|
#32
07-05-2012, 04:18 AM
|
|||
|
|||
رد: مقارنه بين اشهر سيارتين
انا عن نفسىكنت امتلك byd f3 وهى سيارة تقفيل مصرى فما أدراك البدايه صينى والاخرة مصرى يعنى سئ فى اسوء ولو حبيت تعرف اكتر ممكن تتوجه الى مركز صيانة بى واى دى بجوار محمد زكى توكيل الكيا على الطريق الدائرى داخلة المقطم ومحور الشهيد ولا تسأل سواقين التاكسى الحديث بل توغل الى الداخل كأنك تمتلك سيارة اجرة واول الاستغاثات الفرامل حيث ان ممول الشركة سوف يصدمك بأن التيل الذى لديه من النوع الردئ وصدقنى عندما حصلت على السيارة ماكملتش 3 ساعات وأتوجهت الى التوكيل للكشف واتنططوا عليا وقالوالى تعالى بكرة وجيت لهم بكره واخدوا السيارة لمدة 5 ساعات خرجت العربية بدون تغير اى شى المهم فين وفين لما يأست غيرت التيل الامامى بعد جوالات كثيرة اما الخلفى فما كان الا انى اروحلميكانيكى يصنفرلى التيل والطنابير وفى الاخر غيرت العفشة لعفشة تويوتا اصلى مع بعض التعديل ولما زهقت بعت العربية وصدقنى كان فيه نبى بيدعيلى لأن اللى خدها كان سامع انها تويوتا وماتور لانسروطبعا مواتير لانسر بريئة من كدب المصريين
ولا حول ولا قوة الا بالله 
|
|
#33
12-05-2012, 08:57 PM
|
|||
|
|||
|
رد: مقارنه بين اشهر سيارتين
يجب ألا نغفل أن جميع وكلاء السيارات يوجهون اهتمامهم لمواقع السيارات المتخصصة علي الانترنت لما لها من تأثير علي شريحة كبيرة جدا من المستهلكين، وبالطبع يتم تقديم صور مختلفة من الدعم للمواقع للترويج لنوع ما واضعاف منافسيه أو تجنيد اشخاص لوضع مساهمات تفهم علي أنها موضوعية أو من ملاك فعليين، لذلك يجب توخي الحذر والاعتماد علي تقييمك الشخصي للمنتج أو السماع لكل الاطراف واستخلاص الرأي الاصوب.
كما يجب دراسة احتياجاتك لتستطيع قبول عيب أو اكثر في منتج مقابل مزايا أخري ترضيك ان كنت من شخصيات قلقة ومرتابة فلا تتجه الي السيارات الصينية اساسا لاتك قد تشك في اي حدث مع انه عادي ومن واقع خبرتي في العديد من السيارات طبيعي جدا تسمع صوت احتكاك معدني شديد في الالف كيلو الاولي عندما تصغط علي الفرامل ويستمر الصوت بعد ترك بدال الفرامل (حدث معي في فانتازيا وفي BYD علي حد السواء) ولكنك في حالة الصيني تسب وتلعن وأما في حالة الفانتازيا هيبقي طبيعي وتبرر فورا ان التيل مطبعش ومسألة وقت. عفشة الفانتازيا ناشفة جدا والمطبات في العضم والقاعدة غير مريحة بالمرة ولكن دي فانتازيا أكيد العيب في أنا والعفشة الناشفة دليل علي قوة احتمالها وتصميمها المخصوص للشوارع المصرية أم في حالة سبيرانزا ابو الصيني واللي شار بيه واكيد عربية مقلب وتقفل وتبقي سنينك معاها عذاب لغاية ماتخلص منها. الخلاصة ان هناك العديد من السيارات والاسماء البراقة في السوق المصرية لا تخلو من المكونات الصينية بحكم انتقال العديد من مصانع المكونات من اليابان واوربا الي الصين ان لم تكن السيارة بالكامل مصنعة بالصين وتتدخل مصر ببيانات منشأ مضروبة وتتكشف الحقيقة بعد سنين وسنين. تمنياتي بالتوفيق للجميع
|
|
#34
12-05-2012, 10:22 PM
|
||||
|
||||
رد: مقارنه بين اشهر سيارتين
صلاة النبى أحسن [/COLOR][/SIZE]
BYD ايه ؟!!!!!!!!!!! ال BYD تتقارن مع سوزوكى ماروتى 128 سماوى  :fun_ rofl:بص ياباشا اولا كلكم بتتفشخروااا اوووى بالموتور المتسوبيشى  احب اعرفكم حاجه ان المواتير بتاعت المتسوبيشى كلها واحده لكن فى فرز أول وفى فرز تانى فى فرز تالت وانتم عندكم الفرز التالت  !!!!!! تانى حاجه فتيس ال BYD زباله اخره 100 الف كيلو ولازم ينزل علشان الغوايش بتاعته بتبوظ وتلاقى سيادتك مديها الغيار وفجأه العربيه تنطر الغيار  ثالث حاجه عفشتها الى حد ما كويسه الشكل الخارجى جيد الثبات على كلام حضراتكم عند سرعة 140 ممتاز وحكايه الوسائد الهوائيه دى منكش من الشركه واتحداكم اذا كان فى عربيه BYDعملت حادثه وطلعت الوسائد الهوائيه اما الاسبيرانزا A516 فدى بقى محبوبه المصريين عربيه بتاعت شقا وشغل اولا الموتور مصنع من شركة AVL النمساويه ودى شركة بقالها اكتر من 100 سنه بتعمل مواتير يعنى مش لسه فاتحه اول امبارح العصر والشركة دى بتصنع مواتيير الطائرات العملاقه AIR BUS ثانيا الفتيس انعم من الحرير ولا يوجد به اى مشاكل ثالثا عفشتها كويسه جداااااا جداااااااااا لا هى ناشفه زى السيراتو ولاناعمه نعومه التيوتا هى فى المتوسط ودا بحكم مقاس الجنط ال 16 والكاوتش ال 55 سم رابعا الشكل الخارجى ممتاز من ناحيه الفوانيس العدسات والفوانيس الشبوره والاكصدمات مع الشبكه والشكل اللى ورا دا بيفكرنى بمثل ) رفعا حاجبها وحدش عاجبها( الثبات بقا موتور روحه طويله يعنى 100 على التالت والرابع 120 والخامس 150 وانت طالع والثبات ميش احسن من كدا 180 كيلو على الدولى وثبات ايه وعرز ايه كنت واكل الطريق كله !!! الوسائد الهوائيه فهى مش موجوده فعلا بسبب تقصير من الشركة المصنعه واذا كان على التقفيل فالتقفيل ممتاز جداااا يعنى لافى تزيييق ولاشخشخه ولا تخبيط زى عربيات تانيه انا عاشق للاسبيرانزا وزى ابو الفتوح ما ملا مصر دايو هيملاها اسبرانزا برضه وابقى سلملى على البى واى دى :fun_ rofl:
__________________
دا لينك اولتراس فيات 132 دا لينك صفحتى على الفيس بوك   التعديل الأخير تم بواسطة محمدصلاح القاضى ; 12-05-2012 الساعة 10:27 PM
|
 |
|
|
