تعايش بحواسك مع سيارتك ....تكن وفية لك

[tamer.koko]

: loveu::010104 ~171:

[samirayad]

إصغى لها وتعايش مع ألحانها

لقد علمنا فيما مضى كيفية الشعور والإحساس بها

فكيف نستمع لحديثها ...............؟

صوت عالى من خلف السياره

يتواجد فى بعض الأحيان صوت شاذ صاخب يشكل

ضوضاء عاليه وقد يظهر من الأمام أو الخلف

الأسباب المحتمله

1- علبة شكمان تالفه أو ماسوره تالفه

2- فرن مكنه مشروخ أو مكسور من أماكن تركيبه

حريق خلفى من آخر الشكمان وقت دوسك على البنزين

بإختصار مع تواجد هذه الحاله فسيارتك تعانى من مشكله

خطيره

فما هى الأسباب المحتمله

1- سير أو جنزير الكاتينه ربما إنزلق من مكانه على

مجموعة التقسيمه

وهنا يجب الأستبدال

2- قد يكون هناك مشكله داخليه بالمكنه

3- قد تكون أسلاك البوجيهات مركبه بترتيب خطأ

حريق خلفى وقت ماتسيب البنزين

كل شىء ماشى تمام وسماع حديثها يسرى

كما يرام فى نغمته المعتاده

لكن حينما تترك دواسة البنزين


يبدأ صدور نشاذ واضح فى صوتها

( فى صورة حريق خلفى )

الإحتمالات

1- قد يكون بلف توزيع حقن البنزين به خلل ما

2- قد يكون هناك خلل فى توقيت الإشتعال ( التقسيمه )

3- قد يكون هناك مشكله ميكانيكيه بالمكنه

مروحة التكييف تصد صوتا غير شجيا

حينما تقوم بتشغيل المروحه ...يصدر منها ضوضاء

صاخبه أو رعشه كبيره مع صوت ضوضاء

وأحيانا يتواجد إهتزاز شديد للمروحه وتتفاقم الأمور

مع إهمالك للعلاج السريع

الأسباب المحتمله

1- موتور المروحه تالف

2- المروحه غير مثبته جيدا على الأطار الخاص بها

3- ريش المروحه تلفت

4- ملوثات وشوائب داخل إطار وبناء المروحه الهندسى

الفتيس يصدر ضوضاء عاليه

إذا كان هناك صوت خشونه أو خشخشه أو شخشخه

تصدر من الفتيس

ولا تلاحظ هذه الأصوات إلا وأنت ممور السياره ومدور

أو وأنت بتجرش

ويبدو لك أيضا بأن هذه الأصوات تتلاشى

مع السرعات العاليه

والصوت ده بيظهر أحيانا وأحيانا لايظهر

فإليك الأسباب المحتمله

1- منسوب الزيت بالفتيس قليل

2- الزيت بالفتيس ملوث ...بملوث ما

3- وصلات النقل تحتاج للكشف والضبط

4- قد يكون لديك مشكلة ما بالفتيس

5- خطوط تبريد الفتيس الأوتو تحتاج للتثبيت الجيد

ضوضاء لما تيجىء تحود بالسياره

قد تلاحظ صوت دق أو خبطات وقد تتفاقم الظاهره مع تركها

الأسباب

1- بيض الدركسيون قد يكون به بوش أو محلول

2 - يوجد مشكلة ما فى وصلات التوجيه

3 - فيه ظلطه أو شىء حديدى ماسك بالكاوتش

4- قد يكون هناك مشكله بجزء معين من أجزاء نظام التعليق

مثل السوست والمساعدين والبطاحات

ضوضاء من وحدة الباور

قد تستشعر صوت زنه واضحه وغير طبيعيه بدايرة الباور

حينما تقوم بلف الطاره

وكل شىء تمام ماعدا صوت الضوضاء الصادر

مع الدوران يمينا أو يسارا

الأسباب

1 - سير طلمبة الباور مهوى أو محتاج للتغيير

2- يوجد هواء بدايرة زيت الباور

3- الزيت منسوبه نازل بقربة الباور

4- أنت بحاجه للتشيك على تثبيت طلمبة الباور على المكنه

[محمود زيزوو]

موضوع جامد جدا والله يا بشمهندس سمير دة لو الواحد عندة اية حاجة فى العربية يرجع للموضوع دة علطول ارجو التثبيت لانة موضوع جميل جدا جدا

[neou]

موضوع غاية في الأهمية والله يا بشمهندس /سمير مش كفاية اقولك شكرا والله
بصراحة مجهود جبار جزاؤه عند الله ربنا يكرمك
ارجو تثبيت الموضوع لانه في غاية الأهمية اي حد عنده مشكلة في عربيته يقرا الموضوع دة هيحلها بأذن الله على طول
ربنا يحعله في ميزان حسناتك يا سمير باشا
بس ليا تعقيب على ان الواحد مننا لو عنده مشكلة وانت كاتب ان ليها كذا عيب ممكن يكون هوا السبب فيها فكدة هنضطر نكشف على كله ؟؟؟ اقصد النقط اللي انت مركز عليها، بس في نقط ان اشرت ليها فيها شغل ميكانيكي وشغل كهربائي !!

[samirsaid1]

دكتور يا بشمهندش سمير