افكار لتظبيط (تجديد) AX

[sawy22]

شفت عنوان الموضوع فرحت جدا:06A7D5~13 2: فتحت الموضوع لاقيت الصور مش شغاله

[aymangalal]

المشاركة الأصلية كتبت بواسطة sawy22 شفت عنوان الموضوع فرحت جدا:06A7D5~13 2: فتحت الموضوع لاقيت الصور مش شغاله

عندك حق يا باشا مش عارف ليه الصور اختفت؟؟؟؟!!!!!
يمكن عشان اتشالت من الموقع الل كنت رافعهم من عليه؟؟؟؟
ويمكن اكون انا شيلتهم وناسى الموضوع ده لان بعد ما عملت الموضوع لاقيت كله بيدخل شوف ويتفرج ومش بيدينى رأيه ... فا يأست ان حد يشاركنى الاختيارات
وعليه .... بقالى فتره طويلة جدا مادخلتش الموضوع...
معلش بقى تتعوض فى موضوع تانى
واقولك وصف كده للصور :
كنت محتار فى لون الصالون (هلى اعمله كله بيج - او كله رمادى -او نصين بيج ورمادى)
فقررت نصين بيج تحت ورمادى فوق خصوصا بعد مارشيت لفايبر كله بيج بدا الرمادى زى ما شوفت فى موضوع التجديد
رشيت دهان زتى ميتالك نفس لون الدواخل الفابريقة
كنت عايز اعدل الكونسول اللى بين الكراسى وشكل المخدع فى الابواب وفشلت
ماغيرتش الجنزط لاسبور لان الفلوس خلصت
ماعملتش العتب والكساحات الفايبر لانهم برضه كانو هايتكلفوا
وكل اللى رسيت عليه من الافكار نفذته والحمد لله راضى عن النتيجه
معلش بقى خلى موضوع الصور ده عندى وتتعوض وافرحك بحاجه تانية بس انت تأمر

[YahiaAshraf]

مشكووووووووووووووووووووور س وقسوق

[OSAMAAUYB]

