كيفية معرفة { ماتور السيارة خـــفــيف }

[عبد الرحمن دهب]

السلام عليكم ورحمة الله وبركاتــــة
تحياتى وسلامـــــــــى
الى مدير المنتدى ، والقائمين عليـــــة
والى اصدقائى وجميع الأعضـــاء
ســؤالى الى أهل الخبرة والعـــلم
كيفية التعرف على ان ماتور السيارة خفيف
وكيفية التعامل مع الماتور الخفيف
بارك الله فيكم

[zing0]

الموتور الخفيف يعنى ماتور فيه تسريب فى ضغط المكابس (البساتم) على غرف الحريق
و ده معناه إن الشنابر أتبرت و بقى الخلوص فيها زيادة أو الصبابات مش قافلة مكانها كويس لسبب أو أكتر, بس حالة الشنابر هى الشائعة أكتر, و فى كلا الحالتين بيدخل جزء من الزيت الموجود تحت البستم لفوق و يدخل يتحرق مع البنزين و يطلع مع العادم
* و بكده هتلاقى علامات بتأكد الحكم على المكنة الخفيفة بنسبة كبيرة .... منها:
- الزيت بينقص و محتاج يتزود كل شوية (بينقص كتيرعن العلامات اللى على مقياس الزيت مش مجرد بخر زيت)
- لما العربية تسخن و تأخد حرارتها الطبيعية (خاصة فى الصيف) تلاقى دخان أبيض مزرق خارج من الشاكمان و طبعاً فية رائحة زيت محروق
- فك البوجيهات و شوف سن البوجية (الشمعة نفسها مش جسم البوجية) لو عليها زيت يبقى المكنة خفيفة مفيش كلام
- ممكن خرطوم الفايظ اللى داخل على عمة الهواء يكون بيطلع دخنة بيضاء

* لو الوضع زى ده, يبقى تجهز نفسك لطقم شنبر.... يعنى أجهز أيه؟
- مش فلوس بس, لأ , لازم تشوف صنايعى بيشتغل فى موتور عربيتك و عمل مليون عمرة قبل كدة فى نفس نوع الموتور ده, مش لسه هيتعلم فيك
- تشوف أيه أحسن قطع غيار مضمونة و متستخسرش (ده قلب الموتور يعنى جراحة قلب مفتوح و مش كل يوم هيتفتح يعنى.... ربنا يشفيه)
- البرنس اللى بيعمل الشنبر يتأكد من الصبابات و الجلد بتاعها و يطمئن على الشمايز (جدران غرف الإحتراق)
- تأخد فترة تليين كويسة و متستعجلش, و جهزلك جركنين بنزين على جنب علشان التليين لإن البنزينات مبترضاش تحط بنزين فى جراكن بدل متشتريهم سوق سوداء و يبقى مخلوط بالمياة (العربية فى التليين بتبقى واقفة مكانها ممنوع الحركة - فترة نقاهه بقى)

* طيب لحد ما أجهز نفسى أعمل إيه؟
- أولاً متقرصش على العربية, الضرب فى الميت حرام, خليها ماشيه و شايلاك لحد ما تجهز لها
- تتابع مستوى الزيت بإستمرار, و تزود زيت ثقيل (مش لازم زيت شنبر لأنه بقى مضروب- لو عرفت تجيب الأصلى يبقى تمام) ممكن أى زيت حتى لو سايب بس المهم لزوجتة عالية علشان ميتحرقش بسرعة
- هتغير البوجيهات بنفس النوع بس (سن قصير) علشان مش كل شوية تقطع و يطولها زيت( و فى ناس بتركبلها كرسى علشان تعليها)
- تتفرج على الفيديو بتاع أخونا البشمهندس أدهم فى عمرة الفيات 127 ربنا يبارك له فيها و يملاها بركة, أكيد هتستفيد منه حاجات كتيييييييييييير و تبقى فاهم الدنيا ماشية إزاى, دور على جوجل بالعنوان ده هتلاقية على جزئين

Fiat 127 Rebuilding Engine Transmission Gearbox

أعاننا الله و إياكم لكل خير

[Hisham.Elgazzar]

90% من المواتير اللى فمصر خفيفة ياباشا حتى العربيات الزيرو برضو مواتيرها خفيفة
وده بسبب سوء قطع الغيار والزيوت والبنزين اللى بيدمر الموتور خالص مع الوقت

