رد: ليه أودي
الاودى من اشرس المنافسين على مستوى العالم لكن العربية دى مش لمصر عشان جودتها و كفائتها دايما رافعة سعرها باستثناء الاودى A3 عشان دى تقفيل اسبانى ... الاودى عموما فيها نوعين من المحركات نوع قديم تنتجة شركة اودى و نوع حديث تنتجة فولكس فاجن و هو نفس ماتور الباسات و الجولف و نفس نظام التعليق .. لكن الفرق بين اودى و فولكس ان جسم الاودى و المقصورة الداخلية تنتجها اودى بنفسها من خامات عالية الجودة لدرجة العربية الاودى لا يمكن ان تجيلها بارومة نهائى بعكس الفولكس اللى عيبها القاتل هو البارومة و الحاجة التانية ان التابلوة بتاع اودى هو الوحيد فى العالم اللى دايما ريحتة حلوة طبيعى و كلما ارتفعت درجة حرارة الجو زاد هو الاخر من المعطر داخل السيارة و دى تقنية خاصة باودى .. كمان زجاج السيارة معالج بطريقة تمنع تسرب الصوت و الحرارة داخل السيارة تماما و فى الشمس يكون ازرق و بالليل شفاف و لو انت ماشى بالليل و حد ولع النور العالى وراك تلاقى الزجاج الخلفى لونة اغمق فجأة عشان الضوء ميأثرش عليك و تلاقى المرايا اللى فى النص مستواها انخفض دة غير ثبات العربية اللى فوق الوصف و كل الرفاهية اللى تتصورها موجودة فى اودى.. و اودى من الشركات التى تركز على استعمال محركات الديزل و هنا يجى دور فولكس حيث ان محركات الديزل للفولكس هى رقم 1 فى العالم دون منازع و ياتى خلفها تويوتا ثم مرسيدس قبل اندماجها مع دايملر كرايسلر و يمكن تستغربوا لو قولتلكو انك لو قعدت فى الاودى ذات محرك ديزل لايمكن تسمع صوت المتور لا جوة العربية و لا برة العربية لان فولكس بتستعمل تقنية TDI و اودى بتكملة بنظام عزل صوت ممتاز .. باختصار ان اودى سيارة من يريد الجمع بين القوة و الرفاهية و الاداء و الثبات ..... اودى سيارة بدون اى عيوب .. و الكمال للة وحدة
|
05-01-2009, 03:11 PM
