استفسار هام وارجو الرد ضرورى عن سياره لادا 2105 ؟

[mr_astra]

المشاركة الأصلية كتبت بواسطة mr_astra لالالالالالا ارخص قطع غيار هى الـ لادا اولا بتشتغل بنزين 80 ولو فى اقل ما فيش مشكلة استهلاك للبنزين معقول وعلى حسب حالة الموتور لكن نقدر نقول من 220 الى 250 كم / الصفيحة (20 لتر) قطع الغيار موجودة بكثرة وموجودة جديدة او استيراد اسبراتير 160 جنية جديد كربراتير 200 جنية استيراد وش للفانوس الامامى 10 جنية جديد ملهاش سير كاتينة ولكن سير جنزير يعنى كل 5 سنين لما نغيرة المجموعة كاملة 150 جنية بلف للشدادا بـ 45 جنية جديد كاوتشة شداد الاتنين الطويلة والقصيرة بـ 25 جنية جديد طقم جلب مقصات (8 قطع ) 90 جنية جديد بيض للمقص وخلى بالك عدد 4 مش اتنين زى اى عربية البلغارى بـ 160 جنية جديد مناول على بلى بـ 60 جنية جديد مساعدين امامى افتكر بـ 180 جديد مساعدين خلفى دبابة يابانى 180 جنية اغلى حاجة جديد طقم تيل امامى 40 جنية والخلفى بيتملى بـ 60 جنية اغلى حاجة فيها الفتيس الـ 5 غيار بـ 1200 جنية استيراد اقصد اقول ان حاجاتها رخيصة اوى وممكن تروح تشترى حاجة ليها تاخد فلوس من البياع مش تدفعلة

دة رد عملتة من كام يوم

[عبد الرحمن البدرى]

اشكرك على سرعة ردك وبجد انت افدتنى كتير كل الشكر لك وخالص تحياتى لك

انت شايف ان السعر مناسب على الموديل يعنى مش غالى ؟

[mr_astra]

والله السعر مناسب اوى

[عبد الرحمن البدرى]

اشكرك ربنا يخليك واسف لو كنت اطلت عليك فى الاستفسارات بس لان كل الناس بتخوفنى من ال لادا وبتقول عيوب الدنيا فيها انها بتسخن وعربيه مش عمليه ورخمه ومش عارف ايه لكن لما دخلت المنتدى وقريت لقيت ان كل الناس بتشكر فيها انها عمليه وحاجاتها سعرها رخيص علشان كده حبيت استفسر منكم وشكرا لك

[عبد الرحمن البدرى]

انا اتفرجت على العربيه بصراحه ماعجبتنيش محتاجه سمكره لانها واخده خبطات كتير والاكصدامات من الجوانب الفيبر بتاعاها طاير بس العربيه كحوض وشنطه وكل حاجه زيرو حتى كل قطعه تخص الموتور والقرب الخاصه بالمياه ...

لكن فى حاجه لفتت نظرى وعايز استفسر عليها لما شغلت العربيه لقيت لمبة الانجيكشن منوره هل هيا بتفضل منوره دايما ولا المفروض بتنور لما بتشغل العربيه وبعد ما تشتغل العربيه اللمبه تطفى ارجو الافاه اخوانى الكرام ؟