استراتيجية تطوير شهاب 3 (تعديل كيا برايد)

[AbOnOrA]

تحت وطئة الضغوط الامبرياليه المتغتطرسة (هيا عارفة نفسها) والتى وصلت الي التلويح بعقوبات اقتصادية ( اللي هيا شراء كميات اكبر من البامبرز ) شرعت القيادة السياسية (اللي هيا انا ) في تظبيط اوضاعها و حث مطوريها وعلمائها لتحديث صاروخها الاستراتيجي الاساسي شهاب 3




كان الهدف من التطوير هو تحسين كفائة التصويب واكسابة مرونة اكبر سواء في تكتيك الاطلاق او في التوجية هذا بالاضافة لتلافى بعد المشاكل التي كانت موجودة في التصميم السابق فكما هو معروف ان هذه الصاروخ مستنسخ من تكنولوجيا كورية معروفة



وفورا شرعت مراكز الابحاث في تحديد الحلول العملية والسبل اللولبية لتحقيق الاهداف المطلوبة وكانت الحلول تقضي بسمكرة المشاكل القديمة ( راجع موضوع تحت قبضة التنين ) وتغيير الجنوط باخرى اكبر وبالطبع تغيير الكاوتش بمقاس مختلف يضمن ثباتاً اكثر ومرونة اعلي في المناورة والاطلاق بالاضافة لتركيب سبيويلر يحسن من اداء مؤخرة الصاروخ ايرودينامكيا بالاضافة لبعض التحسينات الشكلية الاخرى وباقصى سرعة تم اسناد المهمة لمجموعة من الخبراء المحليين ممن تتلمذوا علي يد الصانع الكورى الاصلى



وبموارد محدودة وبكفائة مقبولة الي حد كبير انتهت المرحلة الاولي من التطوير
في مدة تجاوزت الاسبوع وبعد ضغوط شنيعة من القيادة السياسية اللي هيا انا لدرجة اني قعدت علي اديهم يومين عشان نحل معضلات التركيب وشراء المستلزمات من كوريا الشماليه (الحرفيين ) واخيرا انتهت الاصلاحات وجاء وقت الحساب



اولا يا جماعة شكرا علي الردود واهتمامكو بالصناعة الايرانية الحديثة وجهودها الرامية للصمود امام القوى المبرياليه العالمية والتي ان دلت فهي تدل علي مدى تمسكوا بمبادئ جماعتنا ( الشكمان هو الحل ) والتي ستثمر خيرا ان شاء في سبيل جهادنا المقدس ضد ال ال ( اهو ضد اي حاجة وخلاص )


(( تنوية هااااااااااام ))

هذة المعلومات سرية جدا والتعليق عليها او حتي مجرد الاطلاع قد يؤدى بك الي مشاكل كبرى مع جهات استخبراتية معادية ( حد فاهم حاجة !!!)





ديه فاتورة الحساب طالعة من التوكيل وزي ما انتو شايفين ان الاسعار مبالغ فيها حبتين وطبعا ده الاسلوب اللي بيتبعة اي مركز صيانة في التعامل مع شركات التوكيل يضرب سعر عاااالي جدا والمهندس بتاع المعاينة يفاصل فيوصل في الاخر للسعر اللي هو عايزة ولا عزاء لصاحب السيارة
الادهي والامر هو ما يحدث في قطع الغيار يعني مثلا ممكن المركز يقنع المهندس بتاع التامين انة هيغير رفرف وبعدين ميغيروش ويسمكرة بس ( علي السخن بحموات ) وممكن يعرفك الحقيقية او لاء ولو عرفك فبيفهمك ان ده في صالحك عشان العربية تبقي كلها فابريكا واي كلام في اي كلام

الخدعة التانية الاشهر هي خدعة وش الفانوس اللي بيتغيرلك وتتحاسب عليه علي انة فانوس كامل ( طبعا مش انت اللي بتدفع شركة التامين هي اللي بتحاسب ) بس لو انت عارف اعتقد انك هتشيل الوزر كمان ده بالاضافة لانة يحاسبك علي قطع غيار اصلية ويركب مضروبة وهكذا

الكلام ده مش مقصود بيه المركز اللي اتعاملت معاه تحديدا لاكن ديه سلبيات شوفتها في مراكز تانية في رحلة البحث عن مركز جيد وكمان سمعتها من المهندس بتاع التامينات

الخدعة الكبرى
في الغالب حضرتك لو جديد في الكار 8) مش هتعرف اي حاجة عن تفاصيل المقايسة والفواتير اللي بتطلع من مركز الاصلاح وانت بتحملها دون وعي لشركة التامين لاكن لو انت برووم ( حلوة بروم ديه :lol: ) هتعرف ان المركز بتاع الاصلاح سافح الشركة بتاعة التامين وانت طيشة في النص وساعتها قدامك حل من اتنين اما تبقي راجل ولد راجل وتقف وجفة رادل

يا اما تنصص مع مركز الاصلاح وتعملوا سبوبة مع بعضيكوا :twisted:

بس خد بالك لو صاحبنا بتاع مركز الاصلاح ولع لك في العربية او دهنهالك بمونيكير اظافر بدل البوية او حطلك حبهان في الشكمان ولا هتعرف تفتح بؤئك وهتاخد عربيتك زي البوبي مكسور العين مرفوع الديل ولمواخذة

