نفسى اخلص من الموضوع دا

[THE_HERO2005]

بسم الله الرحمن الرحيم

ايه احسن طريقة علشان اخلص على
الصدا ؟

واحسن طريقة علشان اخلص على البارومة ؟ من غير ملحم حاجة

انا قصدى حتى لو يكون حل موقت بس عملى حتى لو عملتو كل مدة من
غير لحام
يعنى زى انى اسنفر الرفرف من جوا و احط بلاك ... حاجات زى دى بس تنفع تتعمل فى الحوض والشنطة من غير اى لحامات .

ارجو سرعة الرد <center> <ins style="display: inline-table; border: medium none; height: 90px; margin: 0pt; padding: 0pt; position: relative; visibility: visible; width: 728px;"><ins id="google_ads_frame3_anc hor" style="display: block; border: medium none; height: 90px; margin: 0pt; padding: 0pt; position: relative; visibility: visible; width: 728px;">
</ins></ins> </center>

[hima elgmal]

انا عربيتى جديدة ولقيت فيها شحم من تحت العربيه بالكامل واما سالت قالولى ده علشان الصدا ميجيش فى الارضية وده كان فوق الدهان باسفل السياره \اما سيارتى القديمة كنت بدهنها بوية زيت عادية سوداءباسفل السياره ومن الباب من الداخل( وارجو ان اكون افدتك)وهذا على حد فهمى للسؤال ومعرفتى المتواضعة

اللي اعرفه ان الصدا ده بيتحرق ولو واكل اجزاء بيتحط مكانها مرمات وبتترش ببوتامين علشان متصديش تاني وتحمي الصاج من الميه

[Injection]

حضرتك قلت أهه, صنفرة حتى الأزالة التامة أو على قد ماتقدر يعنى للصدأ من المكان, سيلر sealer أو برايمر من عند أى حد بتاع حدائد, وطبقة معجون وأنتهى الموضوع.

وممكن تستغنى عن السيلر والبرايمر (منصحش بكده, البرايمر لازم علشان الصدأ ميرجعش), وتصنفر كويس وتحط معجون, والموضوع مش هيتكلف 10 جنيه بس أعمل حسابك فى الوقت علشان هتقعد تصنفر كتير.

وممكن برضه تغطى الصدأ تماما بمعجون علشان تحد من تطوره, بس ده "تصبيرة" مش علاج.

الصنفرة الأولية هات ورق خشن علشان تشيل الصدأ كويس, بعد ماتشيل اللى قدرت عليه (حاول تشيله كله) تدهن معجون أو ترش طبقة برايمر(حسب اللى هتجيبه), وتستنى شوية, وتديها طبقة تانية وتستنى لما تنشف وتصنفر العيوب فى الدهان بورق صنفرة ناعم, ولو عايز تدهن ممكن تجيب دهان أسبراى باللون اللى أنت عايزه وترش على المعجون.

يعنى الموضوع كل : صنفرة - معجون - معجون تانى - صنفرة خفيفة - اللون اللى حضرتك عايزه.

وكده الصدأ بح (عن تجربة عملية), بس فيه فرق بين الصدأ ده والصدأ اللى خلاص نخر فى أساس المعدن, ده بيبقى الصدأ كل منه وشبع, بس ممكن يتعمل بنفس الطريقة وبكرم ربنا ينجح, بالتوفيق,