العربيات المواصفات الخليجى اللى لسه بخيرها وبعض الموديلات الغالية اوى هى اللى ممكن تكون كويسة

وعموما عشان تحافظ على ما تبقى من الموتور استخدم بنزين نضيف (92) وزيوت من الغالية الأصلية
مع المحافظة على حالة العفشة والفرامل والكاوتش وعدم التحميل ع العربية بزيادة

ودى وجهة نظرى والله أعلم

تقبل مرورى

[ahmed_eng2001]

المشاركة الأصلية كتبت بواسطة zing0 الموتور الخفيف يعنى ماتور فيه تسريب فى ضغط المكابس (البساتم) على غرف الحريق و ده معناه إن الشنابر أتبرت و بقى الخلوص فيها زيادة أو الصبابات مش قافلة مكانها كويس لسبب أو أكتر, بس حالة الشنابر هى الشائعة أكتر, و فى كلا الحالتين بيدخل جزء من الزيت الموجود تحت البستم لفوق و يدخل يتحرق مع البنزين و يطلع مع العادم * و بكده هتلاقى علامات بتأكد الحكم على المكنة الخفيفة بنسبة كبيرة .... منها: - الزيت بينقص و محتاج يتزود كل شوية (بينقص كتيرعن العلامات اللى على مقياس الزيت مش مجرد بخر زيت) - لما العربية تسخن و تأخد حرارتها الطبيعية (خاصة فى الصيف) تلاقى دخان أبيض مزرق خارج من الشاكمان و طبعاً فية رائحة زيت محروق - فك البوجيهات و شوف سن البوجية (الشمعة نفسها مش جسم البوجية) لو عليها زيت يبقى المكنة خفيفة مفيش كلام - ممكن خرطوم الفايظ اللى داخل على عمة الهواء يكون بيطلع دخنة بيضاء * لو الوضع زى ده, يبقى تجهز نفسك لطقم شنبر.... يعنى أجهز أيه؟ - مش فلوس بس, لأ , لازم تشوف صنايعى بيشتغل فى موتور عربيتك و عمل مليون عمرة قبل كدة فى نفس نوع الموتور ده, مش لسه هيتعلم فيك - تشوف أيه أحسن قطع غيار مضمونة و متستخسرش (ده قلب الموتور يعنى جراحة قلب مفتوح و مش كل يوم هيتفتح يعنى.... ربنا يشفيه) - البرنس اللى بيعمل الشنبر يتأكد من الصبابات و الجلد بتاعها و يطمئن على الشمايز (جدران غرف الإحتراق) - تأخد فترة تليين كويسة و متستعجلش, و جهزلك جركنين بنزين على جنب علشان التليين لإن البنزينات مبترضاش تحط بنزين فى جراكن بدل متشتريهم سوق سوداء و يبقى مخلوط بالمياة (العربية فى التليين بتبقى واقفة مكانها ممنوع الحركة - فترة نقاهه بقى) * طيب لحد ما أجهز نفسى أعمل إيه؟ - أولاً متقرصش على العربية, الضرب فى الميت حرام, خليها ماشيه و شايلاك لحد ما تجهز لها - تتابع مستوى الزيت بإستمرار, و تزود زيت ثقيل (مش لازم زيت شنبر لأنه بقى مضروب- لو عرفت تجيب الأصلى يبقى تمام) ممكن أى زيت حتى لو سايب بس المهم لزوجتة عالية علشان ميتحرقش بسرعة - هتغير البوجيهات بنفس النوع بس (سن قصير) علشان مش كل شوية تقطع و يطولها زيت( و فى ناس بتركبلها كرسى علشان تعليها) - تتفرج على الفيديو بتاع أخونا البشمهندس أدهم فى عمرة الفيات 127 ربنا يبارك له فيها و يملاها بركة, أكيد هتستفيد منه حاجات كتيييييييييييير و تبقى فاهم الدنيا ماشية إزاى, دور على جوجل بالعنوان ده هتلاقية على جزئين أعاننا الله و إياكم لكل خير

ربنا يباركلك ... مسبتش حاجة لم تذكرها

[عبد الرحمن دهب]

أســـتاذى الفاضل / zingO[/COLOR]
[COLOR="Green"[/COLOR]سلام الله عليك ، وزادك الله من علمة
شرح مميز وممتاز ومختصر
لا اجد كلمات شكر اجازيك بيها
بارك الله فيك ، وجعلك عونا لكل محتلج ، ويسر لك امرك
تقبل منى احترامى وتقديرى