سبير كار ناس محترمة لكن هناك ملاحظات على السينسور وعلى تقفيل الأرضية وشهادة مني أمام الله

[albasha37]

كما تعودنا في هذا المنتدى الجميل والأعضاء المتميزين على الصراحة والوضوح وخصوصا ان رأيي قد يتأثر به اخرون واي خداع او النظر إلى مصلحة خاصة اكيد تدخل في باب الحرام والخداع لذلك ارجوا ان تتقبلوا مني المديح والثناء وكذلك النقض والعتاب بدون زعل ونحن جميعا لانريد سوى الصالح العام ابتغاء مرضاة الله هناك الكثر والعديد من محلات تركيب كماليات السيارات ولكن لثقتنا الكبيرة في محلات سبير كار قطعت مسافة من حلوان وخاصة اني مااعرفش الطرق كويس فأخذت وقت وسألت ذهبت لسبير كار فرع باب اللوق امام وزارة الخارجية الناس محترمين ومقابلتهم جيدة وبيسلموك في نفس اليوم حسب اتفاقك معهم وعملوا تخفيض معقول
1 - ركبت فرش للسيارة اخترت اللون الأحمر مع الأسود اتعمل باحترافية شديدة مافيش فيه غلطة ونال اعجاب كل من شاهده واخذوا مني العنوان واكيد منهم منذهب إلى هناك لعمل شغل ومنهم من أجل ذهابه لبعد العيد شكرا لهم وكتر خيرهم وهذا ثناء .
2 - ركبت فرش أرضة جلد لونه أسود شكرا لهم لكن التركيب مش باحترافية في أجزاء مقطعة ومش راكبة أو مش متخيطة كويس انا استلمت في الليل وماشفتهاش إلا هنا لكني متأكد اني لو شفتها هناك كانوا عالجوها لأنهم محترمين وبيرحبوا بأي نقض بصراحة شغل الفرش مش في نفس مستوى فرش الكراسي ابدا ابدا مش عارف بق هما الان ممكن يعالجوه ولا ايه وهذه نقطة عتاب .
3 - ركبت سنسور حساسات للباركن اس واي قالي لي ان هذا أفضل نوع ركب الشاشة على اليسار فوق فتحة المكيف اللي على يسار السائق فوق تابلون السيارة بعد ماشفتها قلت له انا مش عايز اركبها هنا انا عايز اركب الشاشة في منتصف التابلون قالي لي تحت أمرك اركبها ليك في اي مكان انت عايزه بس السلك هيظهر من هنا لهنا المهم اتناقشت معاه واقتنعت بنظره واولادي وهما بيسوقوا قالوا لي فعلا مكانها هنا كويس انا باقول لكم على شان تعرفوا انهم مش بيتأخروا عن اي طلباتك برضه شكرا لهم لكن عرفت منه ان الجهاز ده ويرلس يعني مافيش سلك واصل من الشاشة للكاميرات اللي ورا انا مش بحب الويرليس وخصوصا في الحاجات دي لأني هاقول ليكم على عيوبها انا زعلان من اللي باع لي السنسور في المحل لأنه ماقاليش من الأول انه ويرليس وانا ماطلبتش منه ويرليس اصلا لكن ايه المشكلة بق في الويرليس المشكلة ياجماعة انه فيه تأخير في الاستجابة يعني تجيب مارشديه يحصل تأخير ثواني لغاية الشاشة ماتشتغل ولما تحرك الفتيس من وضع المارشديه تظل الشاشة شغاله لثواني كمان لما تقف خلف السيارة مش بيجيب لك المسافة على طول يعني مافيش استجابة سريعة انا اتصلنت بيهم قالوا لي احنا مش هنقدر نغيرها لكن هنشوف الغلط فيه بس تعالى لينا تاني انا لسة مارحتش كمان انا سألت اللي بيركب الجهاز وهو ولد محترم جدا وحبوب وشيك في تعاملاته وبيتحدث معاك وبسمعك سألته عن أقصر مشافة بيقيسها الجهاز فقال لي اي مسافة حتر 10 سنتيمتر الكلام مش مظبوط هو بيحس لغاية 30 سنتيمتر يعني اي مسافة اقرب للسيارة من 30 سنتيمتر هو شايفها 30 سنتيمتر هما مالهومش ذنب في ده لكن كان المفروض يقولوا لي .
4 - اشتريت مسند يد جلد اسود بعلم مصر واشتريت جراب للدركسيون واشتريت حاجة عاملة ذي الببيونة لمخدع الرأس عدد 2 دول كلهم ماكانش عليهم تخفيض

انا عارف ان فيه ناس عايزة تعرف التكلفة المادية الاجمالية لكافة المشتريات 1130 جنيه.

وأخيرا شكرا لكم واذا كان حد ركب الجهاز الويرلس ده ياريت يقول لي اذا كان حاصل عنده نفس التأخير ده ولا ايه

[c2bo]

لشكر لنقد حضرتك واكيد كلنا نحب النقد البناااااااااء ولكن يجب ان تراجعهم وتكتب لنا باقى الموضوع ولك جزير الشكر
كما اتمنى ان تعلن عن تفاصيل الاسعاااااااااااار كامله
شكراااااا

[AbOnOrA]

شكرا لحضرتك على عرض التجربة بسلبياتها وايجابيتها

بالنسبة للفرش انا عامل تقريبا اخوه اسود فى احمر وتقريباُ جايب نفس المسند اللى عليه علم مصر

بالنسبة للتصليحات فى الفرش بتاع الارضية ممكن تتصلح ان شاء الله بس حضرتك تروحلهم تانى وياريت تتصل بيهم من قبلها وتعرفهم بالمشكلة

0103511020 ده رقم تليفون استاذ امير مصطفى المسئول عن العلاقات العامة
ياريت حضرتك تكلمة وتشرحلة العيوب اللى عندك وهو وانا هنتابع مع حضرتك

[albasha37]

شكرا لكم جميعا ربنا يبارك فيكم ان شاء الله سأتصل بالأستاذ أمير ولكن بعد يوم الأحد لأني مشغول هذه الفترة جدا وفعلا ظروفي تعوق الذهاب لهم خلال هذه الأيام وشكرا لسعة صدركم بالنسبة للأسعار بالتفصيل لاأعلم ان كانوا يسمحوا لي بذكرها أم لا وخصوصا أنهم معنا في المنتدى ونحن ضيوف عندهم

[albasha37]

شكرا للجميع ذهبت ليهم ووضحت ليهم المشكلة وتم حل مشكلة فرش السيارة نفسها ولكن موضوع السينسور ده لم يتم حله لكن أنا لاانصح بتركيب نوع ويرليس هو ماركة spy كويسة ومعقولة لكن يفضل مايكونش ويرليس هذه كل تجربتي لمن يرغب في الاستفادة وشاكر ليكم