شوية اسئلة بخصوص السيراتو 2012

[YahiaAshraf]

المشاركة الأصلية كتبت بواسطة A7MED NASSER س1/ هل السيراتو واطية وبتحك في المطبات ؟؟ لأ . بس لو معاك ناس كتير ورا ممكن س2/ هل عفشة السيراتو ناشفة ؟؟ في الجنط 17 ً بس س3/ لو عايز اجيب العربية اجيبها جنط 16 ولا 17 ولا جنط عادي؟؟ هي معايا بالجنط 16 ً بس طبعا الجنط 15 ً العادي افضل للعفشة س4/ هل فرامل السيراتو قوية ؟؟ معقوله و مش وحشه و تعتبر احسن من عربيات كتير بس فرامل الكروز افضل كتير س5/ هل اسعار قطع غيارها غالية ولا معقولة (جوه التوكيل طبعا) ؟؟ اي قطع غيار في اي عربية غالية جوه الوكيل و تعتبر اسعارها كويسه برضوا س6/ هل الخامات الداخلية للسيراتو سيئة ولا كويسة؟؟ الخامات كويسة جدا كمان س7/ هل عداد السيراتو ممكن يتقفل ولا صعب ؟؟ بصراحه ما جربتش بس مافيش حاجه صعبه علي المصريين س8/ هل السيراتو موفرة في البنزين ولا ايه؟؟ موفره في البنزين و لكن الالنترا القديمة موفره عنها كمان س9/ هل العربية ثابتة على السرعات العالية؟؟ فعلا و ده لان بورها بيتقفل بعد ال 120 و بصراحه انا مش من هوات الجري بعد كده س10/ ما هي الاعطال التي واجهتك مع السيراتو؟؟ لغاية الوقتي مافيش الحمد لله (بقالها سنة و نص معايا) س11/ هل سحب العربية قوي ولا ضعيف ؟؟ سحب العربية جميل جدا و اقوى من الكروز كتير و لكن الالنترا الجديده بتتفوق عليه الوقتي س12/ ما هي العيوب والمميزات التي لاحظتها في السيراتو؟؟ مميزاتها :- - مافيهاش السوك كتير زي الالنترا القديمة و الجديده - شكلها جميل جدا و عاجبني عن الالنترا القديمة - كماليتها كتير و ممتعه - فرشها و صالونها من الداخل روعه عيوبها : (سمعتها وحشه في مصر) :- - بسبب جنطها 17 ً و العفشة بتعتها - كثرة السرقة ليها بالذات مع زر البصمة في اعلى فئه س13/ايه اسم الدلع للسيراتو علشان انا مش لاقيلها اسم دلع ؟؟؟ ممكن تسميها سوسو زي ما انا مسميها ههههه و لخلاصة الكلام : السيراتو في اعلى فئه ليها فقط فشله (بسبب عفشتها و سمعتها) و ناجحه جدا لجميع فئتها الباقيه في جنوطهم ال 16 ً و ال 15 ً

: 010104~171::0 10104~171::01 0104~171:

[KhaledSobhy]

المشاركة الأصلية كتبت بواسطة sherifabden ملاحظة : الاسئلة موجهة فقط موجهة لملاك السيراتو وليس ملاك اي سيارة اخرى اجب عن الاسئلة الاتية: جميع الاسئلة اجبارية س1/ هل السيراتو واطية وبتحك في المطبات ؟؟ ج1/ مابتحكش فى المطبات لكن لو محمل عليها خد المطب بالدوران براحة س2/ هل عفشة السيراتو ناشفة ؟؟ ج2/ لا خالص والنقر والحفر ماتسمعلهاش شخللة خالص والعفشة ناعمة جدا س3/ لو عايز اجيب العربية اجيبها جنط 16 ولا 17 ولا جنط عادي؟؟ ج3/ جنط 17 افضل س4/ هل فرامل السيراتو قوية ؟؟ ج4/ نعم وخاصة لوكانت ABS س5/ هل اسعار قطع غيارها غالية ولا معقولة (جوه التوكيل طبعا) ؟؟ ج5/ انا بصراحة معنديش فكرة قوى لأنى روحت مع واحد صاحب ماكنش بيعمل الصيانات الدورية خالص وكان 100 الف كم وراح يش عليها فى التوكيل غيروله طقم سيور وزيت شيل 10000كم وبوجيها وفلتر هواء وفلتر تكييف وتزويد فريون وحاجات كتير كانت التكلفة كلها 3500 جنيه س6/ هل الخامات الداخلية للسيراتو سيئة ولا كويسة؟؟ ج6/ جيد جدا س7/ هل عداد السيراتو ممكن يتقفل ولا صعب ؟؟ ج7/ لا صعب بس السحب ممتاز س8/ هل السيراتو موفرة في البنزين ولا ايه؟؟ ج8/ بصراحة لا س9/ هل العربية ثابتة على السرعات العالية؟؟ ج9/ ايوة ثابتة جدا س10/ ما هي الاعطال التي واجهتك مع السيراتو؟؟ ج10/ بصراحة انا مش معايا سيراتو بس صاحبى معاه سيراتو 2010 وبسم الله ماشاء الله ممتازة ولايوجد بها اعطال هو عامل بيها دلوقتى 130000كم س11/ هل سحب العربية قوي ولا ضعيف ؟؟ ج11/ السحب ممتــــــــــــاز س12/ ما هي العيوب والمميزات التي لاحظتها في السيراتو؟؟ ج12/ 1- المميزات : سحب - سرعة - عفشة ناعمة وقوية فى نفس الوقت - صالون واسع - اوبشنز عالى من كاسيت وسماعات وتكييف وحساسات ركن خلفية وووو - صوت الموتور هادى جدا جدا تكاد لاتسمعه - من الاخر تشعر انك راكب BMW بس كورى 2- العيوب : استهلاك البنزين - ارتفاع اسعار قطع الغيار بس بتحس بأداء عالى جدا وفي سؤال مهم اوييي انزل تحت ايه اسم الدلع للسيراتو علشان انا مش لاقيلها اسم دلع ؟؟؟

ههههههه سوسو أو توتة
: Wkiss5: