بالله عليكم . ما رئيكم في الكيا سيراتو 2012 .. هل صفقة مربحة ؟

[mando_car]

المشاركة الأصلية كتبت بواسطة ابو فاروق السيراتو عربية جميلة . لكن كمان سنة هينزل الجديد وهتبقا في موقف مالكي النترا الشكل القديم .. راحت عليها يعني .. انصحك بالنترا 2012 او كروز عربيات ليها وضعها وقدامك فيهم لا يقل عن 4 سنين .

اها ..
النترا او كروز ... ماشي

المشاركة الأصلية كتبت بواسطة jojojojojo كيا عربيه كويسه جدا وتنفع في السفر لو حضرتك عايز تشغلها وعلي فكره كان في برنامج في قناه المحور امبارح كان بيقارن بين الاكسنت ار بي والسيراتو والاخيره تفوقت في كل حاجه ماعدا موضوع السرقه اللي منتشر في السيراتو واللي مقدم البرنامج ناشد الشركه بايجاد حلول لتلك الموضوع وفي الثبات تفوقت السيراتو وخاصه في المنحنيات وقال علي الاكسنت اربي ان فراملها مش قويه لتناسب قوه الموتور وان ده عيب في شركه هيوانداي حصل قبل كده ف الفيرنا ع فكره الراجل ده لديه خبره في العربيات انا حبيت بس انقلك وجهه نظر خبير في العربيه وانت عليك الحكم

اهااا شكرا جدا علي النقل ألي يفتح النفس دة .
اخيرا حد شكر فالسيراتو ... بمروري علي قسم السيراتو هنا حسيت اني كات شراء عجلة مش عربية !

[M.TONSY]

النترا

[محمدصلاح القاضى]

المشاركة الأصلية كتبت بواسطة mando_car السلام عليكم ورحمة الله انا يا جماعة ليا اكتر من شهرين ابحث عن سيارة ومحتار بشكل رهيب لدرجة اني رحت لحد المعرض امضي العقد ورجعت تاني .. والسبب اني هجيب عربية منها هتكون ملاكي ومنها هتكون مصدر دخل لي . دة اولاً والعربية هتكون قسط . لكن انا من جوايا عايز اركب عربية فخمة وجامدة وكنت متوهم علي النترا 2012 الشكل الجديد . وشفتها وركبتها . لكن قسطها هيكون كبير شوية عليا واخر حاجة وصلت ليا كانت الكيا سيراتو 2012 كاملة اتوماتك بدون فتحة سقف وبدون جنوط وهيكون قسطها 1270 يعني جميل بصراحة .. بس العربية دية لو جبتها هعيش وتعايش بيها 5 سنين فمن الاخر هل هي صفقة مربحة .. من حيث ؟ فال 5 سنين دول العربية هتكون اعتمادية وقطع غيارها معمرة ؟ فال 5 سنين دول العربية هتكون ممتعة ولا هيجي وقت واطفش منها ؟! هل الشكل دة هيتغير ؟ وهيتغير امتة بالظبط لو حد لية علم ؟ هل في عربية في نفس الفخامة والامكانيات والشياكة وبنفس الثمن 107 الف ؟! بختصار عايزكم تدوني كلمة حق هتسئلو عليها .

بخصوص السيراتو انا كنت بحبها لحد ما سمعت من ناس كتيير عنها اول حاجه انها واطيه اووى والعفشه مستحيله لو فى زلطه هتحس بيها لكن انا انبسطت اوووى من الكروز لانها عربيه فخمه وعائليه وتعتبر شيك من برا وثبات فى المشى حاجه ايه اسطوره لكن العيب الوحيد انها ضخمه وحضرتك عارف شوارعنا ممكن توقف لا قدر الله تتحك والحكه بتزعل
لكن انا افضل انك تجيب اوكتافيا حاجه تبع شركة فولكس فاجن والناس بتشكر فيها جدااا من كل حاجه وعمليه جداا وحوت فى المشى
تقبل مشاركتى فى موضوعك

[mando_car]

المشاركة الأصلية كتبت بواسطة AboNoRa بغض النظر عن نوع العربية عمر القسط ما هيبقى صفقة مربحة او مصدر دخل مناسب لقيمتها بعد الفوائد على خمس سنين انا مش عايز احبطك ومش عايزك تتخدع برضو

مفيش احباط ولا حاجة بس هات ليا حل
عايز عربية فخمة ويكون شكلها حلو . مقبول .
وسعرها يكون فحدود 60 : 70 الف
مش هتلاقي غير لانوس - فيرنا .. صيني .
دة حتي النترا 2009 بيكلم في 90 الف مادام كدا كدا هتبقا قسط مستعمل ! خلينا فالجديد والزيرو
من ضمن الناس ألي كلمتهم استاذ سيف الخاص بالموقع هنا
قالي " وشوف العجب " تقسيط مستعمل لازم ضمانات غير ال 50% و تقسيط جديد 50% بصورة بطاقة الله !
دة غير انو عرض عليا عربية لانسر بومة موديل 2007 او 8 حاجة زي كدا وادفع ما يقارب 60 الف واقسط 4 سنين 2000 جنية .
اي عقل يروح ياخد مستعمل بالاسلوب دة
والله يا ابو نورا انا تعبت من الموضوع دة . انا مش عايز اقساط
بس برضو الناس عايزة تكسب فعربيتهم بشكل غريب !! وعكس السوق .
كونتكت كار علية شوية اسعار غريييييييييييييييييييييبة .
تلاقي واحد كاتب افيو 72 الف وماشية 40 الف كيلو . عايز يخسرالفين تلاتة فالعربية .. ألي شلتو وشالت رجلية 40 الف كيلو ازاي ؟! دة لو ركب تاكسي 40 الف كيلو هيدفع ثمنها ههههههههههههه
ولو عندك حق عربية فخمة كبيرة وسعة . موديل فوق ال 2009 تبقا تمام جدا
النترا . سيراتو . كروز .وما يماثلهم .

المشاركة الأصلية كتبت بواسطة tham1010 الالنترا افضل كثير الان الشكل الجديد لايقاوم. لو هتدفع شوية زيادة لكن فى النهاية هتكسب عربية افضل

هيا جامدة جدا عندك حق

[حاتم عبدالرؤوف]

اسمحلى انى الفت نظرك لحاجه مهمه ان الالنترا مش اى ممكن يتكلم على عربيه من غير مايركبها ويجربها وبعدين يقول راى فى كل شىء مع احترامى للجميع ايه رايكم فى التصميم بتاع الالنترا الجديده وهى ماشيه جنب الميكروباصات اللى ربنا ينتقم منهم السواقين اللى بيركبوها لشويه عيال صغيرة واللى بيمشوعكس الاتجاه كمان فى وسط البلد لاقدر الله فين السمكرى اللى ممكن يرد الباب ولا الرفرف على البارد ولكن اقدر اقول انى اشتريت سيراتو ولا يوجد فيها عيب غير العفشه فعلا رغم انى اشتريت الجنط ال15 ومش عارف اعمل ايه وايه الحل فى العفشه دى وربنا يكرمك وتقدر تختار صح بس انا راى تشوف انت مرتاح لايه فى كل دول واستفتى قلبك وتوكل على الله والف مبرررررررررررررروك مقدما وربنا يكفيك شر اى واحده فيهم ويديلك خير اللى هتنوى تشتريها...... اعتذر للاطاله