المشاركة الأصلية كتبت بواسطة aymangalal عاملين ايه فى البرد القاااااااااااااااارس ده مش كده؟؟؟ فكرت احط الموضوع ده فى قسم التعديلات الشكليه بس لاقيت قسم الستروين افضل لانه يخص المهتمين بفئة AX النهارده عامل موضوع(ان شاء الله) حصرى لمصر موتورز اتمنى ينول اعجابكم وخصوصا لرابطة الستروينية الغلابة AX وعشان نبقى مع بعض فى الصورة الموضوع عبارة عن افكار لتجديد وتظبيط AXمن بره وجوه(ده اللى ناوى عليه بإذن الله) بس على اصلها (من غير لعب فى الاساسيات) واللى عايز يضيف يتفضل واللى عايز يقول رأيه (وده المطلوب-لانى محتاج رأيكم طبعا) برضه يتفضل انا رتبت الموضوع فى صورة نقط والصور مرقمة عشان مانتوهش من بعض معلش الكلام الكلام كتير والصور برضه استحملو واستمتعوا بسم الله صور الوضع الحالى لعربيتى معلش سديت نفسكوا بالصور اللى مش ولا بد دى افتح نفسكوا شوية باللى جاى واللى ان شاء الله هيبقى زى كده المهم ماتسرحوش مع الصور والموديلات لانها للـ BMW والمرسيدس خلونا فى موضوعنا (الارقام اللى على الصور عشان سهولة التوجيه!!!! يعنى اللى هيدلنى على شكل معين معلش يتعب ويقولى الرقم اللى مكتوب على الصورة عشان اعرف اوصلها* من الداخل: يا ترى لو هغير لون الفيبر الداخلى الى البيج ارشه ولا اكسية جلد رأيكم فى دى بالذات مهم جداجداجدا -------------------------------------------------------------------------------------- 1- تجديد الصالون بالكامل وشد الكراسى والسقف والارضيه والشنطة بفرش جلد كله بيج ورش الفيبر الداخلى للصالون بيج مع تجليد النص التحتانى(فقط) للتابلوه والكونسول(بعد ما يتفصل) تقريبا زى كده.... ----------------------------------------------------------------------------------- 2-النص الفوقانى رمادى بالفيبر بتاعه زى ماهو والنص التحتانى بالارضية ونص التابلوه بيج يعنى =رمادى فوق*بيج تحت (الرمادى: سقف-قوايم لغاية التابلوه-نص التابلوه اللى فوق- نص القايم اللى فوق جنب الكراسى-الحزام- القوايم الخلفية لغاية ظهر الكنبة-حرف الابواب من فوق) (البيج:نص التابلوه التحتانى بالكونسول -فرش الابواب-فيبر الابواب التحتانى-الاوكر الداخلية-يد الابواب-فيبر الارضية-فرش الارضية) زى كده.... [IMG]http://www.masrmotors.co ----------------------------------------------------------------------------------- 3-كله رمادى فوق وتحت (يعنى الفابريقة) ماعدا فرش الكراسى والابواب (الفرش العادى هيبقى بيج) من غير ما نغير اى لون فى الفيبر الداخلى سواء فوق او تحت او قوايم بس اساسى تجليد نص التابلوه التحتانى بيج بالكونسول - وده لسبب ان مكان درج التبلوه عندى اصلا مقفول لان وراه حاجات التكييف يعنى الحته دى مش بتفتح والله يسامحه صاحبها كان بيقفل اى فيبر بمسامير زى ماهو باين فى الصور عندى ومخلى شكلها وحش قوى ده غير السيليكون اللى حوالين التقفيل الزباله ده و نفس الوضع عند غطاء علبة الفيوزات فى الشمال عشان كده عايز ادارى العك ده بكسوة جلد متناسقة مع الفرش وتدارى العيوب ويبقى قريب من كده...... ياريت مع كل رأى تدونى ملاحظاتكم على الاختيار مع مراعاة لون الاوكر الداخلية واكرة الزجاج الخلفى ومقبض الباب يعنى من الاخر كل كبيرة وصغير وانا كد كده حاطط صور عربيتى عشان الامور توضح اكتر ( وربنا ما يحرمنى منكم) ----------------------------------------------------------------------------------- 4-الاهم من ده كله واللى هيحدد حاجات كتير بقىالكونسول الوسطانى اللى انا عايز افصلة عمولة وييجى من تحت التابلوه من جوه لغاية اخر الكراسى ما بين الكرسيين اللى قدام بشكل انسيابى كده والغرض منه اضيف فية زراير السنتر وزراير ازاز الكهرباء فى النص واعليه شوية (عشان يغطى عصاية الفيتيس اللى منرفزانى بشكلها القديم ده ويبان منها حته صغيرة كده يا دوب الرأس) ويلم فى الاخر على عصاية فرامل اليد وفوقيها المخدع اللى عامل زى العلبة(لان مافيش درج للتابلوه وفيها فتحة من وراء واوصلها هواء التكييف ) الجزء ده بالنسبالى هوه الاهم لانه هيظبط شكل الصالون جامد بس خايف الضيق اللى بين الكرسيين يخلى الفكرة تفشل مع انى معتمد على لم قاعدة الكرسى لجوه عشان توسع واعمل كمان حساب المشابك بتاعة حزام الامان واوكرة تحريك مسند الكرسى- ياريت تركزو معايا فى الحته دى فى عربيتى -مين بقى يقدر يعمل الشغل ده ؟؟؟ فى الاخريبقى قريب كده مثلا..... معلش الصور بتتكرر على حسب المطلوب منها ------------------------------------------------------------------------------------- 5- تجليد الشنطة بالكامل زى كده.... ------------------------------------------------------------------------------------ 6- عمل بطانة للكبوت وغطا الشنطة زى العربيات الزيرو (هما بيتفصلوا عند السروجى ولا بيتجابوا استيراد؟؟) -------------------------------------------------------------------------------------- 7- تركيب سنتر بالريموت وماكينة كهرباء تفتح الشنطة من جوه ومن الريموت بتاع السنتر فى نفس الوقت (هل ده ممكن ولا ما ينفعش؟؟؟) ------------------------------------------------------------------------------------- 8-عمل امكانية قفل السنتر عند سرعة 40كم اوتوماتيك (ممكن ده؟؟) ------------------------------------------------------------------------------------ 9-اضاءة اضافية فى خلفية الصالون + اضاءة خفية فى الدواسات ورا التابلوه(اعتقد دى سهلة) ---------------------------------------------------------------------------------- من الخارج: 10- عمل فوانيش شبورة فى الاكصدام الامامى بطريقة محترمة - تنصحونى بإيه؟؟ -اى نوع اجيبة يمشى مع الاكصدام والفوانيس مع العلم انى هفتح فى الاكصدام على قد الفوانيس بالظبط !!! والاحسن مربع ولا مدور؟؟؟ وفيه لمسة كده نازله من حرف الكبوت فوق الفوانيس بخط مستقيم مغيرة شكل الفانوس حبة (بدل ماهو مدور من ناحية الكبوت هيبقى نازل قطع بخط مستقيم) دى بقى معمولة فبر على الفانوس تحت الكبوت؟؟؟ ولا صاج فى الكبوت نفسة ؟؟؟ وهل بتأثر نور الكشافات ؟؟ وايه رأيكم فى شكلها ؟؟؟ اعملها ولا بلاش؟؟؟ زى كده..... مع تغيير لمبات الفوانيس العادية بلمبات فيليبس رالى او النوع التانى المشهور ده ---------------------------------------------------------------------------------- 11- تركيب جريدتين للسقف وفيبر على قوايم الشنطة زى كده...... على فكرة ظهر الكيا بالشنطة والفوانيس والاكصدام الخلفى مقارب جدا للـ ax بس عل كبير ----------------------------------------------------------------------------------- 12- تركيب رفارف وعتب فايبر(لاحظو الرفارف الخلفية مستقيمة) زى كده..... ولو هعمل الفايبر فى الرفارف الخلفية مدورة هيبقى شكلها كده (من غير ما اغير او العب فى الصاج)... ---------------------------------------------------------------------------------- 13-الجنوط اللى اللى عندى مقاس 13 عدد 3 خرم ومش عايز اغيرها لاسبور لان الحديد عملى اكتر مع خبطة ولا حاجه لاقدر الله ممكن يتعدل تانى لكن الاسبور يشرخ على طول ده بخلاف فرق الوزن عشان كده هخليهم واجيب كاوتش 165 بدل 155 واستنضف طقم طاسات استيراد بتاعها..... --------------------------------------------------------------------------------------- 14- لون العربية زيتى ميتاليك من بره بس المعجون الزيادة مطرقع من كذا مكان هنزل ده كله وارشها تانى(ماحدش يعرف اجيب كود اللون الاصلى منين؟؟) او هوه موجود فى انهى حته فى العربية ؟؟؟؟ (مطلوب جدا) ------------------------------------------------------------------------------------ Citroen ax 95-1400 دى بيانات العربية واللون الاصلى زيتى ميتاليك عايز ارشها نفس اللون الاصلى انا اكتفيت بتظبيط الاساسيات وتحسينها دون زيادات كثيرة عشان مش عايز شغل كتير توفيرا من ناحية والذوق فى البساطة من ناحية تانية اسف طولت وتقلت عليكم (يا اهل العطاء والخير فى احلى منتدى ) بس يللا كله بثوابه وشكرا مقدما لكل من شارك برأية او دخل اتفرج وخرج هههههههههههههههه

caenk you very good

[roro2001]

هى فين ورشه الحاج فرج ومحمود اللى فى جسر السويس دى ولو فى رقم تيلفون ياريت او العنوان مفصل