كل ما تريد معرفتة عن السيفيا و الشوما ..

[كيا سيفيا]

وتتعقد ليه احنا انقذناك من عربيه كانت هاتتعبك.
اما بخصو ص السيفيا المانيوال موديل 2000 فى حدود40او 41 ألف بشرط الحاله انا بايع واحدم من 6 شهور مو 2000 دواخل فابريقه عامله 80000كم بـ 41بس كانت معايا من الزيرو وكاوتش جديد وبطاريه جديده جافة وصيانة دورية فى التوكيل
وبالتوفيق

[mr vigo]

طيب بص ياصاحبي
بيقولولي فيه في التوفيقيه محل لبيع قطع غيارها الجديده
اسمه حلمى سليمان فى التوفيقيه
وفيه مكان للأستيراد سوسو فى آخر فيصل من ناحية الهرم

فإيه رأيك ؟؟؟
إزا كنت حلاقي القطع عندهم فهل ده يغير من نصيحتك ولا أنت متأكد فعلا انها مش موجوده ؟؟

[كيا سيفيا]

راى النهائى بلاششششششششششششششششششش.
دى نصيحه لوجه الله دون ابتغاء اى شىء انا ماعنديش عربيه ابيعها لك وانت فى الاخر صاحل القرار

[mr vigo]

ربنا يكرمك يا صديقي
ومتاسف لو كنت دوشتك

[nader elshekh]

المشاركة الأصلية كتبت بواسطة max_ziro ......................... ........ بص ياسيدى السيفيا و الشوما متشابهين ف اغلب الحاجات ماعدا الاجزاء الخارجية (البودى) يعنى عفشة متور زى بعض ....... تانى حاجة الشركات المنتجة لها (المساهمة فى انتاجها) ......................... .................... كيا موتورز طبعا و ساهم فيها شركة ماذدا نفس متور المازدا ال323 موديل 99 (الفاميلى) شركة لوتس نظام التعليق ماكفرسون امامى متعدد الموصلات خلفى اما عن الالكترونيات ف الموجودة بداخل الموتور بترخيص من شركة بوش اما الاساسى ف هو انتاج شركة سيمنز العالمية اما عن التصميم ف هو مصمم انجليزى مش فاكر اسمة الكلام دة ينطبق على السيفيا و الشوما ......................... ............ نيجى بقا للمواتير نزلت ب 3 مواتير طبعا اكثرهم انتشار فى مصر هو ال1500 و دة 101 حصان و 145 نيوتن و فى مواقع بتقول 97 حصان الله اعلم و ال 1600 مفيش فرق كبير بينة و ال 1500 اما بقى المحرك الاسطورة 1800 و دة 122 حصان و 153 نيوتن .............. خصاءص المحرك ف هو ب 2 كامة علوية 16 صباب ............. استهلاك البنزين دة فعلى عشاد دة الى بيحصل معايا 10 لتر لل 100 كيلو جوة البلد و 6 لتر لل100 كيلو على السفر ......................... .......... اما عن المواد المستخدمة داخليا ف هى جميلة جدا ولاكن يعيب عليهم ان التابلوة بيبوظ من الشمس التابلوة مصنع من الخشب و مكسى بطبقة من الجلد على الجودة الى للاسف بيشد من الشمس تقفيل العربية فعلا جميل جدا جدا و نضيف و مقفلة بعناية ......................... .......... الصالون واسع بشكل غريب و مريح جدا سواء كرسى السواق الو الكنبة الورانية الى فعلا مريحة بشكل غريب جدا ......................... .......... نيجى بقا لاسعار قطع الغيار 1-الفوانيس تايوانى 250 للفردة و دة تقرريبا زى الاصلى صينى 130 للفردة و طبعا ضعيف 2- مساعدين سبور صناعة يبانى و نضيف جدا jyk ال 4 ب 1500 تقريبا (مساعدين غاز قدرة تحملهم اعلى و ثبات اكتر على السرعة و الملفات و ناشف شوية جوة البلد ) عاديين المانى و بردو نضيف جدا تقريبا ب 1000 او اقل انا مش متزكر قوى (زيت عاديين و مريحيين و ناعمين جوة البلد جدا و بردو ثباتهم معقول و جميل لغير هواة كسر حاجز ال160 ) طرمبة باور اصلى جديدة 550 اسكاترة استيراد 700 او اقل حسب شطارتك مقصات 200 اكصدام اصلى استيراد من 500 ل 700 و بردو انت و شطارتك الجديد 350 و جميل عن تجربة وطبعا فى ارخص بس منصحش بيهم خالص زجاج 370 دوبلكس امامى اما خلفى معرفش بس هتلاقى نفس الحدود .. ماتور كامل ب تركيب و تجربة او قياس كبس 2000 جنية فتيس مانيوال 1500 اوتو 3000 ريداتير بمراوحة ف حدود 350 سربنتينة نفس الحدود تقريبا قنطرة ب 200 جنية كبالن هنا فى اختلاف لو سيفيا من 150 ل 200 الفردة (داخلى خارجى و بار)استيراد و شوما ب الاىبى اس صعب تلاقيه و كمان ب 250 الفردة (داخلى و خارجى و بار )استيراد ......................... ................... الصاج الخارجى نسبيا ضعيف انما مثلا احسن من الكريستالة اما عضم العربية ف هو فعلا قوى جدا ......................... .................. العربية حاصلة على 4 نجوم فى اختبارات الامان و مزودة ب قطبان جانبية للحماية (اظن دة فى الكورى بس) ......................... ................. الفرامل جيدة جدا حيث تمت التجربة عن طريقى انا من سرعة 100 الى 0 فى المنطقة مابين عمودين نور .. هو مش معيار دقيق بس انا شايف انها كوسية جدا جدا و فعلا اسعفتنى فى مواقف كتيرة و طبعا كلة بستر ربنا .......الشوما بها موديلات بها اية بى اس ..... ......................... .............. نيجى بقى للاداء هقول على سيفيا 2000 كورى الى معايا اداء بجد عاجبنى جدا و فعلى العربية طالعة من جولييت لانوس بومة 1300 كريستالة تويوتا كورولا94 كورولا 1300 2006 ............اظن كدة كفاية هههههههه ثبات روعة و معدل السرعة بتاعى 160 ربنا يهدينى عادة وحشة نفسى ابطلها الاستحمال سفر مرتين اسبوعيا من الاسماعيلية للقاهرة و غير اللف جوة القاهرة و الاستخدام بقية الاسبوع داخل المدينة الحمد لله ماشاء الله عليها زى الفل ......................... .... الشوما بها موديلات تتميز عن السيفيا ب فتحة سقف و اية بى اس و 2 اير باج و 5 جنط و كاسيت اصلى 5 سى دى طبعا نادرة الوجود و بصفة عامة قطع الغيار للشوما اغلى حبة من السيفيا ......................... ............. يارب مكونش نسيت حاجة خالص و انشاء الله انا موجود لاى استفسار او اى سؤال لاى حاجة ف العربية .... و الى محتاج الكتالوج بتاعها يبعتلى الميل بتاعة و انا ابعتهولو او حد يدلنى على موقع رفع كويس ارفعة علية عشان يكون الموضوع كامل ... شكرا مقدما ..

ممكن لو سمحت انا بدور على دفيره كهربا لكياسيفيا موديل 2000 القيها فين