فنصيحة من اخ لاقدر الله لو عربيتك حصل فيها حاجة وهتستخدم التامين متخليش عربيتك سبب في ان حد يسرق حد حتي ولو كان هينوبك من الحب جانب



الخطوة التانية هي تركيب الجنوط والجاوتش

مقاس الفابريكا كان 165/65/13

المقاس المفتكس هو 175/55/14 بس المقاس ده ملقيتهوش وبالعافية لقيت

185/55/14

( ليه اخترت المقاس ده )

مبدئيا انا بحب ان العربية تبقي سبورتي شوية كمان عمليا انا فعلا بجري في حتت فيها رملة او تراب او مياة وكل ده كان بيخلي العجل يفرك مع التسارع او يزحف مع الفرملة
وده لعيب في النقشة الغبية الاولي
ده غير خامة الكاوتش اللي افتدت مطاطيتها من سوء التخزين
كمان المقاس الاستوك مصمم اساسا للعربية الاصلية 1100 سي سي كاربراتير
وشهاب 3 1300 سي سي انجكشن مع نفس الوزن القديم وده بيديك احساس ان العربية ريشة في هو فكانت محتاجة حاجة تكلبشها في الارض شوية غير الاسبيويلر المهم نرجع لموضوع الكاوشت :lol:

قولت لازم اعرض الكاوتش
واغير النقشة
وشكليا لازم اكبر الجنط ل 14 بس عايز اديلو شكل 15 وفي نفس زات الوقت مأثرش علي المحيط الاجمالي للعجلة

ومن هنا جه المقاس الفتكاسي اللي انا جبتة











خيرا ده الشكل بعد التعديل وديه الحاجات اللي اتعدلت

1- دهان وسمكرة الجانبين الايمن والاييسر

2- تصليح خبطات صغيرة في الاكصادمات ( امامي وخلفي ) ورشهم بلون العربية
عشان الفابريكا مش بيجيو مدهونين

3- تركيب اسبيولر برايد اصلي ( استيراد عمل 125 بدهانة عشان كان مكسور واتصلح) والجديد مش موجود

4- تركيب دواسات سبور ميتل x كاوتش واشتريت شبشب بصباع (عشان مسوقش حافي تاني ) ops:

5- تغيير الكاوتش من 165/65/13 ال 185/55/14

6- تغيير جنوط الفابريكا 13 باخرى سبور 14 بوصة

-------------

التكاليف

1- فاتورة الاصلاح والدهان 2000 جنية فوق بس ديه المفروض اني استردها من التامين بعد ما تتشلفط شويتين

2- شوية اكراميات علي شوية اكسسوارات حسبة 200 جنية

3- اشتريت الجنوط 14 بوصة اندونيسي من اشرفكوا ب 1200 جنية

4- اشتريت الكاوتش accelera فرنسى ب 285 جنية للفردة

5- بعت الجنط القديم بالكاوتش ب 100 للفردة ( فردة الجنط والكاوتش )

الا ان القوى الشموليه المتعسفة بنت ديي ميبع هثقثقعهي ابت انها تهنيني بفرحتي فاغارت علي شهابي حبيبي في ثاني طلعاتة التجريبية مستخدمة اعتلي اسلحتها ( مقطورة بامب ) الميدانية مسلطة اقسي عتادتها ( مسامير الجنط الامامي لعجلة التريلا) لتخترق صاج شهاب 3 فتمزقة اربا من الخلف للامام وكل ده قبل ما الباش مهندز بتاع التامين ما يعاين العربية عشان يختم الفاتورة واكمل الاجرائات في سبيل استرداد مبلغ التامين ( حد فهم حاجة !!؟ )



عني مقدرش اعمل اخطار بالحادثة ديه عشان العربية في حكم الحادثة الاولي
ومقدرش اصرف تكاليف الاصلاح الاولي الا لما المهندس يعاين العربية وتبقي سليمة

والي لقاء في حلقات قادمة

[AbOnOrA]

ده صحيح فعلا لو حد عربيتة اتخبطت قبل ما تتعاين من اصلاح الخبطة الاولى يبقى عوضة على الله لازم يصلحها على حسابة

علشان كده احسن حاجة انك تعاين العربية فى مركز الاصلاح قبل ما تستلمها علشان لو حصلها حاجة فى المركز يبقوا هما مسؤلين عنها لاكن لو استلمتها منهم ولا قدر الله اتخبطت قبل ما تعاينها من الاصلاح الاول ملهاش حل كده هتصلحها وعلى حسابك كمان بس بعد ما تصلحها تعاينها علشان تاخد تكلفة الاصلاح الاولانى

[eygptphoto]

ياباشا ارجوك فى موضوعات كتير زى دى تحفة بس الصور مش ظاهرة ارجوك حاول تظبتها علشان نفسى اشوفهاptmnlo123per144

[tag_turbo0]

فين الصور
هتفرأ كتير أوى مع الموضوع

[waelfarid]

ياهندسة الصور غيرظاهرة فالموضوع كدة بقي نثر مع إفتكاسة التعبير الصور مهمة قوى