هل توجد مادة لتلميع الفوانيس الأمامية

[snoop]

يا جماعة معجون الاسنان ده بينفع فى وش الفانوس البلاستيك بس ولا الزجاج كمان !! ولو الفانوس زجاجى يتلمع بايه ؟؟

[bmkbmk]

والله يا شباب انا عندى نفس المشكلة بس بزيادة شوية
بمعنى ان الفوانيس عندى من قدام فيها خدوش كمان بسبب انى كنت مسافر من مصر للكويت فى طرق صحراوية طبعا على سرعات عالية جدا (متوسط 170) و كان فيه فى مناطق كتير جدا عواصف رملية و مكنش ينفع اهدى السرعة علشان اوصل فى ميعادى و للاسف مكنتش راشش مانع الخدوش فلما وصلت لقيت الاكصدام الامامى محتاج يترش من كتر ما اتبهدل و الكشافات ضباببية و ملمسها خشن جدا من برة .. عموما لما اوصل لحل اكيد هكتبه فى المنتدى بإذن الله

و انا دورت كتير فى النت و لقيت ناس بتستعمل صنفرة مبلولة بقوة 1000 ثم 2000 ثم يستعملو البولش العادى بتاع العربية فى تلميع الكشافات و بتنفع معاهم و غالبا هى دى انسب طريقة ليا .. يا اما هشوف منتجات متخصصة لإزالة الخدوش يا اما بقى هوديها لورشة متخصصة و ربنا يسهل

[el_hagrasy]

جرب معجون الاسنان وبفرشة قديمة
بجد هتلاقى نتيجة هايلة

[lenenmarcks]

بس فكرة معجون الاسنان روعه

[MOHAMED22]

المشاركة الأصلية كتبت بواسطة MOHAMED22 عندى مشكلة وهى أن فوانيس السيارة الأمامية أصبحت مطفية (ليست شفافة ) بسبب الشمس هل توجد مادة تلميع للفوانيس وتجعلها براقة مثل الأول بدلا من شراء فوانيس جديدة مع العلم أن الغلاف الخارجى للفانوس بلاستيك وليس زجاج......... وشكرا

إلى أعضاء المنتدى الأحباءشكرا لكم جميعا على المشاركةفى الموضوع وإلى كل من أفادنى بفكرة وطرحها فى الموضوع وأحب أن أعرض عليكم تجربتى لكى يسفيد منها الأعضاءوهى:
فى يوم الجمعة أحضرت الأتى :
1- علبة كومباوند وذلك لصنفرة الفانوس لأنة كان لونة أصفر وخشن
2- علبة بولش للتلميع
3- كيس قطن وقطعة قماش مصنوعة من القطن
وقمت بعمل الأتى
وضعت بيدى كمية صغيرة من الكومباوند على الفانوس وتم توزيعهم على الفانوس بيدى ثم أخذت أدعك الفانوس بقطعة القماش بشكل دائرى وأفقى ورأسى حتى تم صنفرة الفانوس ثم وضعت قليل من البولش ووزعتة على الفانوس وأخذت قطعة قطن وأخذت أدعك الفانوس حتى أصبح لامع وبراق وكانت النتيجة فى حدود 70% وهذة نتيجة مرضية جدا0
ملحوظة هامة
عند أستعمال الكومباوند يجب ألا يلامس بوية السيارة نهائيا لأنة مادة خشنة (صنفرة )حتى لاتمسح بوية السيارة000 وشكرا لكم