبة تبقى كملت ولو خد الفلوس واختفى مش هتعرف تجيبه يبقى لازم تتأكد ان البائع ليه محل عمل ليه محل اقامة يكتب وصل امانة بالمبلغ مش كمبيالة لان وصل الامانة فيه حبس الكمبيالة لا شيكات من بنك اه شيكات من مكتبة برده لا وتاخد العربية وتخليها معاك هيا والرخص وممكن تدى الفلوس وانت معاه فى البنك وتاخد الجواب وليا صديق عملها فى كونتاكت بس البائع كان ليه معارف خد الجواب فى ساعتها أفضل طريقة عن طريق البنك نفسه !!! وتسديد الأقساط باسمك أنت بعد اخذ الضمانات عليك بالطبع .......... اذا وافق البنك على ذلك ....... أما اذا لم يوافق : فما عليك الا أخذ عقد بيع السيارة من البائع لك ............. وتوكيل بالادارة حتى تتعامل مع البنك باسمه ان احتاجت الى ذلك ......... الاخ العزيز العقد المبرم بين المتعاقدين صحيح ولكن لا ينفذ قبل البنك فمن الناحيه العمليه اكتب عقدك بشكل عادي واجعل البائع يقوم بعمل توكلين الاول توكيل اداره وده للاستخدام امام البنك واداره المرور والثاني توكيل بالبيع للنفس والغير وده هتستخدمه لما تخلص اقساط البنك وتاخد جواب بفك الحظر تقوم بنقل الملكيه بتسجيل العقد الابتدائي في الشهر العقاري بموجب التوكيل الثاني الذي يبيح لك البيع

[mr_astra]

و مستعجل علي استلامها يعني ممكن صاحب العربيه يعملك حاجه اسمها توكيل عام سياره في الشهر العقاري وبتكتب فيه البيع للنفس والغير والتعامل مع المرور والتجديد والترخيص والتعامل مع البنك ( اسم البنك اللي عليه العربيه ) , طبعا التوكيل بيكون علي نوع العربيه وموديلها يعني مثلا شيفروليه لانوس 2009 , وبتتعامل به مع المرور والبنك والشهر العقاري وبتلخص انت كل الاوراق بنفسك من فك حظر ونقل ملكيه وكل حاجه .... ومبروك مقدما

هو دة الكلام اللى انا قلتة فى المشاركتين السابقتين واللى معمول به فى البيع على عربية محظرة لصالح بنك
بس خلى بالك اللى انا فاهمة انك عاوز تكمل اقساط مش تشتريها كاش فهل ما فهمتة صح ؟؟؟

[abasabnfernas]

بس خلى بالك اللى انا فاهمة انك عاوز تكمل اقساط مش تشتريها كاش فهل ما فهمتة صح ؟؟؟

لأ حضرتك فهمتنى غلط أنا هدفع لها المبلغ المتبقى من القرض (65000) فى البنك و أستلم منها السيارة و أدفع الباقى ( 60000 ) بعد تغير الرخصة بأسمى

[mr_astra]

تمام اوى
يبقى انسى كل الكلام اللى فات
وزى ما اتفقنا لازم يكون حد ثقة
تدفع حضرتك الفلوس فى البنك مع اخذ الضمانات القانونية علية (ايصال امانة مثلا)
وبعد دفع كامل الثمن فى البنك
هايديلك جواب للمرور مفادة شيل الحظر
تروح للمرور تطلع رخصة جديدة مفهاش اى حظر
وبعدين تعمل اما توكيل باسمك او عقد بيع مسجل فى الشهر العقارى
دة بيرجع الى الرخصة فيها كام سنة او كام شهر وعلى حسب الاتفاق هاتعمل اما عقد بيع مسجل او توكيل بالبيع للنفس والغير...........

[abasabnfernas]

وزى ما اتفقنا لازم يكون حد ثقة

البائع معرفوش لاكن أعطانى عنوان سكنه و عنوان عمله

تدفع حضرتك الفلوس فى البنك مع اخذ الضمانات القانونية علية (ايصال امانة مثلا)

أدفع نصف ثمن العربية و أستلم العربية أم أخد عليه إيصال أمانة و لا أستلم العربية

تروح للمرور تطلع رخصة جديدة مفهاش اى حظر

هل خطاب فك الحظر بيصدر فى نفس يوم دفع جميع الأقساط المتبقية و هل ممكن تطلع رخصة جديدة مفهاش حظر و الرخصة ماذالت سارية و الف شكر على مجهودك و تعبك معى جزاك الله كل خير :GR OWIN~12: