كلاكيت أول خبطة

[Bendary]

المشاركة الأصلية كتبت بواسطة ابو هيما أولأ قدر الله وماشاء فعل والحمد لله على السلأمة ..هو المفروض اللى انا اعرفه أن المحضر بيتعمل ده فى حالة لو الخسأئر أكتر من خمسة الأف جنيه -أما لو الخسائر أقل من خمسة الأف فبتكتفى بأخطار شركة التأمين عشأن يبعتوا لك مندوبهم ويصور وتعمل مقايصة وبناء عليه سوف يتم تقرير الأصلأح فى التوكيل أو فى أحد الورش التى تتبع شركة التأمين . وفى كمان شركات تأمين بتدفع هى وفى شركأت تانية يقولك أدفع وبعدين تأخد فلوسك طبعا ده بعد خصم نسبة قيمة أستهلأك من المبلغ المقرر للأصلأح بتتحدد بحوالى 10% أو 5% على حسب الموديل وعلى حسب أسم البنك اللى بتتعامل معاه وبتقسط عن طريقه ..يعنى عملأء البنك العربى الأفريقى مثلأ ببيقالهم معاملة خاصة وتخفيض فى بعض شركات التأمين -أقصد تحديد نسبة أستهلأك قليلة تقدر مثلأ ب 5% بدلأ من 10 % .. ده اللى أنا أعرفه وده عن تجربة .بس فى حالة حضرتك خصوصا أنك أتخذت قرار ورحت وبدأت بالفعل بالتصليح فبصراحة مش عارف تخرج بره الضمان ولأ تبقى فيه بس أن شاء الله خير ومش هأيبقى فى حاجة وحشة وجل من لأ يسهوا .. وعلى فكرة أنا نصحتى لك أن لو أنت مأمن تبع شركة تأمين محترمة وحصل بعد كدة حاجة زى كدة وربنا طبعا مأ يجيب تأنى حاجة وحشة -أقصد متبقأش تضايق نفسك وكبر دمأغك ولو الموضوع ينفع يدأوه يعنى لو الخسأير بسيطة فيبقى يأبخت مين قدر وعفى .. أما لو الخسأئر كبيرة فلأزم أول حاجة تتوجه لقسم الشرطة وتعمل محضر وتثبت حالة ومتنرفز نفسك صحتك بالدنيا وحرقة الدم ملهأش لزمة .. أما لو مش مأمن زى حالأتى حاكم أنا فقدت خلأص كل الثقة فى شركأت التأمين كلها خصوصأ بعد موضوع الجمعية المصرية للتأمين التعاونى وعندى أموت فى العربية ولأ أنى أروح أأمن تبع شركة تأمين -ففى الحالة دى لو حصل حاجة فيبقى تروح مع الراجل اللى تسبب فى الخبطة وتشوف الموضوع هيتكلف كأم عند اللى أرسلك عنده وتشوف عند وأحد تأنى من عن طريقك أنت وبعدين تأخد منه اللى هيدفعه وتشوف أنت بقى عأوز تصلح عند مين ..(صح ولأ غلط؟!!) أرجو أن أكون قد أفدتك والحمد لله أنها جت على قد كده ..ptmnlo123per162

شكرا الحمدلله على اى حال
على فكرة انا زمان كنت عامل حادثة موت كبيرة اوى والحمدلله
فبعد كده اى حاجه زى خبطة امبارح دى بتبقى كلام فارغ
انا فعلا كنت هاعمل زى ما انت ما بتقول واسيب الراجل يمشى وخلاص لو كان طلع مؤدب واعتذر - بس كالعاده انه طلع ابن ...... وقليل الادب وعاوز يطلعنى انا الغلطان - عشان كده اديته على قفاه وقلت اربيه شويه باى فلوس يدفعها عشان ما يمشيش يخبط فى الناس
الحكايه كلها تتكلف 100 او 200 ج بالكتير - الحمدلله بسيطة قدر الله وماشاء فعل

[Bendary]

الحمدلله
سألت فى توكيل منصور : طالما التصليح الخارجى غير مؤثر على ميكانيكا او كهرباء العربيه
فالعربيه مازالت فى الضمان
الحمدلله
وكمان اتاكدت من واحد بتاع تامين ، قولتله انا هاصلح على حسابى ومش عاوز منكم حاجه - بس المهم الضمان
قال : مفيش مشاكل لان الضمان بيكون لعيوب الصناعه ويشمل الميكانيكا والكهربا والعفشة وكده
لكن رش الصاج مايخرجش العربيه من الضمان

الحمدلله رب العالمين حمدا كثيرا طيبا مباركا كما ينبغى لجلال وجهه وعظيم سلطانه

[Dr. Bolbolan]

المشاركة الأصلية كتبت بواسطة محمد شهاب بس ليه بتكره عربيات نقل الموتى ياباشا دى اخر عربية هانركبها فى الدنيا وربنا يحسن ختامنا جميعا تحياتى للجميع

\

سـبحان الله يا أخى ! هوه فيه حد بيحب عربيات نقل الموتى الا الحانوتى ؟؟؟

يعنى عايز تفهمنى انك بتحبها ؟؟ أنا عارف انك طبيب ! شوف بأه لو مرضاك
عرفوا انك بتحبها ح يحصل لك ايه !! ptmnlo123per1106أكيد ح يركبوك فيها غصب عنك !
و بعدين مش شرط الواحد يركبها ! ممكن يموت غريق و ياكله السمك أو تفرقع بيه الطياره

و يتفرتك حتت ! أو يدوس على لغم حتى لو كان فى ريزورت فى العين السخنه !
أو ينزل على دماغه شــهاب كده يســيحه ! عمومآ أنا متنازل لك عن الركوبه دى ! ptmnlo123per154

و ربنا يحســن ختامنا جميعآ !

Dr. Bolbolan ptmnlo123per122

[AbOnOrA]

قدر الله وماشاء فعل يا استاذى العزيز وخير ما عملت انك ادبت سواق الميكروباص واياً كان فيه تأمين او لاء لازم كلنا ناخد موقف ضد عربجية العصر الحديث سواء سواء ميكروباص او غيرة

وبالنسبة للتصرف الاسلم فى المواقف المماثلة لاقدر الله فهو راجع لطبيعة الوثيقة ونظام شركة التأمين
فبعض شركات التأمين لاتشترط وجود محضر اذا كانت الخسائر اقل من 5 الاف جنيه
لكن حضرتك بتودى العربية لمركز الخدمة اللى هتصلح عنده وبيجى مندوب التأمين يعاين العربية ويصورها ويعتمد مقايسة الاصلاح او يطلب تعديلها وبعد اعتمادها بتصلح العربية ويجى يصورها تانى ويعتمد الفاتورة
بعضهم بيحاسب مركز الخدمة مباشره او انت بتحاسبة ويطلعلك شيك بعد كده بقيمة الاصلاح اللى اعتمدها المندوب

بمعنى اوضح لازم المندوب يكون موجود قبل الاصلاح وبعد الاصلاح ولازم يعاين ويصور والعربية مخبوطة وبعد ما تتصلح

اما فى حالة ان الخسائر اكبر من 5 الاف يشترط وجود المحضر ومهم جداً ان المحضر يكون فى صالحك تماماً يعنى ميكونش فيه اى سطر او كلمة توحى ان الخطاء ناتج عن اهمالك او تقصير منك لان اى حاجة بالمعنى ده هتقلب الموقف ضدك تماماً

بعض الشركات بتطلب انك تعمل اخطار كتابى بالحادث وتكتب فيه تفاصيل وقوعها وده برضو لازم يكون متفق مع الرواية اللى فى المحضر الرسمى ومع حال العربية واثار التصادم اللى فيها

طب نفترض ان الواحد نازل من بيته لقى العربية مخبوطة ومفيش حد يتهمة برضو تعمل محضر بالكلام ده وتثبت اقوالك بمعاينة القسم والتفاصيل فى المحضر

اخيراً حبيت اقول ان اكتر الناس بتفتكر ان احسن خدمة فى السمكرة بتكون فى الوكيل وده مش صحيح دائماً لان الوكيل فى الاخر بيجيب صنايعيى فى الغالب مش بيكون احسن واحد فى الدنيا لانه لو كان كويس كان اشتغل لحسابه وكسب اكتر من مرتب التوكيل
السمكرة بالذات عايزة صنايعى صبور وعنده ضمير علشان العربية تتخدم صح وده مش شرط يكون فى توكيل او مركز خدمة معتمد انا نفسى صلحت كتير فى التوكيل وبره التوكيل ولقيت ان الصنايعية اللى بره فى موضوع السمكرة ده افضل من التوكيل ميت مرة خاصة لو انت قاعد على ايدة وبتراجع بنفسك كل حاجة

الف سلامة على العربية والحمد لله انها جت على قد كده

[Bendary]

المشاركة الأصلية كتبت بواسطة AboNoRa قدر الله وماشاء فعل يا استاذى العزيز وخير ما عملت انك ادبت سواق الميكروباص واياً كان فيه تأمين او لاء لازم كلنا ناخد موقف ضد عربجية العصر الحديث سواء سواء ميكروباص او غيرة وبالنسبة للتصرف الاسلم فى المواقف المماثلة لاقدر الله فهو راجع لطبيعة الوثيقة ونظام شركة التأمين فبعض شركات التأمين لاتشترط وجود محضر اذا كانت الخسائر اقل من 5 الاف جنيه لكن حضرتك بتودى العربية لمركز الخدمة اللى هتصلح عنده وبيجى مندوب التأمين يعاين العربية ويصورها ويعتمد مقايسة الاصلاح او يطلب تعديلها وبعد اعتمادها بتصلح العربية ويجى يصورها تانى ويعتمد الفاتورة بعضهم بيحاسب مركز الخدمة مباشره او انت بتحاسبة ويطلعلك شيك بعد كده بقيمة الاصلاح اللى اعتمدها المندوب بمعنى اوضح لازم المندوب يكون موجود قبل الاصلاح وبعد الاصلاح ولازم يعاين ويصور والعربية مخبوطة وبعد ما تتصلح اما فى حالة ان الخسائر اكبر من 5 الاف يشترط وجود المحضر ومهم جداً ان المحضر يكون فى صالحك تماماً يعنى ميكونش فيه اى سطر او كلمة توحى ان الخطاء ناتج عن اهمالك او تقصير منك لان اى حاجة بالمعنى ده هتقلب الموقف ضدك تماماً بعض الشركات بتطلب انك تعمل اخطار كتابى بالحادث وتكتب فيه تفاصيل وقوعها وده برضو لازم يكون متفق مع الرواية اللى فى المحضر الرسمى ومع حال العربية واثار التصادم اللى فيها طب نفترض ان الواحد نازل من بيته لقى العربية مخبوطة ومفيش حد يتهمة برضو تعمل محضر بالكلام ده وتثبت اقوالك بمعاينة القسم والتفاصيل فى المحضر اخيراً حبيت اقول ان اكتر الناس بتفتكر ان احسن خدمة فى السمكرة بتكون فى الوكيل وده مش صحيح دائماً لان الوكيل فى الاخر بيجيب صنايعيى فى الغالب مش بيكون احسن واحد فى الدنيا لانه لو كان كويس كان اشتغل لحسابه وكسب اكتر من مرتب التوكيل السمكرة بالذات عايزة صنايعى صبور وعنده ضمير علشان العربية تتخدم صح وده مش شرط يكون فى توكيل او مركز خدمة معتمد انا نفسى صلحت كتير فى التوكيل وبره التوكيل ولقيت ان الصنايعية اللى بره فى موضوع السمكرة ده افضل من التوكيل ميت مرة خاصة لو انت قاعد على ايدة وبتراجع بنفسك كل حاجة الف سلامة على العربية والحمد لله انها جت على قد كده

شكرا أخى وائل
ايوه كده نور المنتدى بوجودك معانا